„ჯიგრულად ბიუჯეტიდან მოპარული 100 მლნ ლარის ყალბი დღგ-ს კორუფციული სქემა
50 მლნ ლარი ტელევიზიების მიერ ბიუჯეტში ვერ დაბრუნებული დღგ-ს საქმე
რატომ ატყუებთ ექიმებს? ჯერ კიდევ შარშან გქონდათ შეხვედრა ექიმებთან და დაპირდით მათ, რომ მათი აზრი იქნებოდა გათვალისწინებული გადაწყვეტილების მიღების პროცესში, მას შემდეგ ჯანდაცვის სამინისტრო ყველა დადგენილებით ყალიბდება დიქტატორულ სტრუქტურად!
შეუსრულებელი დაპირება საპარტნიორო ფონდის რეფორმირებასთან დაკავშირებით, ის კვლავ ქართული ეკონომიკის შემაფერხებლად და პოლიტიკური კორუფციის კერად რჩება!“-ეს ის ძირითადი კითხვებია, რომელიც პარლამენტის დამოუკიდებელმა დეპუტატმა ლევან კობერიძემ პრემიერს დაუსვა.
„დაპირდით ექიმებს, რომ ამ საკითხით არა თუ დაინტერესდებოდით არამედ მათი აზრი აუცილებლად იქნებოდა გათვალისწინებული და ჩვენ იმის შემდეგ ვხედავთ , რომ სამწუხაროდ ჯანდაცვის სამინიტრო ყველა იმ გამოცემული ბრძანებით თქვენივე დადგენილებით უკვე ნელ-ნელა ყალიბდება, რაღაც პატარა დიქტატორულ ასე ვთქვათ სტრუქტურად. უბრალოდ კითხვა მინდა დაგისვათ, რატომ ატყუებთ ექიმებს, თქვენ ხომ დაპირდით მათ, რომ მათი მოსაზრებები იქნებოდა გათვალისწინებული, თქვენი პირადი დაპირება იყო იმ შეხვედრაზე, თუ კარგ და ცუდ მხარეს თამაშობთ, თქვენ რბილი ხართ ხოლმე შეხვედრებზე და ქალბატონი ეკა არის მკაცრი და შეუვალი, უბრალოდ ადამიანურად მინდა გკითხოთ ეს თანამდებობები ყოველთვის ხომ არ არის და უბრალოდ გული რომ აგტკივდეთ და იმ კლინიკებში მოხვდეთ იმ ექიმებთან არ შეგრცხვებათ რომ დაპირებებს იძლევით და მერე ვერ ასრულებთ ან არ ასრულებთ“? - ლევან კობერიძე.
მეორე შეკითხვაში კობერიძე საპარტნიორო ფონდის თემას შეეხო და აღნიშნა, ნაცვლად იმისა, რომ საპარტნიორო ფონდმა ეკონომიკური ზრდა დააჩქაროს პირიქით აფერხებს მას.
„საპარტნიორო ფონდთან დაკავშირებით მინდა გკითხოთ ესეც თქვენი შარშანდელი დაპირება, რომ რეფორმირებული იქნებოდა და საპარტნიორო ფონდი ჩვენი ეკონომიკის მნიშნელოვანი ნაწილია და სამწუხაროდ იმ დახმარების ნაცვლად, რომ ეკონომიკური ზრდა დააჩქაროს და პირიქით რეალურად აფერხებს მას და კონკურენტუნარიანობის ინდექსში 74 ადგილიდან ჩამოვედით 64-ზე და ყველა რეგიონის ქვეყანა გვისწრებს სტატისტიკას რომ დეტალურად გაეცნოთ.“ - ლევან კობერიძე.
ლევან კობერიძემ პრემიერს შარშანდელი დაპირებაც შეახსენა, რომ ასი მილიონის ყალბი დღგ-ს ნაწილში შექმნილ აქტივის საქმესთან დაკავშირებით ეს საქმე იქნებოდა გამოძიებული.
„თქვენი დაპირება იყო, როდესაც შარშან გამოხვედით, რომ იმ ასი მილიონის ყალბი დღგ-ს ნაწილში შექმნილ აქტივის საქმესთან დაკავშირებით ეს საქმე იქნებოდა გამოძიებული და დაბრუნებული ეს თანხა ბიუჯეტში რა ხდება ამასთან დაკავშირებით, ჯერჯერობით ვერაფერს ვხედავთ, რომელი მაღალჩინოსნები არიან დაკავებულები , რომელთა ხელშეწყობის გარეშეც მსგავსი საქმეები რეალურად ვერ ხორციელდება“ - ლევან კობერიძე
ლევან კობერიძე
