„გუშინწინ გაზი გამითიშეს, მესიჯის წაკითხვა არ ვიცი, წავედი პენსიის ასაღებად, ფეხით“ - მარტოხელა მოხუცები ახალი რეალობის პირისპირ

„გუშინწინ გაზი გამითიშეს, მესიჯის წაკითხვა არ ვიცი, წავედი პენსიის ასაღებად, ფეხით“ - მარტოხელა მოხუცები ახალი რეალობის პირისპირ

access_time2020-04-04 15:30:22

ანზორ ნონიაშვილი, 79

“გუშინწინ გაზი გამითიშეს. მესიჯის წაკითხვა არ ვიცი. წავედი პენსიის ასაღებად, ფეხით. ავტობუსის ერთი ხუთი გაჩერება გავიარე. ორი პოლიციელი იყო იქ. რატომ გამოხვედიო, გინდა ახლა 3000-ლარიანი ჯარიმა დაგიწეროთო? გაზი გამითიშეს-მეთქი და გადახდა ხომ უნდა?! აბა ვინ გადამიხდის?! მეორედ არ გამოხვიდეო, გამაფრთხილეს, ვეღარ გავდივარ”.

79 წლის ანზორ ნონიაშვილი შვილთან, 43 წლის გიორგისთან ერთად ცხოვრობს. გიორგი მშენებლობაზე მუშაობის დროს დაშავდა და სამ წელიწადნახევარია, ლოგინსაა მიჯაჭვული. მისი ერთადერთი მომვლელი მამაა.

“მე ერთადერთი შემოსავალი პენსია მაქვს. სოციალურზე ვირბინე ადრე და 30-30 ლარი დაგვინიშნეს. ამას [გიორგის] აქვს კიდევ 220 ლარი. ამ ფულს მე ვიღებდი, მაგრამ მინდობილობას ვადა გაუვიდა და ახლა ვერ ვაკეთებ”, - ამბობს ანზორ ნონიაშვილი.

ახალი კორონავირუსის პანდემიისა და საქართველოში გამოცხადებული კარანტინის გამო, მარტოხელა მოხუცები ახალი რეალობის პირისპირ აღმოჩნდნენ. 70 წელს გადაცილებულ მოქალაქეებს სახლიდან გასვლა აკრძალული აქვთ. გამონაკლისია უახლოეს მაღაზიებში, აფთიაქსა და სამედიცინო დაწესებულებაში გასვლა.

ალექსანდრე ლევიცკი, 71

გარეთ გასვლის აკრძალვამ შემოსავლის გარეშე დატოვა 71 წლის ალექსანდრე ლევიცკი, რომელიც 9 წელია, ძაღლთან ერთად, მოწყალებას ითხოვს.

“შეიძლება მოვკვდე კიდევაც მთელი დღე სახლში ყოფნით. ვერ გამოვდივარ იმიტომ, რომ ტრანსპორტი არ არის. ძაღლსაც ხომ უნდა საჭმელი?!” - ეუბნება რადიო თავისუფლებას ალექსანდრე ლევიცკი. მას წინა დღით გამგეობიდან მიუტანეს პროდუქტი. მანამდე, ოთხი გოგოს ინიციატივით და ორგანიზებით, ლევიცკის ასევე პროდუქტით და ფულით დაეხმარა ხალხი. თუმცა მას შემდეგ, მარაგი თითქმის ამოიწურა.

“ახლა პენსიის ამარა ვარ”, - ამბობს ლევიცკი და განაგრძობს: “დაწერეთ - დაეხმარეთ ძაღლის პატრონს”.

65+ წლის ადამიანები ჯანმრთელობის მსოფლიო ორგანიზაციის ინფორმაციით, COVID-19-ით სერიოზული ავადობის გაცილებით მაღალი რისკის ქვეშ არიან.

პრემიერ-მინისტრის განკარგულებით, 70 წელს გადაცილებულ მარტოხელა ადამიანებს, ვალდებულია დაეხმარონ ეკონომიკის, ჯანდაცვის სამინისტროები და ადგილობრივი მუნიციპალიტეტები. კარანტინის გამოცხადებამდე თითქმის ორი კვირით ადრე, პრემიერმა, ასევე, დაავალა ეკონომიკის, ჯანდაცვის სამინისტროებს და საქართველოს ფოსტას, შეექმნათ დახმარების მექანიზმი 70+ წლის პენსიონერებისთვის ყოველდღიური მომსახურების გასაწევად. თუმცა ასეთი მექანიზმი ამ დრომდე არ შექმნილა.

 

 

რუსუდან ნაგლიაშვილი, 74

ყოველდღიურად, თბილისის მუნიციპალიტეტის უფასო სასადილოდან საკვები მიაქვთ 74 წლის რუსუდან ნაგლიაშვილისთვის.

“მე ან თვეში ერთხელ მივდიოდი, ან - ორ თვეში. იმ დღეს თუ შევძლებდი, ლობიო რომ იქნებოდა, დანარჩენი ვერაფერს ვჭამ იმათ გაკეთებულს”, - ეუბნება რადიო თავისუფლებას რუსუდან ნაგლიაშვილი და ერთ კილო “ყველაზე იაფიან ვაშლზე” მიუთითებს, რომელიც ახლახან იყიდა.

იგი იხსენებს, რომ სკოლის დამთავრების შემდეგ, სწავლის გაგრძელება უნდოდა, თუმცა მამამ ქალაქში წასვლის უფლება არ მისცა. “მაშინ ვინერვიულე და დამემართა ეპილეფსია”, - ამბობს რუსუდანი და განაგრძობს:

“მარტო პენსია მაქვს შემოსავალი. სოციალური რაც შემოიღეს, იმის მერე მქონდა და მომიხსნეს დავურეკე მუნიციპალიტეტს, მაგრამ უხეშად მითხრეს, შენო შვილები გყავსო და იმათ მოგიარონო. არადა შვილებს სასამართლოთი გავეყარე. იმათ მამას ქორწილის დღიდან საშინელ მდგომარეობაში ვყავდი. ქალებში დადიოდა. ღამის სამ საათზე რომ მოვიდოდა, ცემით მკლავდა, იქ ლამაზები იყვნენ, შენ კიდე არა ხარო”.

მადლენა შავგულიძე, 78

78 წლის მადლენა შავგულიძესთან საჭმელი კათარზისიდან მიაქვთ. აფთიაქშიც ის ახალგაზრდა გაეგზავნა, ვინც საკვები მიუტანა: “ძალიან ბევრი ავადმყოფობა მაქვს და ბევრი წამალიც მჭირდება. საჭმელი მომარაგებული არაფერი მაქვს. მაგას ფული უნდა და მე 130 ლარი მაქვს პენსია - წამალი ვიყიდო, საჭმელი ვჭამო თუ გადასახადი გადავიხადო?”

ქალბატონმა მადლენამ თავისი ამბავი რადიო თავისუფლებას ტელეფონით მოუყვა და ფოტოს გადაღებაზე მკაცრი უარი თქვა. დღეს ფორმაში არ ვარო, უთხრა რადიო თავისუფლებას კიდევ ერთმა მოხუცმა. არაერთმა პენსიონერმა მედიაში გამოჩენა საერთოდ არ ისურვა.

 

რადიო „თავისუფლება“


თეგები:
მოხუცები



უფრო აქტიურ ლოკაციას ვარჩევთ - ფრანგული რესტორანი Ladurée ვაკეში დაიხურა

უფრო აქტიურ ლოკაციას ვარჩევთ - ფრანგული რესტორანი Ladurée ვაკეში დაიხურა
access_time2020-05-25 14:00:50
ფრანგული საცხობი და ტკბილეულის სახლი Ladurée თბილისში, აბაშიძის ქუჩაზე გასულ წელს  გრანდიოზულად გაიხსნა. რესტორანი, რომელიც როგორც კომპანიის წარმომადგენლები აცხადებდნენ ლაქშერი მომსახურეობის სხვადასხვა მიმართულებას აერთიანებდა, რამდენიმე კვირის წინ დაიხურა. როგორც „კომერსანტს“ რესტორან Ladurée-ს დირექტორმა  გიორგი ღვინაძემ განუცხადა, მიუხედავად...

კომპანიების 28%-ს ვალდებულებების გასტუმრება უჭირს

კომპანიების 28%-ს ვალდებულებების გასტუმრება უჭირს
access_time2020-05-25 15:00:04
ინვესტორთა საბჭოს დაკვეთით PWC საქართველომ ბიზნესზე Covid19-ის გავლენა გააანალიზა. კვლევაში 1 938-მა კომპანიამ მიიღო მონაწილეობა.მოთხოვნის შემცირებამ გამოკითხული საწარმოების უმეტესობაში (65%) უკვე გამოიწვია 50%-ზე მეტით შემოსავლის შემცირება. რესპონდენტებს შორის ყველაზე მეტად დაზარალდნენ სასტუმროები და რესტორნები, რომელთა 75%-ზე მეტმა განიცადა შემოსავლის მნიშვნელოვანი შემცირება. მოთხოვნის შემცირებამ, კლიენტების მხრიდან დაგვიანებულმა გადახდებმა (ფულადი მოთხოვნების...

გიგა ბედინეიშვილი: „ეროვნული ბანკი გაუმართლებელი, ველური ახირებებით მართავს მონეტარულ პოლიტიკას“

გიგა ბედინეიშვილი: „ეროვნული ბანკი გაუმართლებელი, ველური ახირებებით მართავს მონეტარულ პოლიტიკას“
access_time2020-05-25 13:00:13
„ეროვნული ბანკი რაღაც გაუმართლებელი, ველური ახირებებით მართავს მონეტარულ პოლიტიკას“, - ამის შესახებ ეკონომისტი გიგა ბედინეიშვილი „კომერსანტთან“ საუბარში აცხადებს.მისი თქმით, ეროვნული ბანკის საქმიანობას ვერანაირად ვერ შეაფასებს დადებითად, რადგან სახეზე გვაქვს მაღალი ინლფაციის მაჩვენებელი და გაცამტვერებული ლარი. „ვერანაირად ვერ შევაფასებდი ერონული ბანკის ქმედებებს დადებითად. როგორ შეგვიძლია ვისაუბროთ თავის გართმევაზე, რადგან მაღალი ინფლაცია გვაქვს და ლარი...

უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს

უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
access_time2020-05-25 10:30:54
უძრავი ქონების პლატფორმა Livo-ს გადაწყვეტილებით, 2 თვის განმავლობაში, ნებისმიერი  მსურველი სამშენებლო კომპანია კვალიფიციურ, ინდივიდუალურ კონსულტაციას სრულიად უსასყიდლოდ მიიღებს. კომპანიებს კონსულტაციას ლივოს წარმომადგენლები  საცხოვრებელი უძრავი ქონების გაყიდვების სტრატეგიის დაგეგმვის მიმართულებით გაუწევენ. მომსახურებით რამდენიმე პარტნიორმა სამშენებლო კომპანიამ უკვე ისარგებლა. ლივოს კონსულტაციის შედეგად, არსებული გამოწვევის ფონზე,...

სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში გაეხვია

სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში გაეხვია
access_time2020-05-25 12:00:13
სომხეთის ყოფილი ელჩი ვატიკანში მიკაელ მინასიანი სკანდალურ განცხადებას აკეთებს.„კომერსანტმა“ მოიპოვა მასალა, სადაც მინასიანი თავის ვიდეომიმართვაში აცხადებს, რომ სომხეთის პრემიერ-მინისტრის ნიკოლ პაშინიანის ოჯახმა რუსეთის ქალაქ კრასნოდარში და ვორონეჟში სიგარეტის ექსპორტი წარუმატებლად სცადა. „მათ პირველად ექსპორტი ავღანეთში სცადეს, თუმცა, უშედეგოდ, შემდეგ - ვორონეჟში,...


მსგავსი სიახლეები

up