„GOODWILL-ის რეაბილიტაციის პროცესის მართვის მომსახურების გაწევა ჩვენი ერთ–ერთი რიგითი პოტენციური პროექტია“

„GOODWILL-ის რეაბილიტაციის პროცესის მართვის მომსახურების გაწევა ჩვენი ერთ–ერთი რიგითი პოტენციური პროექტია“

access_time2017-02-17 10:20:53

„გუდვილის რეაბილიტაციის პროცესის მართვის მომსახურების გაწევა ჩვენი ერთ–ერთი რიგითი პოტენციური პროექტია"-ამის შესახებ აუდიტორული კომპანია „ნექსიაში" რამდენიმე დღის წინ მედიაში გაჟღერებული ინფორმაციის საპასუხოდ აცხადებენ. საუბარია სს „გუდვილში" ამჟამად მოქმედი რეაბილიტაციის მმართველის („ბიზნეს ქეარ კრპორეიშენი" - ნოდარ პაპუკაშვილი) შპს „ნექსია თიეი"-ით შესაძლო შეცვლის საკითხზე.


გასული კვირის ბოლოს თბილისის საქალაქო სასამართლოს სამოქალაქო საქმეთა კოლეგიის მოსამართლე ჭუნიაშვილმა, რომელიც ს.ს. „გუდვილის" გადახდისუნარიანობის საქმეს აწარმოებს, „გუდვილის" კრედიტორთა ნაწილის განცხადებას, კრედიტორთა რიგგარეშე კრების მოწვევის თაობაზე, უარით უპასუხა.



იმ შემთხევევაში, თუ რიგგარეშე კრება დაინიშნებოდა, დღის წესრიგის თანახმად, მას რეაბილიტაციის მმართველის შეცვლის საკითხზე უნდა ემსჯელა და შესაბამისად, ახალ მმართველსა და დირექტორს შორის უფლებამოვალეობაც ხელახლა უნდა განესაზღვრა და დაემტკიცებინა. ანუ, ამ გეგმის განხორციელების შემთხვევაში, „გუდვილის" მართვაში ხავერდოვანი გადატრიალება მოხდებოდა.


„კომერსანტი" დაინტერესდა რატომ მონაწილეობს ცნობილი აუდიტორული კომპანია "ნექსია" ისეთ  საეჭვო გარიგებაში, როგორიც არის რამდენიმე კრედიტორის მხრიდან "გუდვილის" ხელში ჩაგდების მცდელობა?


„კომერსანტის" კითხვას „ნექსიაში" სპეციალური განცხადებით უპასუხეს, რომელსაც უცვლელად გთავაზობთ: „პირველ რიგში გაცნობებთ, შპს " ნექსია თი ეი" არის მსოფლიოს აუდიტორული კომპანიების დიდ ათეულში შემავალი ნექსია ინთერნეიშენალის ოფიციალური წარმომადგენლობაა საქართველოში. ნექსიას ქსელი მსოფლიოს 110-ზე მეტ ქვეყანაში 600-ზე მეტ ოფისს აერთიანებს, აღნიშნული გლობალური ქსელის უპირატესობას წარმოადგენს ის გარემოება, რომ ქსელის წევრ კომპანიებში ხდება ერთმანეთისთვის საერთაშორისო გამოცდილების გაზიარება, მათ შორის საკონსულტაციო მომსახურების ნაწილში, რომლის ერთ-ერთი მიმართულება არის რეაბილიტაციის მართვის მომსახურების გაწევა.


როგორც მოგესხსენებათ, მოქმედი კანონმდებლობის მიხედვით „გადახდისუუნარობის საქმის წარმოების შესახებ" რეაბილიტაციის მმართველის არჩევის დისკრეცია გააჩნიათ კრედიტორებს. კრედიტორებმა მიმართეს მსოფლიოს საუკეთესო ათეულში შემავალ აუდიტორულ კომპანიებს მათ შორის შპს „ნექსია თი ეის" გუდვილის რეაბილიტაციის პროცესის მართვის მომსახურების გაწევასთან დაკავშირებით. ჩვენი კომპანიისთვის აღნიშნული მომსახურების გაწევა წარმოადგენს ერთ–ერთ რიგით პოტენციურ პროექტს. როგორც სხვა აუდიტორულ კომპანიებმა, „ნექსია თიეიმაც" წარადგინა კომერციული წინადადება აღნიშნულ მომსახურებასთან დაკავშირებით. ჩვენთვის ცნობილი გახდა კრედიტორებმა მხარი დაუჭირეს ნექსიას წინადადებას.


სრული პასუხისმგებლობით შეგვიძლია განგიცხადოთ, რომ შპს „ნექსია თი ეი" წარმოადგენს როგორც ს.ს გუდვილისგან, ასევე კრედიტორთაგან დამოუკიდებელ და მიუკერძოებელ, მაღალი პროფესიული კვალიფიკიციისა და შესაბამისი რეპუტაციის მქონე აუდიტორულ კომპანიას.

რაც შეეხება კითხვას ე.წ. „საეჭვო გარიგების“ შესახებ: მოცემულ საკითხთან დაკავშირებით, კომპანია შპს ,,ნექსია თი ეი“-სათვის გაუგებარია, თუ რა იგულისხმება ე.წ. „საეჭვო გარიგებაში“ და აქედან გამომდინარე, აღნიშნულ საკითხზე შეუძლებელია რაიმე კომენტარის გაკეთება.


დამატებით მოგახსენებთ, რომ სს „გუდვილი"-ს რეაბილიტაციასთან დაკავშირებით საპროცესო ხელმძღვანელობას ახორციელებს სასამართლო, შესაბამისად, სასამართლოს მიერ კრედიტორთა კრების მოწვევასა და აღნიშნულ საკითხთან დაკავშირებით კრედიტორების მიერ საბოლოო გადაწყვეტილების მიღებამდე, აღნიშნულ საკითხზე მსჯელობისას დიდი სიფრთხილეა საჭირო, რათა არ დაზარალდეს რეაბილიტაციის რეჟიმში მყოფი საწარმოს ინტერესები"-აცხადებენ „ნექსიაში".


ავტორი: სოფო ქსოვრელი 

 



Liberation: მსოფლიო შიმშილის პანდემიის ზღვარზეა

Liberation: მსოფლიო შიმშილის პანდემიის ზღვარზეა
access_time2020-05-31 14:00:14
მდიდარ და ღარიბ ქვეყნებში, ლათინურ ამერიკაში, ინდოეთში, პაკისტანში, აფრიკაში, ევროპაში  - ღარიბი ადამიანები, რომლებიც პანდემიის გამო კიდევ უფრო ღარიბები გახდნენ, კარანტინს, იზოლაციას, და ეკონომიკის გაჩერებას სულ უფრო აქტიურად აპროტესტებენ. მთელს მსოფლიოში სასურსათო დახმარებაზე მომუშავე ორგანიზაციები ღარიბთა მხრიდან უფასო კვებაზე მოთხოვნის ზრდაზე საუბრობდნენ. მდიდარ საფრენგეთში კი, უფასო სასადილოებში ღარიბების და...

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება
access_time2020-05-31 12:30:54
შავ ზღვაზე საქართველო პანდემიისგან საკურორტო თავშესაფრად სახელდება – ამ სათაურით სტატიას გამოცემა...

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს
access_time2020-05-31 10:00:08
ევროპის 20 ყველაზე უსაფრთხო სამოგზაურო მიმართულებაზე European Best Destinations-ის მიერ გამოქვეყნებულ რეიტინგში თბილისი პირველ ადგილს იკავებს. „კოვიდ 19“-ის თვალსაზრისით, ყველაზე უსაფრთხო მიმართულებად ევროპაში სწორედ თბილისი...

ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...


მსგავსი სიახლეები

up