GWP-ის მფლობელმა კომპანია Georgian Global Utilities LTD-მა 2020 წელს 170 036 000 ლარის შემოსავალი მიიღო, საიდანაც წყალმომარაგებისა და საკანალიზაციო სექტორიდან გამომუშავებული შემოსავალი 135 მილიონ ლარს შეადგენდა, რაც შეეხება წმინდა მოგებას, ჯგუფმა გასული წელი 75 965 000 მილიონი ლარის ზარალით დაასრულა. ამის შესახებ კომპანიის მიერ გამოქვეყნებული ფინანსური ანგარიშგებიდან ირკვევა.

-ს ზარალი ძირითადა გამოწვეული იყო საფინანსო ხარჯებითა (59 620 000 ლარი), ცვეთისა და ამორტიზაციის ხარჯებით (48 337 000 ლარი) და ეროვნული ვალუტის კურსის უარყოფითი ცვლილებით (44 651 000 ლარი).

2020 წლის მდგომარეობით, ჯგუფი ფლობს ისეთ კომპანიებს, როგორიცაა:

GWP – 100% წილი

რუსთავწყალი – 100% წილი

სს სვანეთი ჰიდრო – 100% წილი

შპს ქართლის ქარის ტურბინები – 100% წილი

Georgian Energy Trading Company LLC (“GETC”) — 100% წილი

Gardabani Sewage Treatment Plant LLC — 100% წილი

Hydrolea LLC (“HYDL”) — 100% წილი

კომპანია GWP, რომელიც თბილისსა და მცხეთას წყლით ამარაგებს, 510 000-ზე მეტ აბონენტს ემსახურება, მათ შორის 480 000-ზე მეტი საყოფაცხოვრებო და 30 000-ზე მეტი არასაყოფაცხოვრებო აბონენტია. რაც შეეხება ჯორჯიან უოთერ ენდ ფაუერის, თბილისის წყალმომარაგებისა და საკანალიზაციო სერვისების ექსკლუზიური მიმწოდებლის 100%-იან წილის ფლობელ Georgian Global Utilities LTD-ს, რომელიც ცნობილია როგორც GGU Group, საქართველოს მასშტაბით თბილისში, მცხეთასა და რუსთავში 1.4 მლნ. მომხმარებელს ემსახურება და სასმელი წყლის და წყალარინების მომსახურების მიწოდებას უზრუნველყოფს.