მოკლევადიან პერსპექტივაში ჩვენ შეიძლება მივიღოთ გაზრდილი ტვირთნაკადი, მაგრამ გრძელვადიან პერსპექტივაში გვინდა, რომ სრულად დერეფანი იყოს კონკურენტუნარიანი, - ამის შესახებ ეკონომიკისა და მდგრადი განვითარების მინისტრმა ლევან დავითაშვილმა განაცხადა. როგორც მინისტრმა გადაცემაში „ბიზნესი რუსთავი 2-ზე“ სტუმრობისას აღნიშნა, საქართველო ყველაფერს აკეთებს იმისათვის, რომ ქვეყანაზე მეტმა ტვირთმა გაიაროს და ამისთვის მოლაპარაკებები პარტნიორ სახელმწიფოებთან ინტენსიურად მიმდინარეობს.

„აქ ერთი ქვეყნის ძალისხმევა საკმარისი ვერასოდეს ვერ იქნება. ტვირთი მთელს დერეფანში კონკურენტუნარიან ტარიფებში რომ გადაადგილდეს. ამისთვის საკმარისი არ არის მხოლოდ არსებული ინფრასტრუქტურა. ყველა ქვეყნის მხრიდან მიდის მუშაობა, რომ გაუმჯობესდეს ფიზიკური ინფრასტრუქტურა ერთის მხრივ და მეორეს მხრივ გაუმჯობესდეს ადმინისტრირება დერეფანში“, - განაცხადა მინისტრმა.

ლევან დავითაშვილის თქმით, მიმდინარე წელი აქტივობის თვალსაზრისით გამორჩეულია.

„გადაზიდვები ქვეყანაში გაზრდილია. ზოგადად დერეფანშია გაზრდილი. მოვახერხეთ ის, რომ რკინიგზის აქტიური მუშაობით საქართველოს რკინიგზაზე დავაბრუნეთ, მათ შორის ყაზახური ნავთობი. საქართველოში 1,5 მლნ ტონა ნავთობის და 700 ტონა მაზუთის გადაზიდვა უკვე მოხდა. მომავალ წელს ამ რაოდენობის გაზრდა იგეგმება. ეს მხოლოდ რკინიგზით.
ცენტრალური აზია ძალიან საინტერესო წყაროა, სხვადასხვა პროდუქტის. ეს არის მათ შორის ქიმური პროდუქტების, ნავთობპროდუქტების და ასე შემდეგ. თურქმენული ნავთობი უკვე წლებია დაბრუნდა ჩვენს დერეფანში. მომავალი წლისთვის დამატებით 600 ათასი ტონა თურქმენული ნავთობი გადაზიდვა იგეგმება. ეს მიმართულება მზარდია ცალსახად. მილსადენების ოპტიმალური გამოყენება, ეს ერთ-ერთი საკითხია, რომელსაც ჩვენს პარტნიორებთან ერთად ვიხილავთ“, - განაცხადა ლევან დავითაშვილმა.

მინისტრი ამბობს, რომ საქართველოს დერეფანი უფრო და უფრო აქტუალური ხდება მსოფლიოსთვის და არამხოლოდ ევროკავშირისთვის.

„უფრო და უფრო მეტი ინტერესია ინვესტორების მხრიდან. საქართველო ყოველთვის აცხადებდა, რომ იქნებოდა საიმედო პარტნიორი საერთაშორისო საზოგადოების, საიმედო ალტერნატიული მარშრუტი ტვირთების და ერთ-ერთი უმოკლესი გზა ევროპის და აზიის დაკავშირების. ამაზე აქცენტი ყოველთვის კეთდებოდა და ჩვენი ეკონომიკური ხედვა ყოველთვის ამას ეფუძნებოდა, თუმცა ინტერესი იყო ნაკლები. მაგრამ გეოპოლიტიკურმა ვითარებამ დააჩქარა პროცესები, ინტერესი კიდევ უფრო გაზრდილია და კონკრეტულ გეგმებსა და გადაწყვეტებზე მიდის ეხლა საუბარი. მიმდინარე“, - ამბობს დავითაშვილი.