გურამ ჯალაღონია: „ჯორჯიან ეარვეიზი“ საქართველოში რჩება და პარალელურად საქმიანობას იწყებს სომხეთში

გურამ ჯალაღონია: „ჯორჯიან ეარვეიზი“ საქართველოში რჩება და პარალელურად საქმიანობას იწყებს სომხეთში

access_time2016-03-07 13:00:47

წელს საქართველოს ავიაბაზარზე შემოსვლას გეგმავს 2 ახალი ავიაკომპანია, ამის შესახებ სამოქალაქო ავიაციის სააგენტოს ხელმძღვანელმა გურამ ჯალაღონიამ  გამოცემა CBW–ს განუცხადა.

 

მისი თქმით, ესენია ირანული ავიაკომპანია Qeshm Air, რომელსაც უკვე დაუმტკიცდა ფრენის განრიგი და ზაფხულის სეზონიდან გეგმავს ფრენების შესრულებას, ასევე ისრაელის ავიაკომპანია EL AL Israel Airlines.


ჯალაღონიას თქმით, საქართველოს აეროპორტების გაერთიანება აქტიურად აწარმოებს მოლაპარაკებებს ავიაკომპანია „Ryanair”-თან.

 

მისივე ინფორმაციით, ამ ეტაპზე ბათუმის მიმართულებით რეგულარულ და ჩარტერული რეისებს ახორციელებენ სხვადასხვა ავიაკომპანიები: Georgian Airways,Turkish Airlines, BELAVIA, YANAIR. ამასთან, ამ მომენტისათვის არსებული ინფორმაციით, მიმდინარე წელს ბათუმის მიმართულებით რეგულარული საჰაერო მიმოსვლის შესრულებას გეგმავენ შემდეგი ავიაკომპანიები: Air Arabia, Scat, EL AL Israel Airlines, ARKIA, Dniproavia. 



Air Berlin-ის მხრიდან კი, გურამ ჯალაღონიას თქმით,  განაცხადი ამ ეტაპზე არ დაფიქსირებულა. მისივე ინფორმაციით. სამოქალაქო ავიაციის სააგენტოს რეგულარული საჰაერო მიმოსვლის შესრულების ნებართვის მისაღებად მიმართა ორმა ირანულმა ავიაკომპანიამ: ATA Airlines და Qeshm Air, რომელთაც უკვე დაუმტკიცდათ ფრენის განრიგი და მიენიჭათ ფრენისათვის აუცილებელი ნებართვა.

 

რაც შეეხება „აირზენას,“ რომლის დამფუძნებლებმაც სომხეთში ახალი ავიაკომპანია შექმნეს, ჯალაღონიას თქმით, „ჯორჯიან ეარვეიზი“ საქართველოში რჩება და პარალელურად საქმიანობას იწყებს სომხეთში. „მინდა წარმატება ვუსურვო ჩვენს ავიასპეციალისტებს და მთლიანად კომპანიას,“– განაცხადა მან.

 

ჯალაღონია 2016-17 წლებში დაგეგმილი ევროპული რეგულაციების დანერგვაზეც საუბრობს: 


„სამოქალაქო ავიაციის სააგენტო მუდმივად მუშაობს ევროპული რეგულაციების ეროვნულ კანონმდებლობაში ასახვაზე, ამაში ჩვენი ევროპელი პარტნიორები აქტიურად გვეხმარებიან(EU Twinning Project, EASA, EUROCONTROL ). სრულად დაინერგა საჰაერო ხომალდის ბაქანზე შემოწმების პროცედურები (EASA, SAFA), რომლის მიხედვითაც სამოქალაქო ავიაციის სააგენტოს ფრენის უსაფრთხოების ინსპექტორები ახორციელებენ უცხო ქვეყნის საჰაერო ხომალდების ინსპექტირებას, სამოქალაქო საჰაერო ხომალდებზე მომხდარი საავიაციო შემთხვევების და ინციდენტების შეტყობინების, აგრეთვე მათ შესახებ დაინტერესებულ მხარისთვის ინფორმაციის მიწოდების ევროკავშირის ერთიანი წესები, საჰაერო ხომალდში ჩასხდომაზე უარის თქმის, რეისის გაუქმების ან ხანგრძლივი დაგვიანების შემთხვევაში მგზავრებისათვის კომპენსაციის გაცემის და დახმარების აღმოჩენის  წესი, საჰაერო გადაყვანა-გაზიდვებისას შეზღუდული შესაძლებლობებისა და შეზღუდული მოძრაობის მქონე პირის უფლებების დაცვის, დახმარების აღმოჩენის წესი და პირობები და ა.შ. 2016-17 წლებში დაგაგმილია სხვა მნიშვნელოვანი ევროპული რეგულაციების დანერგვაც, მაგალითად, სადაზღვევო მოთხოვნები ავიაკომპანიებისათვის, რეგულაცია საჰაერო ტრანსპორტით მგზავრისა და ბარგის გადაყვანა-გადაზიდვებისას ავიაგადამზიდველის პასუხისმგებლობის განსაზღვრის შესახებ, რეგულაცია საჰაერო გადაყვანა-გადაზიდვების წარმოების შესახებ (საწარმოთა ფინანსური მდგრადობის მუდმივი შეფასება) და სხვა მრავალი. შეთანხმებებით გათვალისწინებული ვალდებულებების სრულად შესრულების შემდგომ, ქვეყანას ექნება ერთიანი საჰაერო სივრცე ევროპასთან და უფრო მაღალი – ევროპული სტანდარტები ფრენების უსაფრთხოების უზრუნველყოფის, მისი ზედამხედველობის, მგზავრთა უფლებების დაცვის, საავიაციო ბაზარზე დაშვების, ავიასპეციალისტთა კვალიფიკაციის, საჰაერო მოძრაობის ორგანიზების, უშიშროების და სხვა ძირითადი მიმართულებების კუთხით.“ 

 



BAG-მა საქართველოს ეკონომიკის სამინისტრომ და სააგენტომ „აწარმოე საქართველოში“ პოსტ-კოვიდ ჭრილში პირდაპირი უცხოური ინვესტიციების მოზიდვის სტრატეგია და განახლებული პროგრამები განიხილეს

BAG-მა საქართველოს ეკონომიკის სამინისტრომ და სააგენტომ „აწარმოე საქართველოში“ პოსტ-კოვიდ ჭრილში პირდაპირი უცხოური ინვესტიციების მოზიდვის სტრატეგია და განახლებული პროგრამები განიხილეს
access_time2020-07-02 12:30:07
საქართველოს ბიზნეს ასოციაციამ (BAG), საქართველოს ეკონომიკისა და მდგრადი განვითარების სამინისტრომ და სააგენტომ „აწარმოე საქართველოში“ პოსტ-კოვიდ ჭრილში პირდაპირი უცხოური ინვესტიციების მოზიდვის სტრატეგია და განახლებული პროგრამები განიხილეს. შეხვედრას ესწრებოდნენ ეკონომიკისა და მდგრადი განვითარების მინისტრის მოადგილე, ირაკლი ნადარეიშვილი და სააგენტოს დირექტორი, მიხეილ ხიდურელი. შეხვედრის ფარგლებში, მიხეილ ხიდურელმა ბიზნეს ასოციაციის წევრებს განახლებული პროგრამები გააცნო,...

პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...


მსგავსი სიახლეები

up