Grammarly-ის დამფუძნებლები თქვენი შეცდომების წყალობით მილიარდერები ხდებიან

Grammarly-ის დამფუძნებლები თქვენი შეცდომების წყალობით მილიარდერები ხდებიან

access_time2021-11-30 20:30:00

გრამატიკის შემოწმების $200-მილიონიანი ინვესტიცია არა მხოლოდ $13-მილიარდიანი ღირებულების კომპანიად გარდაიქმნა, არამედ მილიარდერთა სიას საკუთარი დამფუძნებლების სახით ორი ახალწვეულიც შესძინა. Forbes-ის შეფასებით, უკრაინული წარმოშობის მეწარმეები მაქს ლიტვინი და ალექს შევჩენკო, რომლებმაც 2009 წელს ავტომატური წერის ასისტენტი შექმნეს, ბოლო დაფინანსების რაუნდის წყალობით, ინდივიდუალურად, $4 მილიარდის მფლობელები არიან.



Pitchbook-ის მიერ შეგროვებულ მონაცემებზე დაყრდნობით, Grammarly-ის აქციების დაახლოებით 22%-ს ინვესტორები ფლობენ, რომლებიც დაფინანსების ორივე რაუნდში, 2019 და 2021 წლებში მონაწილეობდნენ. კომპანიის მესამე თანადამფუძნებლის საკუთრებაში კი, რომელიც ამავდროულად ლიდერიცაა, Grammarly-ის მხოლოდ 1%-იანი წილი შედის. ხოლო 35-35%-იანი აქტივები, ლიტვინისა და შევჩენკოს ქონებას ოთხ-ოთხი მილიარდი დოლარით განსაზღვრავს. თავად Grammarly საკუთრების გადანაწილებასთან დაკავშირებულ ინფორმაციას არ ასაჯაროებს, თუმცა Forbes-თან საუბრისას, კომპანიასთან დაახლოებული პირი ციფრების სიზუსტეს ადასტურებს.



Grammarly არაა პირველი კომპანია, რომელიც ლიტვინმა და შევჩენკომ ერთად დააარსეს. რეალურად, მათ Grammarly-ის შექმნის იდეა უნივერსიტეტში მათსავე დაფუძნებულმა საწარმომ, MyDropBox-მა შთააგონა. MyDropBox-მა, რომელიც სტუდენტების ნაშრომებში პლაგიატის აღმოჩენისა და პროფესორთა დახმარების მიზნით შეიქმნა, მომავალი მილიარდერები მნიშვნელოვან საკითხზე დააფიქრა: ადამიანების მხრიდან პლაგიატის არჩევის მიზეზი ის ხომ არაა, რომ მათ უბრალოდ უჭირთ იმის გადმოცემა, რაც სურთ. კეთილშობილური მიზნების მიუხედავად, თავდაპირველად MyDropBox-ი სკანდალშიც გაეხვა, როდესაც მას ბრალი სტუდენტებისთვის ნაშრომების მიყიდვის ვებსაიტთან კავშირში დასდეს. თუმცა, როგორც შევჩენკო და ლიტვინი აცხადებდნენ, ისინი არასდროს გაყიდდნენ მათ საიტზე ატვირთულ არცერთ ნაშრომს და ისინი მხოლოდ ქაღალდის ქარხნის ვებგვერდის დასაპროგრამებლად იყვნენ დაქირავებულნი. ამერიკასა და კანადაში გადასვლის შემდგომ მათ გააცოცხლეს MyDropBox-ის იდეა, რომელიც საბოლოოდ საგანმანათლებლო ტექნოლოგიების კომპანია Blackboard-მა შეიძინა.




Grammarly სან-ფრანცისკოში, ათწლეულზე მეტი ხნის წინ დაარსებული კომპანიაა, რომელიც თავდაპირველად Sentenceworks-ის სახელწოდებით მხოლოდ სტუდენტებზე ორიენტირებული სერვისი იყო. თუმცა Grammarly-ის მოქმედების არეალი მალევე გაფართოვდა და განათლების სფეროდან გრამატიკის შემმოწმებელ სერვისად იქცა, რომელიც გამოიყენება როგორც უბრალოდ მეილში, ასევე დოკუმენტებსა და სხვადასხვა ნაშრომში დაშვებული შეცდომის აღმოსაფხვრელად. ბოლო რაუნდამდე კომპანიამ $90 მილიონამდე მოიზიდა ინვესტორებისგან, 2019 წლის მონაცემებით კი მისი ღირებულება მხოლოდ $1 მილიარდს უდრიდა. General Catalyst-ის ხელმძღვანელობით გამართული რაუნდის შემდგომ, კომპანიის ინვესტორებს ბეილი გიფორდი და BlackRock-ი შეუერთდნენ. Grammarly-ის ოფისები სან-ფრანცისკოში, ვანკუვერსა და კიევში მდებარეობს.



აღსანიშნავია, რომ Grammarly-ის უფასო ვერსიები ნებისმიერი მომხმარებლისთვის 2015 წლიდანაა ხელმისაწვდომი, დამატებითი სერვისების მისაღებად კი $12 და $15 გადახდაა საჭირო. კომპანიის განცხადებით, Grammarly, 500,000 აპლიკაციისა და ვებსაიტის დახმარებით, რომელიც სოციალურ მედიას, ვებბრაუზერსა და Microsoft Word-ისაც მოიცავს, ყოველდღიურად 30 მილიონ ადამიანს ემსახურება. კომპანიამ ასევე გამოუშვა დამატებითი პროდუქტები, როგორიცაა, მაგალითად, Grammarly for Business-ი კორპორაციული გამოყენებისთვის. მისი მომხმარებელი არაერთი მსხვილი ორგანიზაციაა, მათ შორის – Zoom-ი, Cosco, Dell-ი და Expedia.


წყარო: forbes.ge


თეგები:
Grammarly



ჩინეთმა ააშენა 3 ავიამზიდი, თუმცა უჭირს შესაბამისი მფრინავების მომზადება

ჩინეთმა ააშენა 3 ავიამზიდი, თუმცა უჭირს შესაბამისი მფრინავების მომზადება
access_time2022-10-02 23:00:51
ჩინეთის საზღვაო ფლოტი, მსოფლიოში მეორე ყველაზე ძლიერი - ორი ავიამზიდი ექსპლუატაციაში შევიდა და მეორე ამოქმედდა ივნისში. შესაბამისად, ჩინეთი ცდილობს დააკმაყოფილოს მოთხოვნილება კვალიფიციურ თვითმფრინავების პილოტებზე, ამბობენ ანალიტიკოსები — აღნიშნულის შესახებ Business...

რომის პაპი პუტინს მოუწოდებს, დაასრულოს „ძალადობის და სიკვდილის ეს სპირალი“

რომის პაპი პუტინს მოუწოდებს, დაასრულოს „ძალადობის და სიკვდილის ეს სპირალი“
access_time2022-10-02 19:00:03
რომის პაპმა ფრანცისკემ მიმართა რუსეთის პრეზიდენტს ვლადიმერ პუტინს ცეცხლის შეწყვეტისთვის, სთხოვა მას „შეაჩეროს ძალადობისა და სიკვდილის სპირალი“ უკრაინაში და დაგმო ბირთვული თავდასხმის „უკონტროლო“ შედეგების „აბსურდული“ რისკი.  რომის პაპმა ფრანცისკემ წარმოთქვა თავისი ყველაზე მკაცრი განცხადება მეშვიდე თვის განმავლობაში არსებული კონფლიქტის შესახებ, რომელიც მან...

ნატოს წევრმა ცხრა ქვეყანამ მხარი დაუჭირა ალიანსში უკრაინის გაწევრიანებას

ნატოს წევრმა ცხრა ქვეყანამ მხარი დაუჭირა ალიანსში უკრაინის გაწევრიანებას
access_time2022-10-02 15:00:07
ნატოს წევრმა ცენტრალური და აღმოსავლეთ ევროპის ცხრა ქვეყნის პრეზიდენტებმა ერთობლივი...

რუსეთმა სამოქალაქო ავიაციის საერთაშორისო ორგანიზაციის მმართველ საბჭოში ადგილი დაკარგა

რუსეთმა სამოქალაქო ავიაციის საერთაშორისო ორგანიზაციის მმართველ საბჭოში ადგილი დაკარგა
access_time2022-10-02 13:00:01
რუსეთმა დაკარგა ადგილი გაეროს მმართველ საბჭოში, რომელიც მხარს უჭერს 193 ქვეყანას შორის სამოქალაქო საჰაერო მიმოსვლის თანამშრომლობასა და კოორდინაციას —  აღნიშნულის შესახებ Bloomberg-ი წერს.  რუსეთმა ვერ მიიღო საკმარისი მხარდაჭერა, რათა...

რუსეთში „SoundCloud“-ის პლატფორმა დაბლოკეს

რუსეთში „SoundCloud“-ის პლატფორმა დაბლოკეს
access_time2022-10-02 11:00:50
SoundCloud-ის ფლატფორმაზე წვდომა შეზღუდულია რუსეთის ფედერაციის გენერალური პროკურატურის მოთხოვნით.  აკრძალვის მიზეზი გაურკვეველი რჩება. არც Roskomnadzor-ს და არც გენერალურ პროკურატურას ამ დრომდე განცხადება არ...


მსგავსი სიახლეები

up