Google-ი: ავსტრალიაში საძიებო სისტემას დავბლოკავთ, თუ მედიაკონტენტისთვის გადახდა მოგვიწევს

Google-ი: ავსტრალიაში საძიებო სისტემას დავბლოკავთ, თუ მედიაკონტენტისთვის გადახდა მოგვიწევს

access_time2021-01-25 13:50:00

Google-ი აცხადებს, რომ ავსტრალიაში დაბლოკავს თავის საძიებო სისტემას, თუ იქაური მთავრობა დაამტკიცებს ახალ კანონს, რომლის მიხედვითაც, მაგალითად Google-ს და Facebook-ს მოუწევს მედიაკომპანიებს გადაუხადონ მათი კონტენტის გამოყენების უფლებისთვის.



კერძოდ, ავსტრალიაში მუშაობენ რეგულაციებზე, რომელიც უცხოურ ტექნოლოგიურ კომპანიებს დაავალდებულებს მოლაპარაკებები აწარმოონ გადახდის სისტემაზე ადგილობრივ გამომცემლებთან და მაუწყებლებთან. ხოლო თუ მხარეები ვერ მიაღწევენ შეთანხმებას, შემდეგ უკვე მთავრობის მიერ დანიშნული არბიტრი გადაწყვეტს ფასს.



„თუ ეს კანონპროექტი კანონი გახდება, მაშინ არაერთი უმართავი ფინანსური და საოპერაციო რისკის წინაშე ვდებით ავსტრალიაში, ეს კი არჩევანს არ დაგვიტოვებს და იძულებული გავხდებით იქ Google-ის საძიებო სისტემის მუშაობა შევაჩეროთ“, - განაცხადა Google-ის მმართველმა დირექტორმა ავსტრალიასა და ახალ ზელანდიაში.




ამ განცხადებას ავსტრალიის პრემიერ-მინისტრის გამოხმაურება მოჰყვა. სკოტ მორისონმა განაცხადა, რომ ავსტრალიაში კანონებს ქმნის თავად ავსტრალია.



„მათ, ვისაც სურს ავსტრალიაში მუშაობა, მივესალმებით, თუმცა, ჩვენ მუქარებს არ ვპასუხობთ“, - განაცხადა მორისონმა.



ცნობისთვის, ავსტრალიამ ახალი კანონმდებლობის შესახებ გასულ თვეს განაცხადა, მას შემდეგ რაც აღმოაჩინეს რომ Google-ს და Facebook-ს მედიაინდუსტრიაში ძალიან დიდი საბაზრო ძალაუფლება ჰქონდა, რაც მათი თქმით, საფრთხეს უქმნის დემოკრატიას.



forbes.ge





თეგები:
Google



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up