გლობალური სატელეკომუნიკაციო კომპანია, Oneweb-ი საქართველოში ციფრული ეკოსისტემის განვითარებას სილქნეტთან პარტნიორობით განახორციელებს

გლობალური სატელეკომუნიკაციო კომპანია, Oneweb-ი საქართველოში ციფრული ეკოსისტემის განვითარებას სილქნეტთან პარტნიორობით განახორციელებს

access_time2020-02-09 13:05:45

 პარტნიორობის მიზანი რევოლუციური, კოსმოსური კავშირგაბმულობის ქსელის შექმნაა. ამის თაობაზე კომპანია Oneweb-ი თავის ვებ გვერდზე იტყობინება: „Oneweb-მა პარტნიორობა დაამყარა კომპანია სილქნეტთან, საქართველოში მაღალი სიჩქარის სატელიტური ინტერნეტის უზრუნველყოფაზე“.

 

აღნიშნული პარტნიორობის შესახებ დავოსის მსოფლიო ეკონომიკური ფორუმის მსვლელობსას მედიაში არაერთხელ გაჟღერდა ინფორმაცია. 22 იანვარს, ფორუმის ფარგლებში, სილქნეტის სამეთვალყურეო საბჭოს თავმჯდომარემ, გიორგი რამიშვილმა და OneWeb-ის აღმასრულებელმა დირექტორმა, ადრიან სთექელმა, ხელი მოაწერეს საქართველოში და კავკასიის რეგიონში პარტნიორობის შეთანხმებას.

OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი დაყოვნების ინტერნეტ-კავშირი ყველგან და ყველასთვის, დედამიწის ნებისმიერ წერტილში.  ეს, თავის მხრივ, მეტ შესაძლელობებს შექმნის როგორც ინდუსტრიული, ასევე ბიზნესის განვითარების მხრივ ქვეყანაში.

OneWeb-ის მეშვეობით სილქნეტს საშუალება მიეცემა, რომ ადგილობრივ სატელეკომუნიკაციო ოპერატორებს მიაწოდოს მაღალსიჩქარიანი სატელიტური ინტერნეტი მთელი ქვეყნის მასშტაბით, ყველაზე მიუწვდომელ ადგილებშიც  კი.

კომპაია OneWeb-ის ვებ გვერდზე, ასევე, მისი აღმასრულებელი დირექტორისა და სილქნეტის სამეთვალყურეო საბჭოს თავმჯდომარის, გიორგი რამიშვილის განცხადებებია ამ პარტნიორობასთან დაკავშირებით:

ადრიან სთექელი, OneWeb-ის აღმასრულებელი დირექტორი: „დღევანდელ რეალობაში, როდესაც ბიზნესებს ესაჭიროება მუდმივი კავშირი საინფორმაციო რესურსებთან, მაგრამ ყველგან არ არის სათანადო გეოგრაფია ან საკმარისი რესურსი ძვირადღირებული ბოჭკოვანი ინფრასტრუქტურის ასაგებად, OneWeb-ის ინოვაციური კავშირგაბმულობის ქსელი საშუალებას მისცემს ყველას ისარგებლოს მაღალი სიჩქარის ინტერნეტით, დედამიწის ნებისმიერ კუთხეში. მე მოხარული ვარ, რომ ჩვენ გადავდგით პირველი და ძალზე მნიშვნელოვანი ნაბიჯი სილქნეტთან საპარტნიორო ურთიერთობის ჩამოსაყალიბებლად. OneWeb მოწოდებულია უზრუნველყოს ციფრული ტექნოლოგიების საყოველთაო ხელმისაწვდომობა როგორც საქართველოში, ასევე მთელს კავკასიის რეგიონში.“    

გიორგი რამიშვილი, სილქნეტის სამეთვალყურეო საბჭოს თავმჯდომარე: „დავოსი ნათლად გვაჩვენებს, რისი მიღწევაა შესაძლებელი, როდესაც სახელმწიფოს და ბიზნესის ლიდერები იკრიბებიან ერთიანი მიზნებით. როგორც საქართველოს წამყვანი მაღალტექნოლოგიური სატელეკომუნიკაციო კომპანია, სილქნეტი მოწოდებულია ჩართოს თანამედროვე, ციფრული საქართველო მსოფლიოს გლობალურ ციფრულ ქსელში. ჩვენ მოხარული ვართ, რომ ეს ჩვენი ძალისხმევა ახალ იმპულსს იძენს OneWeb-თან თანამშრომლობით.“  


OneWeb-მა გასული წლის თებერვალში გაუშვა დაბალი ორბიტის დედამიწის თანამგზავრების პირველი რიგი. სულ ახლახანს კი, როგორც იგეგმებოდა, 7 თებერვალს ყაზახეთის ბაიკონურის კოსმოდრომიდან წარმატებით  გახორციელდა კიდევ 34 სატელიტის გაშვება . ეს არის OneWeb-ის პროგრამის ნაწილი, რომელიც გულისხმობს ერთდროულად, მინიმუმ, 30 თანამგზავრის რეგულარულ გაშვებებს OneWeb-ის 650 თანამგზავრისგან შემდგარი პირველი სატელიტური ქსელის შესაქმნელად.

OneWeb-ი თავის მიზანს, მიაწოდოს ინტერნეტი მთელს მსოფლიოს მომავალი თაობის ტექნოლოგიით, საქართველოსა და კავკასიის რეგიონში სილქნეტის მეშვეობით განახორციელებს.

ეს განსაკუთრებით მნიშვნელოვანია იმ მოშორებული ადგილებისთვის, სადაც ბოჭკოვანი ინფრასტრუქტურა, ამა თუ იმ მიზეზით, არ არსებობს. ციფრული ტექნოლოგიების საყოველთაო ხელმისაწვდომობა ქვეყნის ეკონომიკური განვითარების ერთ-ერთი უდავო წინაპირობაა როგორც საქართველოში, ისე მთელს კავკასიის რეგიონში. ამ პარტნიორობის შედეგად, საქართველოში გაჩნდება ციფრული კავშირგაბმულობის დამატებითი წყარო, რომელიც არსებულ ოპტიკურ-ბოჭკოვან ტექნოლოგიას კონკურენციას კი არ გაუწევს, არამედ შეავსებს. აღსანიშნავია, რომ სილქნეტისა და OneWeb-ის პარტნიორობა საქართველოსთან ერთად, მთელს კავკასიის რეგიონს მოიცავს.

 

 

OneWeb-ის პრესრელიზი სილქნეტთან პარტნიორობის შესახებ იხილეთ ბმული https://www.oneweb.world/media-center/oneweb-partners-with-jsc-silknet-to-bring-high-speed-satellite-broadband-services-to-georgia?fbclid=IwAR3rz_AIxCwTNX4XgZSjzNOvJn_qhVT7IsAwm7WR3cASRhb3tAuBKNafmD8

OneWeb-ის პრესრელიზი ორბიტაზე კიდევ 34 სატელიტის წარმატებით გაშვებასთან დაკავშირებით, იხილეთ ბმული https://www.oneweb.world/media-center/oneweb-successfully-launches-34-more-satellites-into-orbit?fbclid=IwAR1sbv-1VIjGt_rkBEQjhUIWJped5gjKRhNP8Pn7wnFIyDiFmcmjOCfDTc0

 

 





ა(ა)იპების შენახვა აჭარაში წელიწადში 41 მლნ ლარზე მეტი ჯდება

ა(ა)იპების შენახვა აჭარაში  წელიწადში 41 მლნ ლარზე მეტი ჯდება
access_time2021-01-20 13:00:45
აჭარის 6 მუნიციპალიტეტში (ბათუმი, ხელვაჩაური, ქედა, შუახევი, ხულო, ქობულეთი) სულ 52 ა(ა)იპი ფუნქციონირებს, სადაც 6,991 დასაქმებული პირის შრომის ანაზღაურებაზე ყოველთვიურად დაახლოებით 3,444,517.35 ლარი, წლიურად კი - 41,334,208.2 ლარი იხარჯება. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა-საქართველო” ავრცელებს. ორგანიზაციის მიერ გამოქვეყნებულ ანგარიშში მოცემულია ინფორმაცია, თუ რამდენი პირია დასაქმებული (შტატით და...

თურნავას თქმით, რეგულარული ფრენები, სავარაუდოდ, თებერვლის თვიდან აღდგება

თურნავას თქმით, რეგულარული ფრენები, სავარაუდოდ, თებერვლის თვიდან აღდგება
access_time2021-01-20 12:00:56
საქართველოს ეკონომიკის მინისტრის, ნათია თურნავას განცხადებით, რეგულარულ ფრენებზე შეზღუდვები, სავარაუდოდ, თებერვლის თვეში მოიხსნება.   "იხსნება, ასევე, ფრენები. კონკრეტულ თარიღებს ვერ დავასახელებთ, მაგრამ თებერვლის თვე იქნება სავარაუდოდ ის თვე, როდესაც რეგულარულ ფრენებზე შეზღუდვებს მოვხსნით. მაგრამ ეს არ ნიშნავს ქაოტურ და უკონტროლო შემოსვლას ქვეყანაში. ეს იქნება ძალიან კონკრეტული, კონტროლირებადი ტესტებით, ვაქცინაციის საბუთით ან სხვა ადეკვატური დოკუმენტით", — განაცხადა...

სილქფესტი ოთხ რჩეულ პაკეტს ხელმისაწვდომი პირობით თავაზობს მომხმარებლებს

სილქფესტი ოთხ რჩეულ პაკეტს ხელმისაწვდომი პირობით თავაზობს მომხმარებლებს
access_time2021-01-20 10:50:13
20 იანვარს, სილქფესტს ყველაზე მოთხოვნადი შეთავაზებები ექნება მომხმარებლებითვის:   ულიმიტო ინტერნეტი - 19 ლარად - კომბინაციით *019# 3 GB + 500 ლოკალური წუთი - 10 ლარად - კომბინაციით *202# 10 GB უსწრაფესი ინტერნეტი  - 9 ლარად - კომბინაციით *202# 400 ლოკალური წუთი - 6 ლარად - კომბინაციით *202# პაკეტებით სარგებლობის ვადა 30 დღეა.   პაკეტების გააქტიურება შესაძლებელია შეუზღუდავად - ერთად და ცალ-ცალკე.   აქცია...

როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო, ბიზნესი ყოველთვის გავამხნევებთ - სოსო ფხაკაძე

როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო, ბიზნესი ყოველთვის გავამხნევებთ - სოსო ფხაკაძე
access_time2021-01-20 10:00:55
„როცა ადამიანი თუ ადამიანთა ჯგუფი, ისეთ მწვავე ვითარებაში იქნება როგორშიც ხელისუფლება იყო ბიზნესი ყოველთვის გავამხნევებთ“ - ამის შესახებ „კომერსანტს“ საქართველოს ბიზნეს ასოციაციის პრეზიდენტმა სოსო ფხაკაძემ განუცხადა. „ვისოლ ჯგუფის“ პრეზიდენტი აცხადებს, რომ ბიზნესი ხელისუფლებას მძიმე მდგომარეობაში ყოველთვის გვერდში დაუდგება, მიუხედავად იმისა თუ რომელი პარტია იქნება ქვეყნის მმართველი.   „როდესაც მე და არა მარტო მე, პრემიერი გავამხნევეთ , მაშინ ქვეყანაში კორონავირუსის...

დღის Top 10 საინტერესო ამბავი

დღის Top 10 საინტერესო ამბავი
access_time2021-01-19 21:00:08
დღის Top 10 საინტერესო ამბავი: 1.ბიზნესის მთავარი პრობლემა ლარის მერყევი კურსი და შიდა სავალუტო ბაზარზე არასტაბილური ვითარებაა - სოსო ფხაკაძე ლარის გაცვლითი კურსის მოკლე დროში საგრძნობმა მერყეობამ პანდემიისგან დაზარალებული ქართული ბიზნესი კიდევ უფრო რთულ ვითარებაში ჩააგდო. რა გავლენას ახდენს ლარის...


მსგავსი სიახლეები

up