,,გრანელი ჯგუფი“  ვეგანური ტყავის წარმოებაში $10 მლნ-ს დებს

,,გრანელი ჯგუფი“ ვეგანური ტყავის წარმოებაში $10 მლნ-ს დებს

access_time2021-12-14 15:00:25

პირველად საქართველოსა და აღმოსავლეთ ევროპის რეგიონში, ,,გრანელი ჯგუფი“  ქალაქ ყვარელში ცხოველური და სინთეტიკური ტყავის ალტერნატივის, მცენარეული ნედლეულისა და ორგანული ნარჩენის საფუძველზე დამზადებული ვეგანური ტყავის წარმოებისთვის საჭირო ქარხნის მშენებლობას იწყებს.  ინოვაციური პროექტის განხორციელებისთვის  ჯამური საინვესტიციო თანხა 10 მლნ დოლარს შეადგენს.  ,,გრანელი ჯგუფის“ ხელმძღვანელის, ბიზნესმენ  ნუგზარ საჯაიას განცხადებით,  ორგანული ნარჩენების გამოყენების ამ უახლესი მეთოდით იქმნება  სრულად ბიოდეგრადირებადი პროდუქტი, რომლის ანალოგი მსოფლიოში ჯერჯერობით არ არის.



საჯაიას განცხადებით, ეს არის 100%-ით უნარჩენო წარმოება, რითაც სამომავლოდ, ,,გრანელი ჯგუფი“ მნიშვნელოვან წვლილს შეიტანს კახეთის რეგიონის მწვანე ზონად ჩამოყალიბებაში.



,,ვიწყებთ მასშტაბურ, სრულიად ინოვაციურ პროექტს, მცენარეული ტყავის წარმოებას, რაც დღესდღეობით ორგანული წარმოების მიმართულებით ახალი სიტყვაა.  ჩვენი კომპანია ფლობს ღვინის ქარხანას კახეთის რეგიონში. ყურძნის გადამუშავების შემდეგ რჩება ჭაჭა და კლერტი, გარდა ამის, დიდი რაოდენობით გროვდება ბოსტნეულის და ხილის ნარჩენი. ერთია, რაც ბაღებში რჩება და ასევე საკონსერვო, პურის წარმოება და სხვა, რასაც საყოფაცხოვრებო ნარჩენი ემატება. ალბათ, ადრე თუ გვიან, დაიდგმება ურნები ყველა ქალაქსა და სოფელში, რაც მათ შესაძლებლობას მისცემს, ეკოლოგიურად სუფთა სტატუსი მიიღონ, შეგროვდეს ორგანული ნარჩენი, რომელიც მთლიანად გადამუშავდება.  საბოლოო ნარჩენიც კი მუშავდება, მიღებული  პროდუქტი იქნება ძვირადღირებული ტყავი.  შარშან შემოწმება გავიარეთ. ამ ეტაპზე ჩვენი პროექტის დაპატენტებას ველოდები, ეს არის წმინდა ქართული იდეა, რომელიც პირადად მე მეკუთვნის, არ არსებობს გამოცდილება, რითაც შეიძლება მესარგებლა. ინვესტიციის მოცულობა განისაზღვრება იმით, რამდენად თანამედროვე დანადგარს შევიძენთ, მაგრამ ეს ტექნიკა რეალობაში ჯერ არ არსებობს. თუმცა არის ერთ-ერთი  იტალიური კომპანია, ვინც დაიწყო ლაბორატორიული კვლევა. ამისთვის  ევროკავშირმა 730 000 ევრო გამოუყო. პირველადი ფორმულა შექმნეს, საბოლო ფორმულა 7 თვეში გახდება ცნობილი“, - აცხადებს ,,კომერსანტთან“ ნუგზარ საჯაია.



მისი თქმით, ,,გრანელი ჯგუფის“  ინოვაციური პროექტის  მთავარი მიზანი ისეთი პროდუქტის შექმნაა, რომელიც მნიშვნელოვნად შეამცირებს გარემოზე ზემოქმედების ხარისხს.




,,საწარმოს ამუშავება განსაკუთრებულად მნიშვნელოვანია საქართველოში სხვადასხვა დარგის განვითარებისთვის. ქარხანა, ყოველწლიურად, რეგიონში არსებული ორგანული ნარჩენების სრულად გადამუშავებას უზრუნველყოფს, რითაც, სამომავლოდ, მნიშვნელოვან წვლილს შეიტანს კახეთის რეგიონის მწვანე ზონად ჩამოყალიბებაში“, - დასძენს ნუგზარ საჯაია ,,კომერსანტთან“.



საბოლოო პროდუქტი - ვეგანური ტყავი მოთხოვნადია როგორც ადგილობრივ, ისე საერთაშორისო ბაზარზე. ამ კატეგორიის პროდუქტს უკვე იყენებენ ისეთი მსხვილი კომპანიები, როგორებიცაა: Tesla, BMW, Porsche, Mercedes-Benz, Lexus, Ferrari, Bentley;  Hermes, Gucci, Balenciaga, Chanel და Hugo Boss.

 


ბიზნესმენის ინფორმაციით, 150 000 ტონა ჭაჭა იყრება ყოველწლიურად, რომელიც იწვის და მისი უნარჩენო  გადამუშავება შესაძლებელია.



ვეგანური ტყავის  მწარმოებელი ქარხნის მშენებლობა სავარაუდოდ 2022 წლის ბოლოს დასრულდება და პირველ ეტაპზე დაახლოებით 200-მდე ადამიანს დაასაქმებს.



მეღვინეობა ,,გრანელში“ ამ ეტაპზე  60-მდე ადამიანია დასაქმებული. 

 

მარი ჩიტაია

 





ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...

2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა

2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა
access_time2022-12-03 15:30:31
  „თხილი ერთ-ერთი აგროკულტურაა, რომლის მასშტაბური წარმოების და ექსპორტის პოტენციალიც საქართველოს აქვს. 2021 წელს თხილის ექსპორტით მიღებულმა შემოსავალმა 115 მლნ აშშ დოლარს გადააჭარბა. ექსპორტის უდიდესი წილი ევროკავშირის ქვეყნებზე მოდის. სახელმწიფო აქტიურად აგრძელებს ხარისხიანი ქართული თხილის წარმოების მხარდაჭერას არაერთი ღონისძიებით, მათ შორისაა თხილის წარმოების ხელშემწყობი ახალი პროგრამა, რომლის განხორციელების მიზანია, ქართული თხილი იყოს ხარისხიანი და კონკურენტუნარიანი,...

მკვლევრები ქმნიან რობოტებს, რომლებიც საკუთარი თავის შექმნას შეძლებენ

მკვლევრები ქმნიან რობოტებს, რომლებიც საკუთარი თავის შექმნას შეძლებენ
access_time2022-12-03 17:30:45
MIT-ის ბიტებისა და ატომების ცენტრის მკვლევრები ამბიციურ პროექტზე მუშაობენ - ქმნიან რობოტებს, რომლებიც საკუთარი თავის შექმნას შეძლებენ. ამის შესახებ techcrunch-ი წერს. მეცნიერები აღიარებენ, რომ ავტონომიური თვითმშენებლობის რობოტის შექმნამდე ჯერ კიდევ წლები სჭირდებათ, მაგრამ სამუშაომ ჯერ-ჯერობით დადებითი შედეგები...


მსგავსი სიახლეები

up