GRASS:  ბიუჯეტის ხარჯების ზრდის შემზღუდველი ნორმა უქმდება, რაც ე.წ. „მცირე მთავრობის“ კონცეფციას ეწინააღმდეგება

GRASS: ბიუჯეტის ხარჯების ზრდის შემზღუდველი ნორმა უქმდება, რაც ე.წ. „მცირე მთავრობის“ კონცეფციას ეწინააღმდეგება

access_time2018-10-23 09:34:42

 „ეკონომიკური თავისუფლების აქტში“ ბიუჯეტის ხარჯების ზრდის შემზღუდველი ნორმა უქმდება,  რაც ე.წ. „მცირე მთავრობის“ კონცეფციას ეწინააღმდეგება,  ამის შესახებ  საქართველოს რეფორმების ასოციაციის კვლევაშია ნათქვამი. 


GRASS-მა ამ თემა ზე სპეციალური განცხადება გაავრცელა, რომელსაც კომერსანტი უცვლელად გთვაზობთ:


საქართველოს რეფორმების ასოციაციის (GRASS) კვლევამ აჩვენა, რომ „ეკონომიკური თავისუფლების აქტში“ მთავრობის მიერ ინიცირებული ცვლილებები მთავრობის ზომის ზრდის შესაძლებლობას ითვალისწინებს, რაც ცალსახად ეწინააღმდეგება მთავრობის მიერ გაცხადებულ პოზიციას ე.წ. „მცირე მთავრობის“ კონცეფციის დანერგვის შესახებ.



საქართველოს პარლამენტში წარდგენილია „ეკონომიკური თავისუფლების შესახებ“ ორგანულ კანონში (იგივე „თავისუფლების აქტი“) შესატანი ცვლილებების პროექტი, რომელიც მაკროეკონომიკურ პარამეტრებზე დღეს არსებული ზღვრების და ამ ზღვრების შესრულების ანგარიშების ნორმების ცვლილება/დაზუსტებას გულისხმობს.



კერძოდ, უქმდება ბიუჯეტის ხარჯების შემზღუდველი საკანონმდებლო ნორმა, რაც გულისხმობს მშპ-სთან შეფარდებით ხარჯების და არაფინანსური აქტივების ზრდის 30%-იანი ზედა ზღვრის ამოღებას. აღსანიშნავია, რომ 2014 წლიდან, ამ კანონის ამოქმედებიდან ყოველ მომდევნო წელს, არსებული 30%-იანი ზღვარი დაირღვა.
„ეკონომიკური თავისუფლების შესახებ“ კანონიდან ხარჯებისა და არაფინანსური აქტივების ზრდის 30%-იანი ზღვრის გაუქმება ამჟამინდელი ხელისუფლების მიერ რიტორიკის დონეზე გაცხადებულ ე.წ. „მცირე მთავრობის“ იდეას ეწინააღმდეგება. მთავრობის ზომა სწორედ ხარჯებისა და არაფინანსური აქტივების ზრდის ფარდობითი მაჩვენებელია.



„ეკონომიკური თავისუფლების აქტით“ დაწესებული ზღვრების ამოცანა სწორედ მთავრობის ზომის ზრდის საკანონმდებლო შეზღუდვაა. აღნიშნული კანონის ცვლილების პროექტით იმ პარამეტრზე დაწესებული საკანონმდებლო ზღვრის გაუქმება ხდება, რაც უშუალოდ მთავრობის ზომის ზრდას ზღუდავს.



შესაბამისად, მიგვაჩნია, რომ ფისკალური მდგრადობისთვის საჭიროა არსებობდეს ბიუჯეტის გადასახდელების შემზღუდველი ნორმები და ხელისუფლებამ ასეთი საკანონმდებლო ვალდებულების გაუქმებისგან თავი უნდა შეიკავოს.



გარდა ზემოთ აღნიშნულისა, წამოდგენილი კანონპროექტი ბიუჯეტის სხვა მაჩვენებლებზე არსებული წესების ცვლილებას მოიცავს:



• მშპ-სთან შეფარდებით, ნაერთი ბიუჯეტის დეფიციტის 3%-იანი ზედა ზღვარი ნარჩუნდება, თუმცა იცვლება ბიუჯეტის სახე. ნაცვლად ნაერთი ბიუჯეტის დეფიციტისა, 3%-იანი ზედა ზღვარი სახელმწიფოს ერთიანი ბიუჯეტის დეფიციტზე გავრცელდება.


• მშპ-სთან შეფარდებით სახელმწიფო ვალის 60%-იანი ზედა ზღვარი ნარჩუნდება, თუმცა კანონით დაწესებული ზღვრის მიზნებისთვის სახელმწიფო ვალში არ ჩაითვლება ეროვნული ბანკის ვალდებულები.


ამრიგად, სახელმწიფო ვალზე დაწესებული ზედა ზღვარი ირიბად იზრდება.
სრული კვლევა იხილეთ შემდეგ ბმულზე: https://goo.gl/fmUCPt



თეგები:
GRASS ბიუჯეტი



„ქართული ოცნება“ ამბობდა, რომ 2020 წლისთვის, 800 კმ ავტობანს, 50 გვირაბს და 50 ხიდს ააშენებდა - ეს დაპირება ვერ სრულდება"

„ქართული ოცნება“ ამბობდა, რომ  2020 წლისთვის, 800 კმ ავტობანს, 50 გვირაბს და 50 ხიდს ააშენებდა -  ეს დაპირება ვერ სრულდება
access_time2019-07-23 18:00:03
„ქართული ოცნება“ ამბობდა, რომ ოთხ წელში, 2020 წლისთვის, 800 კმ ავტობანს, 50 გვირაბს და 50 ხიდს ააშენებდა. ეს დაპირება ვერ სრულდება" —  აცხადებს ერთიანი ნაციონალური მოძრაობის ერთ-ერთი ლიდერი რომან გოცირიძე. ის, რომ ოპოზიციონერი დეპუტატი სიმართლეს ამბობს "ფაქტ-მეტრმა" ციფრებზე ციფრებზე დაყრდნობით შეისწავლა, რომლის ანალიზსაც უცვლელად გთავაზობთ:  2016 წელს...

ირაკლი ყიფიანი: როდესაც ლარი ასე მკვეთრად უფასურდება, პრობლემა მთავრობის ეკონომიკურ გუნდში და მის პოლიტიკაშია, ვიდრე ეროვნული ბანკის მიერ გატარებულ ღონისძიებებში

ირაკლი ყიფიანი: როდესაც ლარი ასე მკვეთრად უფასურდება,  პრობლემა  მთავრობის ეკონომიკურ გუნდში და მის პოლიტიკაშია, ვიდრე ეროვნული ბანკის მიერ გატარებულ ღონისძიებებში
access_time2019-07-23 16:30:11
 „იმ პირობებში, როდესაც ლარი ასე მკვეთრად უფასურდება,  პრობლემა  მთავრობის ეკონომიკურ გუნდში და მათ მიერ განხორციელებულ პოლიტიკაშია, ვიდრე ეროვნული ბანკის მიერ გატარებულ ღონისძიებებში,“— ასე ეხმაურება ეკონომიკის ექსპერტი ირაკლი ყიფიანი ლარის კურსის ბოლოდროინდელ არასტაბილურობას. მისი განმარტებით, რეალურად, ეროვნული ბანკის ფუნქციაა ფასების სტაბილურობა და  ეკონომიკის  ინფლაციური პროცესებისგან დაცვა....

კომპანია „ფრანს ავტო“ საქართველოს მთავრობისთვის 135 თეთრი ფერის Renault Duster-ს რუმინეთიდან ჩამოიყვანს

კომპანია „ფრანს ავტო“ საქართველოს მთავრობისთვის 135 თეთრი ფერის Renault Duster-ს რუმინეთიდან ჩამოიყვანს
access_time2019-07-23 15:30:15
საქართველოს მთავრობა 135 თეთრი ფერის Renault Duster შეისყიდის. ამის შესახებ კომერსანტს კომპანია „ფრანს ავტოს“ გაყიდვებისა და ლოგისტიკის ხელმძღვანელმა განუცხადა. თამარ მეტრეველის თქმით, მანქანებს კომპანია ევროპიდან, კერძოდ კი რუმინეთიდან ჩამოიყვანს. ავტომობილის ძირითადი ტექნიკური მახასიათებლები კი შემდეგნაირია: ძრავა 1,6,  115 ცხენის ძალა, გადაცემათა კოლოფი - 6-სიჩქარიანი მექანიკა, 4X4, მაქსიმალური სიჩქარე – 163 კილომეტრია...

Bloomberg-ზე 1 დოლარი 2,9000 ლარად ივაჭრება

Bloomberg-ზე 1 დოლარი 2,9000 ლარად ივაჭრება
access_time2019-07-23 13:16:07
Bloomberg-ის სავაჭრო პლატფორმაზე 13:00 საათზე ერთი დოლარი 2,900 ლარად ივაჭრება. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის ოფიციალური ღირებულება 2.8831 ლარია. რაც შეეხება ევროს, მისი კურსი 3.2357 ლარია. ეროვნული ბანკი ახალ კურსს დღეს 17:00 საათზე გამოაქვეყნებს.აღსანიშნავია, რომ დღეს დილით, 11 საათისთვის Bloomberg-ის სავაჭრო პლატფორმაზე ერთი დოლარი 2.8900 ლარად...

4Hospitals - საიმედო პარტნიორი

4Hospitals - საიმედო პარტნიორი
access_time2019-07-23 10:30:06
4Hospitals წარმოადგენს სამედიცინო პროდუქციის და სერვისის მიმწოდებელ კომპანიას კლინიკებისათვის. კომპანია 5 წლის წინ დაარსდა და დღეს უკვე მრავალი გლობალური ბრენდის წარმომადგენელია საქართველოში და ახლა უკვე - სომხეთშიც. კომპანია 1000-ზე მეტი დასახელების სამედიცინო პროდუქტს აწვდის საქართველოს 100 მეტ კლინიკას, რომელთა მომხმარებელია მრავალი ექიმი და მათი მეშვეობით ასეულ ათასობით პაციენტი. დაარსების დღიდან კომპანიამ...


მსგავსი სიახლეები

up