გვენეტაძე ეროვნული ბანკის 50 მილიონიან ახალ ოფისზე: უწყების ფუნქციები იზრდება

გვენეტაძე ეროვნული ბანკის 50 მილიონიან ახალ ოფისზე: უწყების ფუნქციები იზრდება

access_time2019-09-04 13:40:59

საქართველოს ეროვნული ბანკის პრეზიდენტი კობა გვენეტაძე განმარტავს, რატომ გახდა საჭირო სებ-ისთვის 50-მილიონიანი ახალი ოფისის მშენებლობა. მისი თქმით,
ბოლო 3 წლის განმავლობაში პარლამენტმა რამდენიმე საკანონმდებლო აქტი მიიღო, რომლითაც მნიშვნელოვნად გაიზარდა ეროვნული ბანკის ფუნქცია-მოვალეობები, რომელთა შესასრულებლადაც ცენტრალურ ბანკს დამატებითი ფართობი ესაჭიროება.


“რამდენიმე მათგანი რომ დავასახელოთ: ვარეგულირებთ არასაბანკო სფეროს, რომელიც აქამდე არ იყო დარეგულირებული, საკრედიტო ბიურო, რომელიც ადრე არ იყო დარეგულირებული, სესხის გამცემი სუბიექტები... ძალიან ბევრი დამატებითი საკითხი და ფუნქცია დაემატა ეროვნულ ბანკს. გარდა ამისა, სისტემა იზრდება, ვითარდება, გამოწვევები კიდევ უფრო მეტი ხდება, ეს არის კიბერშეტევები, ფინტექი- როგორც განვითარების მიმართულება, მომხმარებელთა უფლებების დაცვა და ა.შ. ამიტომ ამან დღის წესრიგში დააყენა ის, რომ ეროვნულ ბანკს სჭირდება უფრო მეტი რესურსი და უფრო მეტი ფართობი იმისთვის, რომ მან შეძლოს მნიშვნელოვნად გაზრდილი ფუნქციების შერსულება. აქედან გამოდმინარე, ეს იყო აბსოლუტურად ბუნებრივი. არსებული საოფისე ფართები ვერ პასუხობს ვერც მიმდინარე და ვერც სამომავლო მოთხოვნებს.


ის შენობა, რომელიც აქვს ეროვნულ ბანკს არის ეროვნული ბანკის საკუთრება და მოხდება გარკვეული ფორმით მისი რეალიზაცია და აქედან მიღებული შემოსავლები მოხმარდება იმ პროექტს, რომელსაც ეროვნული ბანკის ახალი სათაო შენობა ჰქვია. პროექტი ალბათ 3-ნახევარი-4 წელი გაგრძელდება. ეს არის ინ ინვესტიცია, რომელიც მრავალი წლის განმავლობაში უნდა მოემსახუროს ეროვნულ ბანკს. მე ვთვლი, რომ ეს ისეთივე გამართლებული ინვესტიციაა, როგორიც რამდენიმე წლის წინ ახალი საკასო ცენტრის მშენებლობა იყო. მაშინაც იყო საუბრები დაკითხვები, რატომ შენდებოდა ეს ცენტრი.თუმცა, დღეს საკასო ცენტრის გარეშე ნორმალური ფუნქციონირება, რაც ნაღდი ფულის მომსახურებას და მიწოდებას ემსახურება ქვეყანაში, შეუძლებელი იქნებოდა. ამიტომ აუცილებელი იყო ამ გადაწყვეტილების მიღება და და ეს გადაწყვეტილება არის მიღებული. მნიშვნელოვანია, რომ პროცესი წარიმართოს გამჭვირვალედ”,- აცხადებს ეროვნული ბანკის პრეზიდენტი.



კობა გვენეტაძე ასევე გამოეხმაურა ინფორმაციას, რომლის მიხედვითაც ეროვნული ბანკი სასადილოს მოსაწყობად 865 000 ლარს დახარჯავს.


“ყველა ნორმალურ ორგანიზაციას უნდა ჰქონდეს სასადილო, ეროვნულ ბანკს არ აქვს და მისი თანამშრომლები მოკლებული არიან ამ ელემენტარულ აუცილებელ პირობას და ეს აუცილებელია თანამშრომელთათვის მინიმალური სამუშაო პირობების შესაქმნელად.


აქვე გეტყვით, რომ შენობის ამ ფლიგელს, რომელშიც ეროვნული ბანკი იმყოფება, არ აქვს საავარიო გასასვლელი, მაგალითად ხანძრის ან რაიმე ავარიული შემთხვევის პირობებში და თუ ასეთი რამ მოხდა, შეუძლებელი იქნება სებ-ის თანამშრომლების თუ ვიზიტორების ევაკუაცია. აქედან გამომდინარე ვფიქრობთ, შესაბამისი პროექტის განხორციელებას, ვფიქრობთ, ავაშენოთ საევაკუაციო კიბე. ძალიან ცუდია, რომ აქამდე არ არის ეს. საკმაოდ დიდი ხანი მოუნდა ამ ნებართვის მიღებას”,- აცხადებს კობა გვენეტაძე.





ლევან კობერიძის კითხვები ეროვნული ბანკის პრეზიდენტს, კობა გვენეტაძეს

ლევან კობერიძის კითხვები ეროვნული ბანკის პრეზიდენტს, კობა გვენეტაძეს
access_time2019-12-13 22:47:07
საპარლამენტო ფრაქცია დამოუკიდებელი დეპუტატების წევრმა ლევან კობერიძემ  ეროვნული ბანკის პრეზიდენტ კობა გვენეტაძეს პარლამენტში პლენარულ სესიაზე, სადაც სებ–ის ფულად-საკრედიტო პოლიტიკის დოკუმენტი განიხილეს, რამდენიმე კითხვით მიმართა:  -საპენსიო ფონდის ხელმძღვანელის, ლევან სურგულაძის თანამდებობიდან წასვლა ვადაზე ადრე (1 წელიწადში წავიდა ის...

სახელმწიფო ბიუჯეტი საპარლამენტო არჩევნების სამსახურში

სახელმწიფო ბიუჯეტი საპარლამენტო არჩევნების სამსახურში
access_time2019-12-13 19:45:25
2020 წლის სახელმწიფო ბიუჯეტი პოლიტიკურად მიზანშეწონილი გადაწყვეტილებებით არის დატვირთული. სახელისუფლებო პარტიისთვის 2020 წლის მთავარი პოლიტიკური მიზანშეწონილობა საპარლამენტო არჩევნების მოგებაა. პირველ რიგში, ბიუჯეტსაც ეს დაკვეთა აქვს.2020 წლის სახელმწიფო ბიუჯეტის პრიორიტეტი პენსიისა და საჯარო სექტორში დასაქმებულთა ხელფასების ზრდაა. 2019 წელთან შედარებით, 2020...

მარსზე გაფრენილ პირველ ადამიანს შესაძლოა, საქართველოში დამზადებული კოსტიუმი ეცვას

მარსზე გაფრენილ პირველ ადამიანს  შესაძლოა, საქართველოში დამზადებული კოსტიუმი ეცვას
access_time2019-12-13 18:30:11
ქართული სტარტაპი Elven Technologies მარსის მომავალი მისიისთვის და ამერიკული ბაზრის დაპყრობისთვის ემზადება, თუმცა ამ ეტაპზე პროდუქტის საბოლოო ვერსიის დასამზადებლად ინვესტიციის მოზიდვას ცდილობს. ქართული დამწყები მცირე ბიზნესის პროდუქტი, მეხანძრის ინოვაციური კოსტიუმია, რომელსაც ორი მთავარი ინოვაცია აქვს, სრულიად ცეცხლგაუმტარია და ტემპერატურისგან 8-ჯერ უფრო ხანგრძლივი დაცვა გააჩნია, ვიდრე არსებულ კოსტიუმებს. ამავდროულად, მას გაგრილების სისტემის ახალი ტექნოლოგია...

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“
access_time2019-12-13 17:30:57
მეფრინველეობის დარგის წარმომადგენლები დღგ-სგან გათავისუფლებას ითხოვენ. სექტორში კანონმდებლობის დახვეწის საჭიროების საკითხიც ნათელია. პარალელურად პრემიერ-მინისტრი გიორგი გახარია მთავრობის წარმომადგენლებს თვითკმარი სოფლის მეურნეობის შექმნის და...


მსგავსი სიახლეები

up