„თელავის ღვინის მარანი“ ღვინის ტურიზმის მიმართულების განვითარებისთვის სპეციალური ინფრასტრუქტურის მოწყობას 2020 წელის ბოლომდე დაასრულებს. ამის შესახებ „კომერსანტს“ კომპანიის დამფუძნებელმა ზურაბ რამაზაშვილმა განუცხადა.

ბიზნესმენი ამბობს, რომ თელავში ჩასულ სტუმრებს ღვინის საწარმოს ტერიტორიაზე შესაძლებლობა ექნებათ დააგემოვნონ ქართული ღვინო და მთელი დღე საინტერესოდ გაატარონ. ღვინის ტურიზმის მიმართულების განვითარებაში „თელავის ღვინის მარანი“ ჯამში მილიონ ლარზე მეტს დახარჯავს. როგორც ბიზნესმენი „კომერსანტს“ უყვება პროექტის მოსამზადებელ სამუშაოებს ძალიან ბევრი დრო დასჭირდა.

„სტუმრები ახლაც შეგვიძლია მივიღოთ, დეგუსტაციებს ვატარებთ, თუმცა ვმუშაობთ, რომ სტუმრებისთვის უკეთესი პირობები შევქმნათ. ახლა ყველაფერი მშენებლობის პროცესშია, ბევრი რამ გაკეთდა, რაც გარეგნულად არ ჩანს. წლის ბოლომდე დასრულდება მარნის გარეგნულ მხარე, მოეწყობა მისაღები შემდეგ ეზო და ა.შ.“,- განმარტავს ზურაბ რამაზაშვილი.

ბაჩო ადამია