სხვა ადამიანების უსაფრთხოებასა და ჯანმრთელობაზე ზრუნვა ჩვენი, როგორც მოქალაქეების გარკვეული პასუხისმგებლობა და მოვალეობაა, რაც არ უნდა გასაკვირი იყოს, ამ მოვალეობის შესრულებას საკუთარ თავზე ზრუნვით ვიწყებთ. მაგალითად, ვცდილობთ ვიყოლიოთ გამართული ავტომობილები, რომ ვიმგზავროთ კომფორტულად და ქუჩაში გადაადგილებისას ირგვლივმყოფებს საფრთხე არ შევუქმნათ.
იმისთვის, რომ საკუთარი სატრანსპორტო საშუალება მუდამ მწყობრში გყავდეთ ავტოდაზღვევა საუკეთესო საშუალებაა. ავტომობილის დაზღვევა შესაძლებლობას გაძლევთ რისკებსა და მოულოდნელობებს მშვიდად და აუღელვებლად გაართვათ თავი.
ის ფაქტი, თუ როგორ ეპყრობით საკუთარ ავტომობილს თქვენზე, როგორც მძღოლზე, საკმაოდ ბევრს მეტყველებს. ჩვენი რამდენიმე რჩევა კი დაგეხმარებათ იყოთ უფრო ყურადღებიანი და იამაყოთ თქვენი მანქანით.
დაფიქრებულხართ რამდენად ხშირად რეცხავთ ავტომობილს? თუ ავტოსამრეცხაოში მას მერე არ დაგიდგამთ ფეხი, რაც მანქანა იყიდეთ, მაშინ ალბათ არც სხვა პრობლემებზე, უცნაურ ხმებსა თუ მინიშნებებზე ამახვილებთ ყურადღებას.
როგორია თქვენი სიჩქარის ლიმიტი? თუ თვლით, რომ სიჩქარეს ლიმიტი არ აქვს, კარგად დაფიქრდით, ქუჩებში ასეთი სწრაფი გადაადგილებით შესაძლოა სხვების სიცოცხლესა და ჯანმრთელობას შეუქმნათ საფრთხე. გარდა ამისა, ასეთ შემთხვევაში, შემოსავლის დიდი ნაწილის ჯარიმებში დახარჯვა მოგიწევთ.
გაიხსენეთ, ოდესმე დამჯდარხართ საჭესთან არაფხიზელ მდგომარეობაში?თუ ასეთ ფაქტებს საკმაოდ მარტივად ჩამოთვლით, შეგახსენებთ, რამდენად სახიფათოა ალკოჰოლის ზემოქმედების ქვეშ ავტომობილის მართვა. ამ დროს რეფლექსები შესამჩნევად შენელებულია, მოდუნებულია თვალის კუნთები. უმნიშვნელო მანევრირების შემთხვევაშიც კი, ნასვამმა მძღოლმა შესაძლოა ვერ იქონიოს დროული რეაგირება და სავალალო შედეგი მიიღოთ. თუ საავარიო სიტუაციას გადარჩებით, მაგრამ ალკოტესტი „გამოგიჭერთ“ ფულადი ჯარიმა, ან მართვის მოწმობის, მთელი წლით, ჩამორთმევა მაინც არ აგცდებათ.
როგორ იქცევით როცა ავტომობილის მართვისას უცნაური ხმები გესმით?თუ იმ ხმებს, რომლებსაც თქვენი მანქანა გამოსცემს დიდი ხნის განმავლობაში აიგნორებთ, უნდა გითხრათ, რომ დიდად ყურადღებიანი მძღოლი ნამდვილად არ ხართ. ძალიან მნიშვნელოვანია, თითოეულ პრობლემაზე დროული და მყისიერი რეაგირება. თუ იმ მინიშნებებს, რომლებსაც თქვენი ავტომობილი გაძლევთ, თვეების განმავლობაში ყურადღებას არ მიაქცევთ, მცირე პრობლემა უფრო დიდ და შეიძლება მოუგვარებელ პრობლემად გადაიქცეს, რაც ალბათ დაგვეთანხმებით, რომ მეტ ხარჯებთანაა დაკავშირებული.
ამოწმებთ თუ არა ავტომობილის მდგომარეობას ქალაქიდან, შორ მანძილზე წასვლის წინ?კარგი მძღოლობის ერთ-ერთი მთავარი და უმნიშვნელოვანესი ინდიკატორი ყურადღებიანობა და წინდახედულობაა. გამგზავრების წინ, აუცილებლად მიიყვანეთ თქვენი ავტომობილი სახელოსნოში და საბურავების წნევიდან დაწყებული, ძრავის მდგომარეობით დამთავრებული ყველა დეტალი გულდასმით შეამოწმებინეთ.
(R)