აშშ-ში ფასებმა ბენზინსა და დიზელზე შესაძლოა 2014 წლის შემდეგ მაქსიმალურ მაჩვენებლებს მიაღწიოს და ამის მიზეზი მილსადენ Colonial Pipeline-ის ოპერატორ-კომპანიაზე ჰაკერული შეტევაა.
8 მაისს ბენზინის საშუალო პასი 2,96 დოლარი 1 გალონზე (4 ლიტრი) იყო, ხოლო, სააგენტოს პროგნოზით, მაისს ბოლოს, როდესაც შტატებში ტრადიციული საზაფხულო სეზონი იწყება ფასმა შესაძლოა გალონზე 3 დოლარს გადააჭარბოს - ბოლოს ასეთი ფასი 2014 ლის ოქტომბერში დაფიქსირდა.
ამჟამად ყველაფერი დამოკიდებულია მუშაობის შეფერხების ხანგძლივობაზე - რაც უფრო დიდხანს არ იმუშავებს მილსადენი, საწვავის დეფიციტი ამერიკის ბაზარზე მით უფრო ძლიერი იქნება.
ოპერატორმა-კომპანიამ მუშაობა 7 მაისს, წინა დღეს დაწყებული ჰაკერული შეტევის გამო შეაჩერა. არსებული ინფორმაციით, ბოროტმოქმედებმა მონაცემთა დიდი რაოდენობა მოიპარეს, რის შემდეგაც გამომძალველი-პროგრამის მეშვეობით კომპიუტერები დაბლოკეს, და გამოსასყიდი მოითხოვეს.
არსებული ინფორმაციით, ჰაკერებმა გამოძალვის ორმაგი სქემა გამოიყენეს- ისინი კომპანიის მფლობელებს კონფიდენციალური ინფორმაციის ინტერნეტში გამოქვეყნებით ემუქრებოდნენ, ხოლო კომპანიის კომპიუტერული სისტემა ბლოკირებული დარჩება, თუ გამოსასყიდი გადახდილი არ იქნება.
მილსადენი Colonial Pipeline საწვავის (ბენზინის, დიზელის, საავიაციო ნავთის, და მაზუტის) მექსიკის ყურეში მდებარე ნავთობგადამამუშავებელი ქარხნიდან ტექასში, ლუიზიანაში, მისისიპიში, ალაბამაში, ჯორჯიაში, ჩრდილოეთ და სამხრეთ კაროლინაში, ტენესიში, ვირჯინიაში, მერილენდში, დელავერში, პენსილვანიაში და ნიუ-ჯერსიში ტრანსპორტირებას ახორციელებს.
თავად კომპანიის ინფორმაციით დღე-ღამეში სისტემა 100 მლნ. გალონ საწვავს ატარებს, რაც აღმოსავლეთ სანაპიროს შტატებში მოხმარებული ნავთობპროდუქტების 45%-ს შეადგენს, და საწვავით 50 მლნ. ამერიკელს ამარაგებს. მილსადენის სიგრძე 8800 კილომეტრია, და ის ნავთობპროდუქტების ტრანსპორტირების ამერიკულ ბაზარზე ერთ-ერთი უმსხვილესი მოთამაშეა.
კომპანია მომხმარებლებს არწმუნებს, რომ სირთულეების შემცირებისთვის ყველაფერს აკეთებს, თუმცა საწვავის მიწოდების აღდგენის კონკრეტულ ვადებს ვერ ასახელებს.
ამ დროისთვის უცნობია ჰაკერული შეტევის ავტორები. ვერსიები განსხვავებულია - დგას თუ არა ჰაკერული შეტევის უკან რომელიმე სახელმწიფო, თუ ბოროტმოქმედები ჩვეულებრივი, აპოლიტიკური დამნაშავეები არიან.
Washington Post საკუთარ წყაროებზე დაყრდნობით წერს, რომ სავარაუდოდ, შეტევა განახორციელა ჯგუფ DarkSide-მა, რომელშიც ძირითადად ჰაკერები აღმოსავლეთ ევროპიდან შედიან. კიბერდამნაშავეების ამ ჯგუფს საკუთარ წყაროებზე დაყრდნობით ხელს Reuters-იც ადებს.
სააგენტო ასევე აღნიშნავს, რომ ფართომასშტაბიანი აქტიურობის და დიდი შესაძლებლობების მიუხედავად DarkSide პოსტსაბჭოთა ქვეყნებში ობიექტების წინაამღდეგ არასდროს მუშაობს, და უპირატესობას დასავლეთ ევროპას და ჩრდილოეთ ამერიკას ანიჭებს. შესაძლოა, ეს პოლიტიკასთან არც იყო დაკავშირებული - მდიდარ ქვეყნებში მდებარე ობიექტებისგან ფულის გამოძალვა ბევრად უფრო მომგებიანია.
ვითარებას განმუხტვას მთავრობაც ცდილობს. აშშ-ს ვაჭრობის მინისტრმა ჯინა რაიმონდომ განაცხადა, რომ ვაშინგტონი ყველაფერს აკეთებს იმისთვის, რომ ნავთობპროდუქტებით მოსახლეობის მომარაგებაში სერიოზული პრობლემები თავიდან აიცილოს, და მილსადენი უმოკლეს ვადებში ამუშავდეს.
BLOOMBERG.COM
თენგიზ აბლოთია
საწვავი
