გოდერძის კურორტზე საინვესტიციო ფორუმი 2 აპრილს გაიმართება

გოდერძის კურორტზე საინვესტიციო ფორუმი 2 აპრილს გაიმართება

person access_time2016-03-30 09:50:53

გოდერძის კურორტზე საინვესტიციო ფორუმი 2 აპრილს გაიმართება. ამის შესახებ საქართველოს ეკონომიკისა და მდგრადი განვითარების  სამინისტროს შპს „მთის კურორტების განვითარების კომპანიის" ხელმძღვანელმა სანდრო ონოფრიშვილმა „კომერსანტთან" განაცხადა. 

 

მისი თქმით, სწორედ ეს გახდება საფუძველი იმისა, რომ კურორტით დაინტერესდნენ როგორც ადგილობრივი, ისე უცხოელი ინვესტორები.


აღსანიშნავია, რომ ფორუმი თებერვალში უნდა ჩატარებულიყო, თუმცა, ცუდი ამინდების გამო ამ დრომდე ვერ მოხერხდა.


ონოფრიშვილის განცხადებით, ფორუმი ეკონომიკის მინისტრის, დიმიტრი ქუმსიშვილის პატრონაჟით გაიმართება და მასში მონაწილეობას როგორც ადგილობრივი, ისე უცხოელი ბიზნესმენები მიიღებენ. მისი თქმით, თარიღი შეთანხმებულია ეკონომიკის სამინისტროსთან და თუ ამინდი საგრძნობლად არ გაუარესდა, აღარაფერი შეიცვლება.

 

მისივე განცხადებით, აუცილებელია მოხდეს კურორტის პოტენციალის გაცნობა, ასევე იმის ჩვენება, თუ რა გააკეთა სახელმწიფომ კურორტის განვითარებისთვის და რა დახმარებას გაუწევს ის კერძო სექტორს იმ შემთხვევაში, თუ „გოდერძის" კურორტში ინვესტირებას განახორციელებენ.



ონოფრიშვილი მიმდინარე წლის დასაწყისში „კომერსანტთან" აცხადებდა, რომ მაღალმთიანი აჭარის კურორტზე ინვესტიციების განხორციელებას მისასვლელი გზის რეაბილიტაციაც დაეხმარებოდა.

 

„პრემიერმინისტრის დავალებით, ინფრასტრუქტურის სამინისტრო მუშაობს ხულო-ზარმის გზის რეაბილიტაციის პროექტზე. სამინისტროსგან ველოდებით დასტურს და ვიმედოვნებთ, რომ გზის სამშენებლო სამუშაოები გაზაფხულზე დაიწყება. კურორტზე რეალურად გზის ეს მონაკვეთი ქმნის პრობლემას. რეაბილიტირების შემდეგ, ინვესტორების მხრიდან ინტერესი კიდევ უფრო გაიზრდება. აღნიშნული პროექტით, ზამთარში აღარ დაიკეტება ახალციხის მიმართულება და კურორტზე თბილისელებიც 3.5 საათში შეძლებენ მოხვედრას,"-აცხადებდა ონოფრიშვილი.


მისი ინფორმაციით, გოდერძის კურორტზე იმაზე მეტი დამსვენებელი ჩავიდა, ვიდრე გეგმაში იყო.


კურორტი გოდერძი 2015 წლის დეკემბერში გაიხსნა. კურორტი გათვლილია დასავლეთ საქართველოში მცხოვრებ მოსახლეობაზე, ასევე, უცხოელ ტურისტებზე.


კურორტზე ამ ეტაპზე განთავსებულია 7 საცხოვრებელი სასტუმროს ტიპის კოტეჯი, ასევე ერთი სასტუმრო და ადმინისტრაციული სახლი. კურორტის განვითარება 2011 წლიდან დაიწყო და ის ცენტრალური ბიუჯეტიდან 23 მილიონი ლარით დაფინანსდა. გარდა ამისა, საბაგირო გზებისთვის ავსტრიის მთავრობისგან 10.9 მილიონი ევროს შეღავათიანი სესხია გამოყოფილი.

 

საბოლოო გეგმის მიხედვით კურორტმა 7 ათასი დამსვენებლის ერთდროულად მიღება უნდა შეძლოს.



ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...

გერმანიაში 2038 წლისთვის ქვანახშირის ყველა ელექტროსადგურს დაკეტავენ

გერმანიაში 2038 წლისთვის ქვანახშირის ყველა ელექტროსადგურს დაკეტავენ
access_time2020-07-04 11:30:07
გერმანიაში 2038 წლისთვის ქვანახშირის ყველა ელექტროსადგურს...

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

როგორ შეიცვალა უძრავი ქონების ბაზარი ბათუმში - Cushman & Wakefield-ის კვლევა

როგორ შეიცვალა უძრავი ქონების ბაზარი ბათუმში - Cushman & Wakefield-ის კვლევა
access_time2020-07-04 10:00:40
მაისში ბათუმში საცხოვრებელი უძრავი ქონების გაყიდვები წინა წლის იმავე თვესთან შედარებით 75%-ით შემცირდა - ამის შესხებ აღნიშნულია უძრავი ქონების საკონსულტაციო კომპანია Cushman & Wakefield-ის მიერ გამოქვეყნებული ანგარიშში. როგორ კვლევაშია აღნიშნული, COVID-19-ის მიერ გამოწვეულმა სირთულეებმა ბათუმის საცხოვრებელ ბაზარზე მნიშვნელოვანი ნეგატიური გავლენა იქონია. ამას დაემატა ტურისტული ნაკადის მკვეთრი შემცირება, რაც ბათუმის აპარტამენტების გაყიდვების ყველაზე დიდ შემოსავალს...


მსგავსი სიახლეები

up