რადიო „კომერსანტის“ და აუდიტორული და ბიზნეს საკონსულტაციო კომპანია „გრანთ თორნთონის“ ერთობლივ გადაცემაში ჩემი აუდიტორი „გრანთ თორნთონის“ მმართველმა პარტნიორმა ვახტანგ ცაბაძემ კომპანიის გლობალური და ლოკალური ფინანსური წელი შეაჯამა. საერთაშორისო ჰოლდინგში შემავალი კომპანიების ჯამური ბრუნვა 5,720 მილიარდ დოლარს შეადგენს,რაც ერთ-ერთი უმნიშვნელოვანესი მაჩვენებელია კომპანიის ზრდის ისტორიაში.40%-იანი ზრდაა დაფიქსირებული ადგილობრივ ბაზარზეც.
ვახტანგ ცაბაძე ზრდას ახალ საკანონმდებლო ცვლილებებს უკავშირებს, თუმცა აღნიშნავს,რომ რეფორმას ერთჯერადი ეფექტი ჰქონდა და ბაზარზე მკვეთრი ზრდა მომავალში აღარ იქნება.
საქართველოში 2019 წელს კომპანია „გრანთ თორთონს“ 40%-იანი ზრდა ჰქონდა. ზრდის ძირითადი მიზეზი სწორედ რეგულაციებია და არსებული სიახლეები ამ მიმართულებით. 2019 წელს კანონმდებლობით, სავალდებულო გახდა აუდიტის ჩატარება.უნდა ითქვას ისიც,რომ რეფორმას ერთჯერადი ეფექტი ჰქონდა, მკვეთრი ზრდა ამ ბაზარზე მომავალში აღარ იქნება, მოხდება მხოლოდ კომპანიებს შორის მომხარებლების გადანაწილება. მეორე მხრივ,რეგულაციებმა ნეგატიურად იმოქმედა ბიზნესზე,რომლიც შემდგომ აუდიტორული კომპანიების მომხმარებელი უნდა გახდეს, ბიზნესს კი არ უყვარს რეგულაციები- ამბობს ვახტანგ ცაბაძე.
მან გადაცემაში ასევე ისაუბრა კომპანიის მთავარ სამიზნე ჯგუფებზე. ვახტანგ ცაბაძის თქმით, აუდიტის მიმართულებით კომპანიის სამიზნე ჯგუფს წარმოადგენს მსხვილი და საშუალო ბიზნესი; ბუღალტრული მომსახურებისა და აუთსორსინგის მიმართულებით კომპანია მრავალფეროვან სერვისებს სთავაზობს მცირე, საშუალო და მსხვილ ბიზნესს. რაც შეეხება საკონსულტაციო მიმართულებას, ვახტანგ ცაბაძის თქმით, კომპანიის სამიზნე მიმართულება მსხვილი კომპანიები იქნება.
ვახტანგ ცაბაძებ გადაცემაში ისაუბრა გლობალური ქსელის მთავარ მიმართულებებზე და აღნიშნა,რომ ქსელისთვის 2019 რეკორდული წელი იყო.
მოგებამ 5,720 მილიარდი შეადგინა. ჯამში 5%-ზე მეტი ზრდა დაფიქსირდა, ზოგიერთ მიმართულებაზე ეს ციფრი 8 - 12 %-ია, დაფიქსირებულია 20%-იანი ზრდაც. მოლოდინი ნამდვილად გვქონდა,რომ მოგება გაიზრდებოდა, ზრდის ერთ-ერთი მნიშვნელოვანი მიზეზი იყო ქსელის დიდი ფოკუსი მზარდ საშუალო ბიზნესზე, რაც ნამდვილად სწორი გათვლა აღმოჩნდა. ადგილობრივ მაგალითზე ყველაზე დიდი ზრდა აუთსორსინგმა აჩვენა. გლობალური ზრდის მიხედვით თუ შევხედავთ, ვნახავთ, რომ ყველაზე დიდი,, 8%-იანი ზრდა ბიზნეს საკონსულტაციო მიმართულებას აქვს, შემდეგია 6%-ით საგადასახადო მიმართულება და ბოლოს აუდიტი,- აღნიშნავს ვახტანგ ცაბაძე.
ვახტანგ ცაბაძემ გადაცემაში აღნიშნა,რომ კომპანია 2020 წლისთვის გააგრძელებს თანამშრომლებისთვის საერთაშორისო პრაქტიკის მიღების შესაძლებლობას.
ჩვენი მიზანი შემოსავლების ზრდა არ უნდა იყოს. მთავარია ის, რისთვისაც ვართ ყველანი ამ ბიზნესში, ეს გახლავთ პროფესიული ბიზნესი. აქცენტი ხარისხზეა და საინტერესო საქმის კეთებაზე, რასაც ბუნებრივია, თან შემოსავლების ზრდაც მოჰყვება. 2020 წელი გვინდა რომ ზრდის წელი იყოს. ჩვენ აქტიურად გავაგრძელებთ თანამშრომლების გაშვებას გლობალურ ქსელებში ,მაგალითად, შვედეთის ან დიდი ბრიტანეთის ფილიალებში, რათა მათ მიიღონ პრაქტიკა და გამოცდილება, რაც ჩვენთვის არის ღირებული რესურსი და გზა,გავზარდოთ კომპეტენცია ადგილობრივ ბაზარზე.
ბათუმში გავხსენით ოფისი. ბათუმი და აჭარა არის დინამიური, განვითარებადი რეგიონი. ამ დროისთვის შედეგებზე საუბარი ნაადრევია, თუმცა, გვაქვს სურვილი,რომ 2020 წლისთვის ბათუმის ფილიალი დატვირთულად და აქტიურად მუშაობდეს,-ამბობს ვახტანგ ცაბაძე.
(R)