გერმანული დელეგაციის ვიზიტმა შტატებში როგორც ჩანს, „ჩრდილოეთ ნაკადი-2“-ს საკითხში ვერანაირი პროგრესი ვერ შემოიტანა - შესაბამისად, აშშ-ს კონგრესის მხრიდან პრეზიდენტის ადმინისტრაციაზე ზეწოლა სულ უფრო და უფრო ძლიერდება.
ვაშინგტონში ვიზიტი უშედეგოდ დასრულდა და ვითარება ამ გაზსადენის ირგვლივ ჩიხური რჩება - აშშ და გერმანია ამ საკითხი განსხვავებულ პოზიციებზე დგანან, და წინსვლა ამ მხრივ არც კი დაწყებულა.
თეთრი სახლის ოფიციალური ინფორმაციით, აშშ-ს და გერმანიის მთავრობების წარმომადგენლემა გაზსადენის საკითხი განიხილეს.
„მოლაპარაკებების დროს თეთრმა სახლმა გაუზიარა გერმანულ მხარეს თავისი შეშფოთება რისკების გამო, რომლებსაც ეს პროექტი უკრაინისთვის და ევროპის ენერგეტიკული უსაფრთხოებისთვის შეიცავს“ - ნათქვამია პრეზიდენტის ადმინისტრაციის ოფიციალურ განცხადებაში.
თეთრ სახლთან დაახლოებული წყაროების ინფორმაციით, შეთანხმების მიღწევა ვერ მოხერხდა. ამას ისიც ადასტურებს, რომ ადმინისტრაციის განცხადებაშიც რაიმე კონკრეტულ შეთანხმებებზე საუბარი არ არის.
რამდენიმე კვირის წინ ვაშინგტონმა გერმანიის მთავრობას ანგარიში გაუწია და „ჩრდილოეთ ნაკადი-2“-ს წინაამღდეგ ახალი სანქციების შემოღებაზე უარი განაცხადა. ამის შემდეგ ანგელა მერკელმა მოლაპარაკებებისთვის მზადყოფნა გამოთქვა, თუმცა როგორც ჩანს, არანაირი კონკრეტული ინიციატივები ამ ეტაპზე მას არ გააჩნია.
სანქციებზე უარის თქმამ ტრანსატლანტიკური ურთიერთობები გააუმჯობესა და ვაშინგტონმა ამით დაადასტურა, რომ ბერლინთან მოკავშირეობას დიდ მნიშვნელობას ანიჭებს.
გერმანულ დელეგაციასთან შეხვედრის შემდეგ თეთრმა სახლმა „ჩრდილოეთ ნაკადი-2“-ს საკითხს გვერდი აუარა და განაცხადა, რომ გერმანია და შტატები მთელ რიგ რეგიონალურ და გლობალურ საკითხებში თანამშრომლობისთვის მზად არიან.
თუმცა, შიდაპოლიტიკური ფასი, რომლის გადახდაც ჯო ბაიდენს უწევს საკმაოდ მაღალია - სანქციებზე უარის თქმამ არა მხოლოდ რესპუბლიკელები, არამედ დემოკრატთა ნაწილიც განარისხა.
აშშ- კონგრესი მთავრობაზე ზეწოლას აგრძელებს და მილსადენის წინაამღდეგ მკაცრი ზომების მიღებას ითხოვს. რამდენიმე ამერიკელი სენატორი უკრაინას ეწვია და ქვეყნის პრეზიდენტს შეხვდა.
„აშშ უკრაინის ბრძოლას რუსულ აგრესიასთან მხარს უჭერს, ჩვენ მის სუვერენიტეტს და ტერიტორიულ მთლიანობას ვიცავთ“ - განაცხადა სენატორმა-რესპუბლიკელმა რობ პორტმანმა.
დელეგაციაში ასევე შედიოდა სენატორი-დემოკრატი ჯინ შაჰინი, რომელიც ახალი და მკაცრი სანქციების მომხრეა.
„თუ მილსადენი მაინც აშენდა, კიდევ არის მისი ექსპლუატაციაში შეყვანის შეჩერების შესაძლებლობები, რომლებიც აუცილებლად უნდა გამოვიყენოთ“, - მიიჩნევს შაჰინი.
წყარო: handelsblatt.com