რამდენიმე დღის წინ Google-მა Android-ის პლანშეტებისთვის ახალი, საბავშვო რეჟიმი Google Kids Space წარადგინა. პირველი მოდელი, რომელზეც პროგრამის დაყენება შესაძლებელია Lenovo Tab M10 Gen 2 იქნება, ის გაყიდვაში შემოდგომაზე გამოვა.
კომპანია იმედოვნებს, რომ Android-ზე მომუშავე სხვა პლანშეტების მწარმოებლები ამ პროექტს შეუერთდებიან.
Google Kids Space ბავშვებს სპეციალურ შემეცნებით-გასართობ კონტენტს სთავაზობს. ყველა სერვისი საბავშვო ფსიქოლოგების და პედიატრების მიერ მოწონებულია. პროგრამა ასევე ბავშვის მიერ სხვა დამატებების და პროგრამების დაყენებას მშობლების გარეშე გამორიცხავს, ამით Google ბავშვების არასასურველი კონტენტისგან დაცვას ცდილობს.
საბავშვო პროგრამის შექმნა მაღალტექნოლოგიური კომპანიების მხრიდან საბავშვო აუდიტორიისადმი ზრდად ინტერესზე მეტყველებს. მსგავს სერვისს ბავშვებს Samsung და Xiaomi-იც სთავაზობენ.
ეპოქაში, როდესაც ბავშვები სიარულზე ადრე პლანშეტების და სმარტფონების გამოყენებას სწავლობენ, სპეციალიზირებული საბავშვო პროდუქტები არც თუ ისე ბევრია. შექმნილ სიტუაციაში უფრო თამამები, დამოუკიდებელი მოთამაშეები არიან, რომლებიც YouTube-ზე ასობით თამაშს, სასწავლო-გასართობ პროგრამას და საბავშვო ვიდეობლოგს ანთავსებენ.
ზოგიერთ საბავშვო ბლოგს YouTube-ში ათობით მილიონი ხელმომწერი ჰყავს, მაშინ როდესაც ოპრა უინფრის 4,5 მლნ. ხოლო სპორტულ არხ ESPN — 7,2 მლნ.ექსპერტების აზრით, მსოფლიოში ყველაზე პოპულარული ვიდეობლოგების სამეულში ასევე 2 - საბავშვოა. გარდა ამისა, სერვის TikTok-ის ნახტომისებრ ზრდას ხელი მისმა პოპულარობამ ბავშვებსა და მოზარდებს შორის შეუწყო.
ბავშვების მოზიდვის და არასასურველი კონტენტისგან დაცვის რთული, მაგრამ ამავე დროს მომგებიანი ამოცანა ბევრ დიდ კომპანიას ბავშვების და მათი მშობლების ინტერესებზე მორგებას აიძულებს. სწორედ ამითაა გამოწვეული საბავშვო ბაზარზე ისეთი გიგანტების გამოჩენა, როგორც Google, Samsung და Xiaomi.
პარალელურად სხვა გზით მიდის Amazon, რომელიც სპეციალური საბავშვო პლანშეტებს და ელექტრონულ წიგნებს უშვებს. 2014 წლიდან პლანშეტების სერია Fire Kids Edition გამოუშვა, ხოლო 2019 წლის სექტემბერში - საბავშვო ელექტრონული წიგნი Kindle Kids Edition. ჩვეულებრივი Kindle-სგან საბავშვო ვერსია ჩატვირთული საბავშვო წიგნების ასორტიმენტით, აკუმლატორის გამძლეობის უფრო დიდი რესურსით და საგარანტიო რემონტის გახანგძლივებული ვადით განსხვავდება.
აუდიტორული კომპანის PwC-ის მონაცემებით, საბავშვო ციფრული რეკლამის ზრდამ 2018-2021 წლებში 20%-ს გადააჭარბებს და 2021 წელს 1,7 მლრდ. დოლარს მიაღწევს.
Kommersant.ru
თენგიზ აბლოთია