შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე.
კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა. იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ ზრდაზე.
„ოქსფორდის ეკონომიკის“ ანალიტიკოსებს მიაჩნიათ, რომ საერთაშორისო ჯანმრთელობის კრიზისით შესაძლოა გლობალური მთლიანი შიდა პროდუქტი 1 ტრიალიონი დოლარით დააზარალოს. ეს იქნება სამუშაო ადგილების არარსებობის, დაბალი პროდუქტიულობის, ფრენებიც შემცირების, მომარაგების ჯაჭვის ჩაშლის და ინვესტიციისა და ვაჭრობის შემცირების ეკონომიკური ფასი.
ინვესტორები უკვე ღელავენ იმ ფაქტზე, რომ აშშ-ს საფონდო ბირჟაზე აქციები 3 პროცენტითაა შემცირებული.
ცენტრალური ბანკები და მთავრობები აგრძელებენ ფიქრს, რომ კორონავირუსი არ დააზარალებს მსოფლიო ეკონომიკას.
საერთაშორისო სავალუტო ფონდი აღნიშნავს, რომ გლობალური ზრდის 3,3პროცენტიანი პროგნოზი 2020 წლისთვის მხოლოდ 0,1 პროცენტით შემცირდება კორონავირუსის გამო.
ჯანდაცვის მსოფლიო ორგანიზაციის ხელმძღვანელმა ვირუსის ახალი შემთხვევები ღრმად სახიფათოდ შეაფასა, მაგრამ აღნიშნა, რომ მსგავსი აფეთქება ჯერ პანდემიად ვერ შეფასდება.
ჩინეთის ფაბრიკების დახურვის გაჭიანურება, სამხრეთ კორეაში, ირანსა და იტალიის ჩრდილოეთ ინდუსტრიულ ზონაში ვირუსის გავრცელება ბევრად ზრდის სიკვდილიანობისა და ზარალის სპექტრს. ვირუსი იტალიას რეცესიის პირისპირ აყენებს, რაც შესაძლოა დანარჩენ ევროპაზეც აისახოს.
UBS Group AG -ის წარმოამდგენელი აქსელ ვებერი ბევრად პესიმისტურადაა განწყობილი, ვიდრე მონეტარული ფონდი და ამბობს, რომ მსოფლიო ზრდის მაჩვენებელი 3,5 და 0,5 პროცენტამდე შემცირდება და პირველივე კვარტალში ეს ჩინეთზე აისახება.
მსოფლიო ბაკი მიიჩნევს, რომ გამანადგურებელმა პანდემიამ შეიძლება მილიონი სიცოცხლე შეიწიროს და აღნიშნავს, რომ ამ გადმოსახედიდან ეს ყველაფერი მსოფლიოს მთლიანი შიდა პროდუქტის 1 პროცენტი დაუჯდება. „1918 წელს ესპანური გრიპის გავრცელებამ 50 მილიონი ადამიანის სიცოცხლე შეიწირა და მსოფლიოს მთლიანი შიდა პროდუქტი 5 პროცენტით შემცირდა“ - ნათქვამია ბანკის 2015 წლის მოხსენებაში.
MetLife Investment Management-ის ბაზრის ანალიტიკოსის დრიუ მატუსის თქმით, ამ საფრთხესთან საბრძოლველად მხოლოდ მონეტარული პოლიტიკა საკმარისი არ იქნება.
Bloomberg.com
მარიამ მორგოშია
კორონავირუსი
