გორში მოსახლეობა საბავშვო ბაღის დაუსრულებელი მშენებლობის გამო უკმაყოფილებას გამოთქვამს

გორში მოსახლეობა საბავშვო ბაღის დაუსრულებელი მშენებლობის გამო უკმაყოფილებას გამოთქვამს

access_time2018-09-14 10:54:44


,,ვითარება არაერთგვაროვანია. ზოგიერთი პროექტი წარმატებითაა დამთავრებული, რაც ძალიან სასიამოვნოა, თუმცა მინდა ხაზი გავუსვა, რომ არის პრობლემური პროექტებიც და არა მარტო გორში. ერთ-ერთი ასეთია სადგურის დასახლებაში მშენებარე საბავშვო ბაღი, რომელმაც მოსახლეობის მართებული უკმაყოფილება გამოიწვია. ეს პროექტი, თავდაპირველი ხელშეკრულებით, 2017 წლის ნოემბერში უნდა დასრულებულიყო, სამწუხაროდ, შემსრულებელმა კომპანიამ სამუშაოები ჯეროვნად ვერ შეასრულა და მასთან კონტრაქტი გაწყდა. ახლა ეს პროექტი, სამინისტროსა და გუბერნატორის ადმინისტრაციაში, განსაკუთრებულ კონტროლზეა აყვანილი. სწორედ იმ მიზნით, რომ ქვეყნის მასშტაბით მიმდინარე ინფრასტრუქტურული პროექტები ვადებში და ხარისხიანად დასრულდეს, მინისტრის, მაია ცქიტიშვილის გადაწყვეტილებით, სამინისტროში მუშაობს მონიტორინგის ჯგუფი, რომელშიც ჩართული არიან, როგორც სამინისტროს წარმომადგენლები, ისე მშენებლები, ექსპერტები, რწმუნებულის ადმინისტრაცია და მუნიციპალიტეტები,“ – განაცხადა რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა.


მისივე თქმით, მონიტორინგი მოიცავს ყველა რეგიონს და გარკვეული პერიოდულობით, შედეგების საზოგადოებისთვის გაცნობა მოხდება.
2018 წელს, საქართველოს მასშტაბით, რეგიონებში განსახორციელებელი პროექტების ფონდიდან 250 მილიონი ლარის 770 ინფრასტრუქტურული პროექტია დაფინანსებული, აქედან, შიდა ქართლში - 20 მილიონი ლარის 40 პროექტი.



ილია ბეგიაშვილმა შიდა ქართლის გუბერნატორთან გიორგი ხოჯევანიშვილთან ერთად გორში, სამხატვრო სკოლის მიმდებარე მოედნის, სტალინის გამზირის მონაკვეთისა და კახნიაშვილის ქუჩის სანიაღვრე წყალარინების სისტემების მოწყობა-რეაბილიტაციის სამუშაოები დაათვალიერა. სამუშაოები, ნაწილობრივ, რეგიონებში განსახორციელებელი პროექტების ფონდიდან ფინანსდება და მისი ღირებულება 712 ათას ლარს შეადგენს. პროექტი დადგენილ ვადებში დასრულდება.


მონიტორინგის ჯგუფმა გორში, თბილისის ქუჩაზე უკვე დასრულებული სამუშაოც დაათვალიერა, რომელიც ასევე ხელშეკრულებით გათვალისწინებულ ვადებში განხორციელდა და პროექტის ღირებულებამ 448 ათასი ლარი შეადგინა.


დღესვე, ადგილზე გაეცნენ ერთ-ერთ პრობლემურ პროექტს, რომელიც სადგურის დასახლებაში საბავშვო ბაღის მშენებლობას ითვალისწინებს. ამ პროექტის ჩამორჩენით შესრულების გამო სამშენებლო კომპანიას ხელშეკრულება შეუწყდა, საბავშვო ბაღის მშენებლობის დასრულების სამუშაოებზე მიმდინარე წლის 30 აგვისტოს გამოცხადდა განმეორებითი ტენდერი, რომელიც სექტემბრის ბოლოს გაიხსნება.






ევროპარლამენტმა საქართველოს შესახებ რეზოლუცია მიიღო

ევროპარლამენტმა საქართველოს შესახებ რეზოლუცია მიიღო
access_time2018-11-14 18:55:47
ევროპარლამენტმა პლენარულ სესიაზე საქართველოს მიერ ასოცირების შეთანხმების შესრულების შესახებ რეზოლუცია 528 ხმით მიიღო. წინააღმდეგ 97 ევროპარლამენტარი წავიდა, ხოლო 34-მა თავი შეიკავა. რეზოლუციაში დადებითადაა შეფასებული ასოცირების, ღრმა და ყოვლისმომცველი თავისუფალი სავაჭრო შეთანხმებების შესრულების პროცესი. ამასთან, ევროპარლამენტი საქართველოს ხელისუფლებას მოუწოდებს განაგრძოს სტაბილურობის, შემდგომი დემოკრატიული რეფორმებისა და ეკონომიკური და სოციალური გაუმჯობესების...

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია
access_time2018-11-14 19:11:19
იუსტიციის საბჭოს არა მოსამართლე წევრი ანა დოლიძე ევროპარლამენტის ანგარიშის პროექტს ეხმიანება და სრულად ეთანხმება დოკუმენტში ხაზგასმულ ყველა პრობლემასა თუ რეკომედანციას. დოლიძე დარწმუნებულია, რომ ელიტური კორუფცია სერიოზულ პრობლემად რჩება და ხელისუფლება არსებულ გამოწვევებს ადეკვატურად არ პასუხობს. ქვეყანაში არსებული მწვავე მდგომარეობის ერთ-ერთ სათავეს კი ანა დოლიძე კონკურენციის სააგენტოში ხედავს. მეტიც, იუსტიციის საბჭოს არა მოსამართლე წევრი...

რუსული ნავთობის წინააღმდეგ შესაძლოა სანქციები ამოქმედდეს

 რუსული ნავთობის წინააღმდეგ შესაძლოა სანქციები ამოქმედდეს
access_time2018-11-14 20:00:00
„აშშ-მ შესაძლებელია რუსულ ნავთობზე სანქციები დააწესოს“ — ბრიტანული კომპანია  Facts Global Energy (FGE), რომელიც ნავთობისა და გაზის ბაზარს შეისწავლის, თავის მომხმარებელს აფრთხილებს. ექსპერტები რუსული ნავთობის წინაამღდეგ  სანქციების ამოქმედებას პროგნოზირებენ. უფრო ზუსტად,  კომპანიაში მიაჩნიათ, რომ  შეზღუდვების ახალი პაკეტი შესაძლებელია ითვალისწინებდეს აშშ-ში ნებისმიერი რუსული პროდუქციის იმპორტის აკრძალვას, მათ შორის...

ლაშა ქორიძე: საქართველო გახდება ნავთობ და პეტროქიმიური პროდუქტების ექსპორტიორი ქვეყანა

ლაშა ქორიძე: საქართველო  გახდება ნავთობ და პეტროქიმიური პროდუქტების ექსპორტიორი ქვეყანა
access_time2018-11-14 18:00:04
 ბაზრის კონიუნქტურიდან გამომდინარე, არ არსებობს არგუმენტი, რომელიც ხელს შეუშლის სუფსის პეტროქიმიური კომპლექსის სრულფასოვან მუშაობას, - ასეთია ვარლეი პარსონს/ადვიზიანის და არგუს მედია ლიმითედის დასკვნა, რომლის მიხედვითაც 2050 წლამდე სუფსის ნავთობგადამამუშავებელი და პეტროქიმური კომპლექსის პროდუქციაზე უწყვეტი მოთხოვნა იქნება. გავლენიანი საერთაშორისო ორგანიზაციების დასკვნის საფუძველზე კომპანია „ სუფსის ნავთობგადამამუშავებელი პეტროქიმიური კომპლექსი” (SRPC) 3 მილიარდიანი...

შემდეგი ეტაპი: Tesla მსოფლიოს წინააღმდეგ

შემდეგი ეტაპი: Tesla მსოფლიოს წინააღმდეგ
access_time2018-11-14 21:00:00
Tesla ელექტრომობილების ბაზარზე დომინაციას განაგრძობს - ელექტრომობილების მწარმოებელმა კომპანიამ მსოფლიოში 500,000-ზე მეტი ავტომობილი გაყიდა, რაც, Navigant Research-ის მიხედვით, მსოფლიოში გაყიდული ელექტრომობილების 20%-ს წარმოადგენს. აშშ-ის ბაზარზე Tesla გაცილებით მეტ ავტომობილს ყიდის, ვიდრე Nissan Leaf, GM Chevy Bolt და სხვ. თუმცა დიდი ალბათობით, მომდევნო წლებში Tesla-ს გაცილებით რთულ კონკურენტუნარიან გარემოში მოუწევს...


მსგავსი სიახლეები

up