Handelsblatt: აშშ-ს პრეზიდენტი შეიცვალა, „ჩრდილოეთ ნაკადი-2“ კი პრობლემად რჩება

Handelsblatt: აშშ-ს პრეზიდენტი შეიცვალა, „ჩრდილოეთ ნაკადი-2“ კი პრობლემად რჩება

access_time2021-01-21 19:00:32

შტატებში ძალაუფლება ახალმა პრეზიდენტმა გადაიბარა, მაგრამ დონალდ ტრამპის პერიოდში დაწყებული კონფლიქტი რუსულ გაზსადენ „ჩრდილოეთ ნაკადი-2“-ს ირგვლივ არსად არ გამქრალა. ის ვაშინგტონს და ბერლინს შორის დაპირისპირების საგნად კვლავ რჩება. ახალი რეალობაში ტრანსატლანტიკური საგაზო დიპლომატიის დროც მოვიდა.

 

ზღვარი იმედსა და თავის მოტყუებას შორის  - ძალიან მყიფეა. თუ ბერლინში აქამდე ვინმეს იმედი ჰქონდა, რომ რუსული გაზსადენის პრობლემა თავისთავად,  ვაშინგტონში ადმინისტრაციის შეცვლით გადაწყდებოდა - უმჯობესია რეალური ფაქტები დაინახონ. სწორედ ბაიდენის და დემოკრატების მიერ მხარდაჭერილი კანონი ამერიკას „ჩრდილოეთ ნაკადი-2“-ს წინაამღდეგ ახალი, უფრო მკაცრი სანქციების მიღების შესაძლებლობას აძლევს.

 

დღესდღეობით, არ არსებობს იმის არანაირი წინაპირობა, რომ ბაიდენი ასეთი გადაწყვეტილებისგან თავს შეიკავებს, და რუსული გაზსადენის მიმართ უფრო ლოიალური იქნება.

 

ახალი სანქციები რუსულ ხომალდს „ფორტუნას“ შეეხება, რომელმაც ბალტიის ზღვაში დიდ სიღრმეზე მილების მონტაჟი უნდა დაასრულოს. აკრძალვები ასევე იმ ევროპულ კომპანიებს შეეხება, რომლებიც პროექტთან დღემდე თანამშრომლობენ, და ეს მუქარა უკვე კონკრეტულ შედეგებს იძლევა - პროექტიდან უკვე გავიდა ნორვეგიული სასერტიფიკაციო კომპანია DNV GL,  გასვლისთვის შვეიცარიული სადაზღვევო გიგანტი Zurich-იც ემზადება.

 

„გაზპრომის“ მილსადენის მმართველი კომპანია-ოპერატორი Nord Stream 2 AG სულ უფრო და უფრო მეტად მარტო რჩება, და ბერლინის მხარდაჭერით წამოწყებული პრესტიჟული და გრანდიოზული პროექტი კრახის ზღვარზეა.

 

ამდენად „ჩრდილოეთ ნაკადი-2“ ხდება ის, რაც სინამდვილეში არის - სტრატეგიული ბალასტი გერმანიისთვის.

 


გერმანიის მთავრობისთვის საკუთარ სიჯიუტეზე უარის თქმის და ამ საკითხზე აშშ-სთან კონსტრუქციული დიალოგის გამართვის დრო მოვიდა. მაგალითად, ბერლინს უკრაინაში პოლიტიკური და ეკონომიკური ცვლილებების მეტი მხარდაჭერა და ნატო-ს დაფინანსების გაზრდა შეუძლია.

 

ასევე გერმანიას შეუძლია იმის გარანტირება, რომ „ჩრდილოეთ ნაკადი-2“ -ში ჩადებული იქნება „გათიშვის მექანიზმი“, რომელიც იმ შემთხვევაში ამოქმედდება, თუ მოსკოვი უკრაინულ ტრანზიტს ან შეწყვეტს, ან რადიკალურად შეამცირებს. ასეთ შემთხვევაში კრემლის საკუთარ თავს დააზიანებს იმ შემთხვევაში, თუ ის გაზსადენს პოლიტიკურ იარაღად გამოყენებას დააპირებს.

 

ასევე ბერლინმა თავის თავზე ვალდებულება უნდა აიღოს, რომ გაზსადენი ევროპულ დირექტივას დაემორჩილება, რომელიც გულისხმობს, რომ ერთი და იგივე მოთამაშე არ შეიძლება ერთდროულად გაზის მიმწოდებელიც და გამანაწილებელიც იყოს.

 

ამის სანაცვლოდ, ამერიკელებმა სანქციები უნდა გააუქმონ. ასეთ შემთხვევაში გაზსადენიც აშენდება, გეოპოლიტიკური ზარალი კი მინიმალური იქნება.

 

ამის გარეშე, არსებული პრობლემების უგულვებელყოფით გაზსადენის ამოქმედება დამანგრეველი სიგნალი იქნება - არა მხოლოდ თანამშრომლობისთვის გახსნილ ამერიკის ახალი ადმინისტრაციის, არამედ კრემლის მიმართაც, რომელიც თავის ანტიდემოკრატიულ კურსზე უარის თქმას არ აპირებს.

 

აშშ-ს მომავალი სახელმწიფო მდივანი ენტონი ბლინკენი აშშ-ს ახალი ხელისუფლების მდგომარეობას ასე აფასებს - „ნაციონალიზმი გაძლიერდა, დემოკრატია შესუსტდა, საერთაშორისო სისტემაში კი ჩინეთთან, რუსეთთან, და სხვა ავტორიტარულ სახელმწიფოებთან მეტოქეობის ზრდით ხასიათდება“.

 

ამ მეტოქეობაში გერმანია შტატებთან გვერდით უნდა იდგეს. დასავლეთს „ჩრდილოეთ ნაკადი-2“-ს ირგვლივ კამათის ფუფუნება უკვე არა აქვს.

 

Handelsblatt.com

 

მოამზადა თენგიზ აბლოთიამ





ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up