გორის მუნიციპალიტეტის მერიამ რუსული წარმოების მანქანები და სპორტული ინვენტარი შეიძინა

გორის მუნიციპალიტეტის მერიამ რუსული წარმოების მანქანები და სპორტული ინვენტარი შეიძინა

access_time2020-03-03 11:00:55

გორის მუნიციპალიტეტის მერიამ გასული წლის ბოლოს 91 543 ლარის სპორტული ინვენტარი შეიძინა. კონკრეტულად კი ფიტნესის ტრენაჟორები, რომლებიც, 2019 წლის ოქტომბერ-ნოემბერში, გორში ორ ლოკაციასა (ახალბაღის სკვერი და ღამბარაულის ქუჩა) და 4 სოფელში (ქვახვრელი, სობოსი, ტყვიავი, ძევერა) დაამონტაჟა. სპორტული ინვენტარის შესაძენად ორ კომპანიასთან გააფორმა ხელშეკრულება: 38 077 ლარის ღირებულების ხელშეკრულებები შპს „გეო-გრინს“ გაუფორმა, 53466 ლარის ღირებულების ხელშეკრულებები კი- შპს „ექსიმ მეიდს“.


რამდენიმე თვით ადრე გორის მუნიციპალიტეტის მერიამ ორი ქუჩის მოსარეცხი და ნარჩენის გასატანი მანქანა, სამი მცირე და ერთი საშუალო ტევადობის, ტენდერში გამარჯვებული კომპანია „სტრადასგან“ 710 994 ლარად შეიძინა.


დასახელებული კომპანიები საქართველოშია რეგისტრირებული ( „ექსიმ მეიდის“ ერთ-ერთი მფლობელი თურქი ბიზნესმენი იუსიფ თაშქირანია), თუმცა მითითებულ ტენდერების ფარგლებში შეძენილი ინვენტარი და ტექნიკა რუსული წარმოებისაა.


ანალიზი


გორის მუნიციპალიტეტის საკრებულოს წევრი „ერთიანი ნაციონალური მოძრაობიდან“ ბექა ქორჩილავა აცხადებს, რომ გორის მერია ადგილობრივი ბიუჯეტის თანხებით რუსული წარმოების ტექნიკას ყიდულობს და ამით ოკუპანტი ქვეყნის შემოსავლებს ზრდის. ქორჩილავა, მისივე განცხადების დასტურად, რამდენიმე მაგალითს ასახელებს. „გორის მუნიციპალიტეტის მერიამ შეიმუშავა სტრატეგია, თუ როგორ გაამდიდროს ოკუპანტი და დააფინანსოს ჩვენი ქვეყნის ოკუპაცია. ადრე ავტომობილები შეიძინეს რუსული წარმოების, ახლა უკვე ღია სატრენაჟორო დარბაზისთვის ინფრასტრუქტურა შეიძინეს ოკუპანტი ქვეყნიდან-რუსეთიდან. ჩვენი ქვეყნის ოკუპაციას გორის მუნიციპალიტეტის მერია აფინანსებს ჩვენივე ხელით“, - აღნიშნა ბექა ქორჩილავამ.



გორის მერმა ამ განცხადებას მალევე უპასუხა და განმარტა, რომ ტენდერში გამარჯვებული კომპანიები ხელშეკრულებით მოთხოვნილ საგანს დამოუკიდებლად არჩევენ და შეძენის პროცესი მუნიციპალიტეტისგან დამოუკიდებლად ხორციელდება. „მე ხომ არ ვყიდულობ, მე ტენდერს ვაცხადებ. ადამიანი, ვინც ყიდულობს უფრო იაფად, რუსული იქნება თუ სხვა ქვეყნის იმას ყიდულობს იაფად, ტენდერიც ეს არის. გამარჯვებულია, ის ვინც იაფად დადებს თანხას, იაფად შეიძენს. გამარჯვებულს ჩვენ არ ვავლენთ, მაშინ სახელმწიფოს აკრძალული უნდა ჰქონდეს, რომ არაფერი რუსული არ შემოვიდეს ქვეყანაში.“ - აცხადებს კონსტანტინე თავზარაშვილი.


ტენდერში გამარჯვების შემდეგ, ქუჩის მოსარეცხი, ნარჩენის გასატანი მანქანები შპს სტრადამ შეიძინა, მანქანები რუსული წარმოების აღმოჩნდა. კომპანიის წარმომადგენლები მედიასთან არ საუბრობენ, თუ სად/როგორ შეიძინეს ტექნიკა, რისთვისაც ადგილობრივი ბიუჯეტიდან 710 994 ლარი მიიღეს. შეძენილი მანქანების დოკუმენტაციაში მწარმოებელ ქვეყნად ,,რუსეთის ფედერაცია/GAZ Group" არის მითითებული. აღნიშნული კომპანია კი ე.წ. გორკის ავტოქარხნითაა ცნობილი.


კომპანია „GAZ Group"-ი რუსეთის 7 რეგიონში 13 სტრუქტურულ ერთეულს აერთიანებს და კომერციული ავტომობილების სეგმენტში ბაზრის ლიდერად ითვლება.


რაც შეეხება ტრენაჟორებსა და სპორტულ ინვენტარს, რომლებიც ასევე ტენდერში გამარჯვებულმა კომპანიებმა შეიძინეს, ირკვევა, რომ შპს „ექსიმ მეიდის“ და „გეო-გრინის“ მიერ შეძენილი სპორტული ინვენტარი რუსეთშია დამზადებული. უფრო კონკრეტულად კი სპორტულ ინვენტარზე აღნიშნულია, რომ ინვენტარი, 2019 წელს რუსეთში, ჩუვაშეთის რესპუბლიკაში დაამზადეს.


ოფიციალური ინფორმაციის მიხედვით, 2019 წლის ბოლოს, გორის მერიამ ტენდერში გამარჯვებულ კომპანიებს, რომლებმაც მუნიციპალიტეტი რუსული წარმოების ტექნიკითა და სავარჯიშო ინვენტარით უზრუნველყვეს, ჯამში 802 537 ლარი გადაუხადა.


წყარო: factchek.ge





ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო
access_time2020-09-23 10:30:22
საქართველოს ნავთობისა და გაზის კორპორაცია ევროპის რეკონსტრუქციისა და განვითარების ბანკისგან 217 მილიონ ევროს მიიღებს, რომელიც ევროობლიგაციების რეფინანსირებისთვის გამოიყო. სესხის ხელშეკრულება საქართველოს ნავთობისა და გაზის კორპორაციის მიერ ლონდონის საფონდო ბირჟაზე განთავსებული 250 მილიონი აშშ დოლარის ღირებულების ევროობლიგაციების სრულ რეფინანსირებას ითვალისწინებს. არსებული ევროობლიგაციები კორპორაციამ  2016 წელს 5 წლის ვადით განათავსა და გრაფიკის მიხედვით იგი სრულად 2021 წლის აპრილში უნდა...

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე
access_time2020-09-23 14:40:33
„ექიმი ვახტანგ ყიფიანი  არის ჯანდაცვის მინისტრის ეკატერინე ტიკარაძის პირადი პატიმარი - ასე  გამოეხმაურა პარტია „ლელოს“ ვაკის ოლქის მაჟორიტარობის კანდიდატი ლევან კობერიძე ექიმ ვახტანგ ყიფიანის პატიმრობას. კობერიძის განმარტებით ექიმი ვახტანგ ყიფიანი უკანონო პატიმრობაში იმყოფება. „მინდა  უბრალოდ კონცენტრაცია გავაკეთო ჩვენი კოლეგების კოლეგის ვახტანგ  ყიფიანის უკანონო პატიმრობასთან დაკავშირებით. თქვენ იცით ეს შემთხვევა, ბატონი ვახტანგი ბოლო...

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...


მსგავსი სიახლეები

up