გოგიტა თოდრაძე - 2020 წლის სექტემბრის თვეში საერთაშორისო ვიზიტორების ვიზიტების რაოდენობა დაახლოებით 15-ჯერ შემცირდა

გოგიტა თოდრაძე - 2020 წლის სექტემბრის თვეში საერთაშორისო ვიზიტორების ვიზიტების რაოდენობა დაახლოებით 15-ჯერ შემცირდა

access_time2020-10-30 14:10:46

2020 წლის სექტემბრის თვეში დაახლოებით 15-ჯერ შემცირდა საერთაშორისო ვიზიტორების მიერ განხორციელებული ვიზიტების რაოდენობა. აქედან გამომდინარე, მნიშვნელოვნად შემცირდა ტურისტული სააგენტოების, ტურისტული ოპერატორების, ასევე, დაჯავშნის მომსახურებით დაკავებული კომპანიების ბრუნვის მოცულობა, – ამის შესახებ საქსტატის აღმასრულებელმა დირექტორმა, გოგიტა თოდრაძემ ბრიფინგზე განაცხადა.



მისივე თქმით, კლების ტენდენცია შეინიშნება მშენებლობის, ასევე – ხელოვნების, დასვენებისა და გართობის სექტორებში.



„სასტუმროების და რესტორნების სექტორში შემოსავლების კლება ძირითადად დაკავშირებულია საერთაშორისო ვიზიტორების რაოდენობის შემცირებასთან. დაახლოებით, 15-ჯერ შემცირდა საერთაშორისო ვიზიტორების მიერ განხორციელებული ვიზიტების რაოდენობა. აქედან გამომდინარე, მნიშვნელოვნად შემცირდა ტურისტული სააგენტოების, ტურისტული ოპერატორების, ასევე, დაჯავშნის მომსახურებით დაკავებული კომპანიების ბრუნვის მოცულობა.



მშენებლობის სექტორში კვლავ კლების ტენდენცია შეინიშნება. ძირითადად, სამოქალაქო და სპეციალიზებული სამშენებლო სამუშაოების შესრულების მიმართულებით როგორიცაა ელექტროტექნიკური და სამონტაჟო სამუშაოები, წყალგაყვანილობის, გათბობის და ჰაერის კონდიცირების სისტემის მონტაჟი.




კლების ტენდენცია შეინიშნებოდა ხელოვნების, დასვენების და გართობის სექტორში, რომლის ძირითადი გამომწვევი მიზეზიც აზარტულ თამაშებთან დაკავშირებული კომპანიების ბრუნვის მოცულობის შემცირებაა“, – განაცხადა თოდრაძემ.



ამასთან, სექტემბრის თვეში ეკონომიკური ზრდის მაჩვენებლებზე საუბრისას საქსტატის აღმასრულებელმა დირექტორმა აღნიშნა, რომ დადებითი ტენდენციები შეინიშნებოდა სამთო-მოპოვებითი მრეწველობის სექტორში, ასევე – საფინანსო სექტორში.



„დამამუშავებელი მრეწველობის სექტორში ზრდა ძირითადად უკავშირდება თუჯის, ფოლადის, ფეროშენადნობებისა და ლითონის მზა ნაწარმის წარმოების მოცულობის მატებას. ასევე, საკვები პროდუქტებისა და სასმელების წარმოების მოცულობის მატებას. 26%-ით გაიზარდა მანგანუმის ექსპორტის მაჩვეებელი. 33%-ით გაიზარდა მინერალური წყლების, ხოლო 14%-ით ყურძნის ნატურალური ღვინოების ექსპორტის მოცულობა.



დადებითი ტენდენციები შეინიშნებოდა სამთო-მოპოვებითი მრეწველობის სექტორში, რაც ძირითადად დაკავშირებული იყო ფერადი ლითონების მადნების მოპოვების ზრდასთან, ვაჭრობის დარგში ზრდა ძირითადად განაპირობა საცალო და საბითუმო ვაჭრობის დარგში ზრდამ. გაზრდილია ასევე ვაჭრობის მოცულობა ფარმაცევტული პროდუქტებით საყოფაცხოვრებო ტექნიკით, ავეჯით და გარკვეული კატეგორიის სამშენებლო მასალებით.



საფინანსო სექტორში ზრდის მიზეზად სახელდება კომერციული ბანკების საპროცენტო შემოსავლების ზრდა, რაც შეიძლება დაკავშირებული იყოს ფიზიკური პირების დაკრედიტების ზრდასთან. ტრანსპორტში კლება მეტწილად განაპირობა საჰაერო ტრანსპორტის შეზღუდულმა ფუნქციონირებამ და შესაბამისად, კლების ტენდენცია გამოვლინდა ასევე სახმელეთო ტრანსპორტის მიმართულებითაც, როგორც საავტომობილო, ასევე, სარკინიგზო ტრანსპორტის სექტორებში“, – განაცხადა გოგიტა თოდრაძემ.




1tv.ge







27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up