რუსეთის საგარეო საქმეთა მინისტრი სერგეი ლავროვი თბილისში, მაისში დაგეგმილ ევროპის საბჭოს მინისტრთა კომიტეტის სხდომას სავარაუდოდ არ დაესწრება, - ამის შესახებ „ქრონიკას“ რუსეთის ფედერაციის საბჭოს წევრმა, გრიგორი კარასინმა განუცხადა.

მისი თქმით, ამ საკითხზე რუსეთში თავიდანვე კარგად იფიქრეს. „რუსეთს არ აქვს მიზეზი მინისტერილში მონაწილეობაში ეჭვის შესატანად. აი, მონაწილეთა დონე - ეს სხვა საკითხია. შეიძლება იყოს რუსეთის საგარეო საქმეთა მინისტრის მოადგილე ან რუსეთის ელჩი ევროპის საბჭოში. ეს ფართო მსჯელობის საგანი გახდა, თუ ვინ ჩამოვა მინისტერიალზე. ახსენებენ მინისტრს და სხვა პირებს. დაველოდოთ და ვნახავთ, თუ რა იქნება. მე სერგეი ლავროვის ნაცვლად ვერ მივიღებ გადაწყვეტილებას, მაგრამ ვფიქრობ, რომ რუსეთის წარმომადგენელთა დონე მინისტერიალზე სხვა იქნება. ამის მიზეზია პირველ რიგში ის, რომ ასეთი აღელვებულია თქვენი საზოგადოება და არის რაღაც, რაც დასაფიქრებელია. თქვენი ოპოზიციაც ღელავს და სხვათა შორის, ხელს უშლის სხვა პრაქტიკული საკითხების გადაჭრასაც, მაგრამ ამაზე ახლა აღარ გვინდა. ეს უკვე ფილოსოფიაა. მე სენატორი ვარ და ნებისმიერი რამ შემიძლია ვიფიქრო. დარწმუნებული ვარ, რომ ჩვენ მინისტერიალში მონაწილეობას მივიღებთ და მონაწილეთა დონე განისაზღვრება მოგვიანებით“, - განაცხადა გრიგორი კარასინმა განაცხადა.

ევროპის საბჭოს მინისტრთა კომიტეტის სხდომა თბილისში მაისში უნდა გაიმართოს. რუსეთის ფედერაციის საბჭოს წევრის, გრიგორი კარასინის განცხადებით, მასში რუსეთის დელეგაცია მონაწილეობას მიიღებს.

საგარეო საქმეთა მინისტერის მოადგილე, ლაშა დარსალიამ კარასინის განცხადების საპასუხოდ თქვა, რომ საქართველო, როგორც ევროპის საბჭოს თავმჯდომარე ქვეყანა, ორგანიზაციის წესდების შესაბამისად მოქმედებს.

imedinews.ge