„გრანთ თორნთონი„: „10 წლის შემდეგ   საქართველოში  გენერაცია  2-ჯერ გაიზრდება„

„გრანთ თორნთონი„: „10 წლის შემდეგ საქართველოში გენერაცია 2-ჯერ გაიზრდება„

access_time2020-02-11 17:30:29

„გასულ წლებში ენერგეტიკის სექტორი მთლიან ინვესტიციებში მესამე ადგილს იკავებდა, 2019  წელს კი  პირველ ადგილზეა. 10 წლის შემდეგ   გენერაცია საქართველოში 2-ჯერ გაიზრდება“, -  ამის შესახებ „გრანთ თორნთონის„ ბიზნეს საკონსულტაციო მიმართულების ხელმძღვანელმა, გიორგი უსანეთაშვილმა, რადიო „კომერსანტის“ და აუდიტორული და ბიზნეს საკონსულტაციო კომპანია „გრანთ თორნთონის“ ერთობლივ გადაცემაში „ჩემი აუდიტორი“ განაცხადა.

 

მისი განცხადებით, ენერგეტიკა ეკონომიკის ერთ-ერთი ძირითადი მიმართულებაა, ვინაიდან,  დარგში  წარმოებული პროდუქტის მომხმარებელია ყველა სხვა სექტორია. საქართველოში,როგორც შიდა მოხმარების დაკმაყოფილების,ისე ექსპორტის თვალსაზრისითაც დიდი პოტენციალი აქვს.

 

უსანეთაშვილის  ინფორმაციით, თუ ეკონომიკას შევხედავთ, მთლიანი მშპ-ს ჭრილში, ვნახავთ, რომ ენერგეტიკის სექტორს 8% უჭირავს, რაც გლობალურ ტრენდში ნორმალური მაჩვენებელია.მან გადაცემაში აღნიშნა,რომ  თბოსადგურებისა და განახლებადი ენერგიების წყაროებიდან მიღებული ენერგია 23%-ია, ხოლო ჰიდროელექტროსადგურების –77%–ს შეადგენს.

 

„საქართველოში 26 ათასი მდინარეა, აქედან 300 მდინარეს დიდი პოტენციალი აქვს და მათგან ნახევარი აუთვისებელია. რაოდენობის ჭრილში თუ გადავალთ, მათ დაახლოებით,20-25 ტერავატ/საათი ენერგიის გამომუშავება შეუძლიათ.2019 წლის პირველნახევარს თუ ავიღებთ ინვესტიციების კუთხით, ენერგეტიკა ლიდერია, მთლიან ინვესტიციებში წინა წლებში თუ მესამე ადგილს იკავებდა, წელს პირველ ადგილზეა. სექტორში ინვესტორის მხრიდან ინტერესი დიდია. საქართველოში კი ძალიან კარგი პირობებია ნებისმიერი ინვესტორისთვის,მათთვის ლიმიტები არ არსებობს, შემდეგი 10 წელი კი გარანტირებული შემოსავლები ექნებათ,“- აღნიშნავს გიორგი უსანეთაშვილი.

 


მან გადაცემაში ასევე ისაუბრა იმპორტის ზრდის მაჩვენებელზეც, მისი თქმით, 2017 წელს იმპორტი 2016 წელთან შედარებით 3-ჯერ გაიზარდა, მოხმარების ზრდა კი  ტურიზმსა და მაინინგს უკავშირდება.  10 წლიანი გეგმის მიხედვით, როგორც გიორგი უსანეთაშვილი ამბობს, გენერაცია  2-ჯერ გაიზრდება.


„ დღეს თუ გვაქვს 4400 მგვტ სიმძლავრე, გახდება 8800მგვტ.  საინტერესო დეტალია განახლებადი წყაროების საკითხი,რომელიც ახლა 0,5%-ია და 10 წლის შემდეგ 10%-მდე მოიმატებს,“- ამბობს უსანეთაშვილი. მან რადიო „კომერსანტთან„ ასევე ისაუბრა საქართველოზე,როგორც ენერგეტიკულ ჰაბზე და არსებულ პერსპექტივებზე.


„ამ შემთხვევაში აქცენტი უფრო ენერგეტიკულ  ჰაბზე გვაქვს. ენერგორესურსების კუთხით უკვე არის პრეცედენტი, გაზსადენის, მილსადენის. გეოგრაფიულად კარგ ადგილას ვართ და ვაკავშირებთ რამდენიმე რეგიონს.  რაც შეეხება იმას, თუ როგორ უნდა გავხდეთ ელექტროენერგიის ჰაბი, ამისთვის ჩვენ ინფრასტრუქტურული ინვესტიციების განხორციელება გვჭირდება. უნდა გაფართოვდეს არსებული არხები,“- აღნიშნავს გიორგი უსანეთაშვილი.   

 

აუდიტორული და ბიზნეს საკონსულტაციო კომპანია „ გრანთ თორნთონმა“ 2020 წლის პირველ კვარტალში ენერგეტიკის სექტორის კვლევის შედეგები წარადგინა. გიორგი უსანეთაშვილის თქმით, მომავალში  კომპანია სამედიცინო სფეროში დაგეგმილ რეგულაციებთან დაკავშირებით   საინტერესო კვლევას წარადგენს.

 

„სამომავლო გეგმებს რაც შეეხება, 2020 წელს ვგეგმავთ საინტერესო სექტორების განხილვას. მარტის ბოლოს იგეგმება სამედიცინო სექტორის ანალიზი. სახელმწიფო აპირებს რეგულაციების დაწესებას, რომლის მიხედვითაც, სამედიცინო სერვისების ლიმიტირება მოხდება. საინტერესოა  ანალიზი იმისა, თუ რა ეფექტი ექნება ახალ რეგულაციას კერძო კლინიკაზე. ნიშნავს თუ არა ეს რეგულაცია იმას,რომ დაიწევს ხარისხი ან  ბაზრიდან გაქრება კერძო სექტორი?“- აღნიშნავს გიორგი უსანეთაშვილი.

 

(R)




27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

სად გაატარებენ რუსები ახალ წელს? სახლში თუ ოკუპირებულ აფხაზეთში

სად გაატარებენ რუსები ახალ წელს? სახლში თუ ოკუპირებულ აფხაზეთში
access_time2020-10-27 19:00:24
1 აგვისტოდან რუსეთს და ოკუპირებულ აფხაზეთს შორის საზღვარი ოფიციალურად გაიხსნა. მანამდე კი კორონავირუსის გავრცელების თვალსაზრისით თითქმის სტერილურმა არაღიარებულმა რესპუბკლიკამ სწრაფი „დაბინძურება“ დაიწყო.   დიდი ტურისტული ბუმი არ ყოფილა, თუმცა რუსეთის ბევრმა მოქალაქემ ვირუსისგან გაქცევის მიზნით ოკუპირებულ აფხაზეთში სახლები იქირავეს.   თუმცა, გაქცევა არ გამოვიდა - ღია საზღვარმა და ადამიანების უკონტროლო მისვლა-მოსვლამ ეპიდემიის აფეთქებას მაშინ შეუწყო...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....

„მედიკამენტების მაღალი ფასი ოლოგოპოლიით არაა გამოწვეული - წამლების სიძვირეს მოქმედი კანონი იწვევს“

„მედიკამენტების მაღალი ფასი ოლოგოპოლიით არაა გამოწვეული -  წამლების სიძვირეს მოქმედი კანონი იწვევს“
access_time2020-10-27 15:03:08
პოლიტიკური პარტია „გირჩის“ ლიდერმა, ზურაბ  ჯაფარიძემ საქართველოში მედიკამენტების მაღალ ფასებზე  და მათი სიძვირის მიზეზებზე ისაუბრა. დიდუბის მაჟორიტარი დეპუტატობის კანდიდატი აცხადებს, რომ საქართველოში მედიკამენტების მაღალი ფასი ოლოგოპოლიას და მონოპოლიას ბრალდება, თუმცა მისი თქმით, წამლების სიძვირეს რაელურად სხვა მიზეზი აქვს და მათი გიაფებაც საკმაოდ მარტივია. ზურაბ ჯაფარიძემ საქართველოში არსებული 9 მედიკამენტის ფასი თურქეთში იდენტური მედიკამენტების ფასებს...


მსგავსი სიახლეები

up