კორონავირუსი რომ არ დაგვტეხოდა თავს, წარმატებული გეზი ჰქონდა ქვეყანას

კორონავირუსი რომ არ დაგვტეხოდა თავს, წარმატებული გეზი ჰქონდა ქვეყანას

access_time2020-09-17 11:00:30

საქართველოს მეცხრე მოწვევის პარლამენტს უფლებამოსილების ვადა 31 ოქტომბერს ეწურება. ოთხი წლის წინ, 2016 წელს წინასაპარლამენტო არჩევნების დროს, ფრაქცია „ქართული ოცნება-დემოკრატიული საქართველო“ მოსახლეობას სოციალური კეთილდღეობა და სწრაფი განვითარება დაპირდა. თუმცა, მმართველობიდან ოთხი წლის შემდეგ მოსახლეობა შიმშილობის ზღვარზეა, საქართველოში ფასების საერთო დონე კი რეკორდულად იზრდება. „კომერსანტი“ დაინტერესდა ამ დროის განმავლობაში რა გააკეთეს მმართველი პარტიის დეპუტატებმა მთავარი დანაპირების - „კეთილდღეობის და სწრაფი განვითარების“ შესასრულებლად, რის გამოც ოთხი წლის წინ ამომრჩევლებს ხმას სთხოვდნენ. როგორ აფასებენ საკუთარ სიტყვას და საქმეს დეპუტატების სავარძლებიდან და რას ეუბნებიან ამომრჩევლებს.

 

„კომერსანტი“ აგრძელებს სტატიების ციკლს, სახელწოდებით - რა წვლილი შეიტანა ქართველი ხალხის კეთილდღეობასა და სწრაფ განვითარებაში თითოეულმა დეპუტატმა ამ ოთხი წლის განმავლობაში.

 

„კორონავირუსი, რომ არ დაგვტეხოდა თავს, წარმატებული გეზი ჰქონდა ქვეყანას აღებული“, - ასე აფასებს ქართული ოცნების განვლილ 4 წელს მმართველი გუნდის წევრი ლადო კახაძე. მთაწმინდის მაჟორიტარის განცხადებით, საქართველოში ბევრი გაჭირვებული ადამიანია და ამის შესახებ, როგორც ბიძინა ივანიშვილმა, ისე ქვეყნის ეკონომიკურმა გუნდმა კარგად იცის.

 

„დღეს გაჭირვება ბევრია და ჩვენ ეს კარგად ვიცით, უამრავ ადამიანს ვხვდები და მაქვს შეხება, მე როგორც ექიმს, ვიცი სოციალური ჯგუფები, კარგად ვიცი სოფლის და ქალაქის მდგომარეობა. ყველაფერი მოწესრიგებული, რომ არ არის ეს ყველაფერი ვიცით“, - განმარტავს კახაძე.

 

პასუხად კითხვაზე, თუ რა ქმედითი ნაბიჯი გადაიდგა უკიდურეს სიღარიბეში მყოფი ადამიანების მდგომარეობის გაუმჯობესებისთვის, ლადო კახაძე ჯანდაცვისა და სოციალურ სფეროში განხორციელებულ რეფორმებზე საუბრობს.

 

„მე არ ვამბობ რომ ამ ყოველივემ ყველაფერი გააკეთილშობილა, მაგრამ აუცილებელი პირობები შეუქმნა ადამიანებს. განხორციელდა რეფორმები ჯანდაცვის სფეროში, ასევე სოციალური დაცვის კუთხით, საყოველთაო ჯანდაცვის, მთის კანონი, რომელიც ძალიან დიდ შეღავათებს აძლევს მთაში მცხოვრებ ადამიანებს. ასევე უნდა აღინიშნოს მხარდაჭერა სოფლის მეურნეობაში, დაიწყო ახალი სტარტაპების ხელშეწყობა.

 

თქვენ დამისახელებთ სიღარიბეს და მე კი, გიამბობთ, მაგალითად, რაჭაში 70-მდე სოფელში, როდესაც ვიყავი, რა  ვნახე,  ვნახე -   რამდენი რამ გააკეთეს სახელმწიფომ და ადამიანებმა ერთად.  ეს ყოველივე იმედის მომგვრელია, მე როგორც ექიმს, არ მჩვევია დაპირება, ჩვენ უნდა ვცადოთ, ცდა არ უნდა მოვაკლოთ,  განვავითაროთ შიდა პოტენციალი და გარე ინვესტორებს უნდა შევუქმნათ საქართველოში მუშაობის პირობები“.

 

ლადო კახაძეს ვკითხეთ, თუ რა გააკეთა როგორც მაჟორიტარმა დეპუტატმა მთაწმინდის მოსახლეობისთვის. პარლამენტარი აცხადებს, რომ მთაწმინდაზე მათი ბიუროს მუშაობა არ გაუჩერებია. როგორც იგი აცხადებს ბიუროს მისამართი ყველასთვის ცნობილია, ამბობს იმასაც რომ ადამიანები სახლშიც აკითხავენ, რადგან ის მთაწმინდელებისთვის უცხო არ არის. სამაჟორიტარო ოლქში არსებულ პრობლემებზე საუბრისას აღნიშნავს, რომ ბიუროში ყველაზე ხშირად ჯანმრთელობის პრობლემებთან დაკავშირებული თხოვნით აკითხავს მოსახლეობა.


 

„მე ამ უბანში ვიცხოვრე მთელი ცხოვრება, მათთვის უცხო არ ვარ. სახლში მოდიან ჩემთან და მეუბნებიან, შენ ხო არ გინდა დახმარებაო? უამრავი რამე გაკეთდა, მაგრამ ვერ ვიტრაბახებ. არ მაქვს უფლება,რომ ვთქვა „მე ეს გავაკეთე“. ბიურო სავსეა დახმარების თხოვნით,რომელიც ჯანმრთელობას ეხება, სამინისტრო კი ავსებულია ჩემი შუამდგომლობის წერილებით და დიდი მადლობა მათ, რომ მეხმარებიან“ , - ამბობს კახაძე.

 

პარლამენტარის განცხადებით, მთაწმინდის ოლქში არსებული საცხოვრებელი სახლები მძიმე მდგომარეობაშია. ერთადერთი გამოსავალი კახაძის თქმით, ინვესტორის მოძიება, რომელიც თბილისის მერიის მიერ შემუშავებული რეგულაციების გამო მთაწმინდით არ ინტერესდება. სწორედ ამიტომ პარლამენტარს გადაწყვეტილი აქვს კოეფიციენტი გაზრდის მოთხოვნით დედაქალაქის მერია მიმართოს.

 

„ჩემს რაიონში არსებულ პრობლემებს ყოველდღიურად ვეცნობი, მაგალითად, ჩაიკოვსკის და ჭონქაძის კუთხეში არის სახლები, რომლებიც რეაბილიტაციას არ ექვემდებარება. ჩვენ როგორც ერი ოჯახის წევრები ერთად ვფიქრობთ გამოსავალზე. ინვესტორის გარდა ამ პრობლემას ვერავინ მოაგვარებს, ინვესტორი კი ადგილზე მხოლოდ თავისი სარგებლის პრინციპიდან გამომდინარე მივა, სარგებელი რომ ნახოს, ფართი უნდა დაუმატო. მე კი უნდა ვთხოვო მერიას,რომ კოეფიციენტი დაამატოს კერძო ინვესტორისთვის, რადგან ადამიანის სიცოცხლეს საფრთხე ემუქრება. ვიცი, რომ უცბად დაიწყებენ ოპონენტები დემაგოგიას, მე არ მეშინია ამ ბულინგის,“- ამბობს კახაძე.

 

ინფლაციისა და პროდუქტებზე ფასების ზრდასთან დაკავშირებით კომერსანტის კითხვაზე, ლადო კახაძე პასუხობს,რომ ქვეყნის ეკონომიკური მდგომარეობა პანდემიის მიერ გამოწვეული გლობალური კრიზისის შედეგია. საქართველოში პანდემიამდე არსებულ მძიმე ეკონომიკურ მდგომარეობას კი, კახაძე ქვეყნის გეოპოლიტიკური მდგომარეობით ხსნის.

 

„მსოფლიო ეკონომიკა ჩამოიქცა, ჩვენ კი გვაქვს მცურავი კურსი, რომელსაც ტალღა ნაკლებად წააქცევს. ჩვენ ისეთ რეგიონში ვიმყოფებით, რომ გვყავს დიდი მტერი ჩრდილოეთით და კონკურენტები ყველა მხრიდან. სულ ახლახანს შევაბიჯეთ ფეხი ევროგაერთიანებაში, უნდა გადავაწყოთ ჩვენი საკანონმდებლო სივრცე და ექსპორტს უნდა დავუჭიროთ მხარი. საქართველოდან ექსპორტი გაიზარდა, გლეხური და ფერმერული მეურნეობები წამოიჩიტა, ჩვენ ხარისხზე ვაკეთებთ აქცენტებს. დოლარიზაციიდან ლარიზაციაზე გადასვლა მნიშვნელოვანია, რათა ადამიანები ამ მცურავი კურსის დროს არ გადაყვნენ დოლარის კურსს. არის გამოწვევები, მაგრამ ვეძებთ გამოსავალს“, - ამბობს ლადო კახაძე.

 

მედიაჰოლდინგი ყოფილ ექიმს ჯანდაცვის სფეროში განხორციელებულ რეფორმებზეც ესაუბრა, მათ შორის 520-ე დადგენილებაზე, რომელზეც სრულიად ჰოსპიტალური სექტორი აცხადებდა, რომ რეფორმა სექტორს დაანგრევდა.

 

„რომ არა ბიძინა ივანიშვილი და ჯანდაცვის სექტორში ჩადებული თანხები, ვერცერთი ობიექტი ვერ იმუშავებდა. მოსახლეობას არ ჰქონდა ერთი თეთრი, რომ ემკურნალა, ყიდდა სახლებს, ადამიანი კვდებოდა და ქონებაც ნიავდებოდა. წინა ხელისუფლების დროს ჯანდაცვის სისტემაში ჩადებული იყო 300 მილიონი, ხოლო ჯიბის ხარჯი იყო 1,5 მილიარდი. ჩვენმა ხელისუფლებამ 4-ჯერ გაზარდა დაფინანსება. 520 დადგენილებასთან დაკავშირებით დავა გრძელდება, ჩვენი მიზანია პაციენტი იყოს უზრუნველყოფილი. არის კლინიკა,რომელიც სახელმწიფოსთან ერთად მუშაობს და ძალიან კარგადაც, არ აკლია პაციენტების რაოდენობა. რატომ არ შეიძლება ჩვენთანაც იგივე გაკეთდეს, რაც ხდება შვედეში და ევროპის ბევრ წარმატებულ ქვეყანაში, სადაც წარმატებულად არიან სახელმწიფო და კერძო სექტორი ერთმანეთის კონკურენტები, “- ამბობს კახაძე.

 

ლადო კახაძე ბოლო ერთი წლის განმავლობაში მისთვის მნიშვნელოვან საკანონმდებლო ინიციატივებად შრომის კოდექსზე, წამლის წარმოებისა და რეალიზაციის საკითხებზე მუშაობას ასახელებს.

 

„კომიტეტის არცერთი სხდომა არ გამიცდენია. გამოვყოფ შრომის კოდექსს, დამსაქმებლისა და დასაქმებულს შორის სახელმწიფოს, როგორც მედიატორის ფუნქციას. უნდა აღინიშნოს წამლის წარმოებისა და რეალიზაციის, ლოჯისტიკის საკითხებზე მუშაობა, რომელშიც საერთაშორისო ორგანიზაციები არიან ჩართული. საკითხები ბევრია,რისი გამოყოფაც შეიძლება,ახლა ჩვენ გვაქვს ინიციატივა ექიმის სკოლაში დაბრუნების შესახებ, სადაც ის, არამხოლოდ პირდაპირი პროფესიით, არამედ საგანმანათლებლო კომპონენტის ნაწილი გახდება. მიიღებს ადამიანის აღზრდაში მონაწილეობას, ექიმის მიერ მოწოდებულ ინფორმაცია უფრო კარგად აღქმადია,“- აღნიშნავს ლადო კახაძე.

 

ბაჩო ადამია




ყოგორ ყიდდნენ ძმები ჰეტფილდები წვიმას XX საუკუნის დასაწყისში?

ყოგორ ყიდდნენ ძმები ჰეტფილდები წვიმას XX საუკუნის დასაწყისში?
access_time2020-09-20 15:25:59
XX საუკუნის დასაწყისში, ამერიკის შეერთებულ შტატებში მოგზაურობდა ადამიანი, რომელიც მტვერსასრუტებით და სხვა საყოფაცხოვრებო ნივთებით კი არა, ჩვეულებრივი წვიმით ვაჭრობდა. მას ჩარლზ ჰეტფილდი ერქვა და თაღლითი არ ყოფილა. მოთხოვნილება აჩენს მიწოდებას XX საუკუნუს დასაწყისში ამერიკის სოფლის მეურნეობა — სიმინდის, კარტოფილის და ბამბის უკიდეგანო მინდვრები იყო. დროულად მოსული წვიმა ფერმერს ამდიდრებდა, ხოლო გვალვა – აკოტრებდა. როდესაც...

როგორ ყიდდნენ ძმები ჰეტფილდები წვიმას XX საუკუნის დასაწყისში

როგორ ყიდდნენ ძმები ჰეტფილდები წვიმას XX საუკუნის დასაწყისში
access_time2020-09-16 16:05:58
XX საუკუნის დასაწყისში, ამერიკის შეერთებულ შტატებში მოგზაურობდა ადამიანი, რომელიც მტვერსასრუტებით და სხვა საყოფაცხოვრებო ნივთებით კი არა, ჩვეულებრივი წვიმით ვაჭრობდა. მას ჩარლზ ჰეტფილდი ერქვა და თაღლითი არ ყოფილა.   მოთხოვნილება აჩენს მიწოდებას   XX საუკუნუს დასაწყისში ამერიკის სოფლის მეურნეობა — სიმინდის, კარტოფილის და ბამბის უკიდეგანო მინდვრები იყო. დროულად მოსული წვიმა ფერმერს ამდიდრებდა, ხოლო გვალვა – აკოტრებდა. როდესაც გამომწვარი მიწა...

Forbes: Tesla-ს წარმატების მთავარი საიდუმლო - ადამიანების რწმენა

Forbes: Tesla-ს წარმატების მთავარი საიდუმლო - ადამიანების რწმენა
access_time2020-09-20 16:50:05
Tesla-ს აქციების ფასის რეკორდულმა ვარდნამ მცირე ინვესტორების განწყობებზე ვერ იმოქმედა - ისინი კვლავ დარწმუნებულები არიან, რომ კაპიტალებს მომავალში აბანდებენ, და მათი ნაწილის სამუშაოს შეცვლაზეც კი მიდის, ოღონდ საყვარელ კომპანიასთან ახლოს იყოს. სწორედ ამ, საცალო აქციონერების დამსახურებაა ელექტროკარების მწარმოებლის კაპიტალიზაციის მუდმივი ზრდა. აქციების 20%-იანმა ვარდნამ Tesla-ს «ფან-კლუბის“ რწმენა ვერ შეარყია. მაღალი ტექნოლოგიების სფეროში მომუშავე ინჟინერისთვის დევიდ ბერდისთვის,...

2012 წლიდან დღემდე, სოფლის მეურნეობაში იმპორტის შემცირებისა და ექსპორტის ზრდის გამო, უარყოფითი სავაჭრო ბალანსი $400 მილიონით შემცირდა

2012 წლიდან დღემდე, სოფლის მეურნეობაში იმპორტის შემცირებისა და ექსპორტის ზრდის გამო, უარყოფითი სავაჭრო ბალანსი $400 მილიონით შემცირდა
access_time2020-09-20 13:00:45
ხორბალი, ატამი და ვაშლატამა, ვაშლი, თხილი, ყურძენი - ამ კულტურებში წელს მოსავალიც კარგია და პროდუქციის რეალიზაციით მიღებული შემოსავალიც. ოქტომბრიდან სიმინდის მოსავლის აღებაც დაიწყება. წინასწარი ინფორმაციით, ნათესი ფართობების მატების გამო გაზრდილია მოსავლის რაოდენობა. სახელმწიფო პროგრამების ჩართულობით დაიხვეწა ცოდნა და მოსავლის მოვლის კულტურა. წელს მარცვლოვანი კულტურების შესანახად 84 000 კვ.მეტრზე სასაწყობო ფართობი აშენდა. „სასურსათო უზრუნველყოფის მხრივ ყველა მნიშვნელოვანი...

Mitsubishi მომხმარებელს 10-წლიან გარანტიას შესთავაზებს

Mitsubishi მომხმარებელს 10-წლიან გარანტიას შესთავაზებს
access_time2020-09-20 14:50:37
საავტომობილო ინდუსტრიის საუკეთესო გარანტია იმედს იძლევა, რომ მომხმარებლები Mitsubishi-ს სადილეროებში მეტს იაქტიურებენ. Mitsubishi ავსტრალიისთვის 10-წლიანი ქარხნული გარანტიის წარსადგენად ემზადება. ეს შეთავაზება გარანტიის ამჟამინდელ ხანგრძლივობას ორჯერ გაზრდის. ახალმა ინიციატივამ ბრენდი, გაყიდვის შემდგომი სერვისების თვალსაზრისით, ინდუსტრიის მაღალ საფეხურზე უნდა ასწიოს. ახალი გარანტია 200 000 კილომეტრამდეა შეზღუდული და 10 წლის პერიოდს ითვალისწინებს. მიმდინარე შეზღუდვა კი 100 000...


მსგავსი სიახლეები

up