გლობალურ ტურიზმთან დაკავშირებულ სტარტაპ კონკურსში საქართველოს მოქალაქეებიც მიიღებენ მონაწილეობას

გლობალურ ტურიზმთან დაკავშირებულ სტარტაპ კონკურსში საქართველოს მოქალაქეებიც მიიღებენ მონაწილეობას

access_time2018-08-06 12:28:43


 

გაერო-ს მსოფლიო ტურიზმის ორგანიზაციის ინიციატივით, გლობალურ ტურიზმთან დაკავშირებით სტარტაპ კონკურსი ჩატარდება. ამის შესახებ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და ინოვაციების და ტექნოლოგიების სააგენტოს ხელმძღვანელმა ავთანდილ კასრაძემ ერთობლივ პრესკონფერენციაზე განაცხადეს. კონკურსი მსოფლიოს 164 ქვეყანას, მათ შორის საქართველოსაც მოიცავს.



„წლების განმავლობაში ჩვენ ძალიან აქტიურად ვთანამშრომლობთ მსოფლიო ტურიზმის ორგანიზაციასთან. ეს თანამშრომლობა გამოიხატებოდა სხვადასხვა მნიშვნელოვანი კონფერენციის საქართველოში მოწვევით, მათ შორის: ღვინის ტურიზმის პირველი საერთაშორისო კონფერენცია და მთის კურორტების განვითარების კონფერენცია. მსოფლიო ტურიზმის ორგანიზაცია ახლა იწყებს ახალ პროექტს, რომელიც მსოფლიოს 164 ქვეყანაში განხორციელდება და მათ შორის ჩვენს თანამოქალაქეებსაც ექნებათ საშუალება, სტარტაპ პროექტები შეიტანონ ამ კონკურსის ფარგლებში. ეს საშუალებას მოგვცემს მსოფლიო ტურიზმის განვითარებაში ქართული სიტყვა ვთქვათ,"- განაცხადა გიორგი ჩოგოვაძემ.



კონკურსის მიზანია ტურიზმის სექტორის ტრანსფორმაცია, ინოვაციების დანერგვა და ახალ ბიზნესმოდელებზე ორიენტირებული სტარტაპების წარმოჩენა. როგორც ინოვაციების და ტექნოლოგიების სააგენტოს ხელმძღვანელმა, ავთანდილ კასრაძემ აღნიშნა, რეგიონალური მასშტაბით ბუდაპეშტში 10 სტარტაპი შეირჩევა, რომლებიც მადრიდში მსოფლიო შეჯიბრზე გაემგზავრება.



„ქართული სტარტაპებისთვის ეს იქნება შესაძლებლობა ის მაღალტექნოლოგიური და ინოვაციური სტარტაპ იდეები და სტარტაპ პროდუქტები, რომლებმაც ვალიდაცია გაიარეს ქართულ ბაზარზე, ვაჩვენოთ მსოფლიო საზოგადოებას. ეს გვაძლევს შესაძლებლობას, რომ საქართველოს პოზიციონირება მოხდეს არა მხოლოდ ტურისტული ცენტრის, არამედ როგორც ტურისტური ინოვაციების ცენტრის. დარწმუნებული ვარ, რომ ქართულ სტარტაპებს წარმატების ძალიან დიდი შანსი აქვთ, როგორც რეგიონალური, ისე მსოფლიო მასშტაბით. 




რეგიონალური მასშტაბით ბუდაპეშტში 10 სტარტაპი შეირჩევა, რომლებიც მადრიდში მსოფლიო შეჯიბრში გაემგზავრება, ხოლო იქ გამარჯვებული კი მიიღებს ძალიან მსხვილ კონტრაქტს ინდუსტრიის მსხვილ მოთამაშეებთან. მადრიდში წასვლა არის უდიდესი წარმატება და ქართულ სტარტაპს, რომელიც მადრიდში მოხვდება, შესაძლებლობა ექნება, პარტნიორები და ინვესტიციები მოიზიდოს", - განაცხადა ავთანდილ კასრაძემ.



კონკურსში მონაწილეობის მსურველთა ბიზნეს მოდელები დაკავშირებული უნდა იყოს შემდეგ 4 ძირითად სფეროსთან: მოგზაურობის სამომავლო განვითარება (the future of travel); შთაბეჭდილებები ტურიზმის სექტორში (the tourism experience); გარემოზე ზეგავლენა (environmental impact); თემის განვითარება (community development).



კონკურსში მონაწილეობის მისაღებად დაინტერესებულმა პირებმა 3 სექტემბრამდე უნდა წარადგინონ განაცხადი შემდეგ ელექტრონულ მისამართზე - www.tourismstartups.org.



კონკურსის გამარჯვებულ კომპანიებს მიეცემათ შესაძლებლობა ითანამშრომლონ ტურიზმის სექტორში წამყვან კომპანიებთან. 

 






“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ

“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ
access_time2019-05-20 19:00:52
...

Google Amazon-ს კონკურენციას გაუწევს

Google Amazon-ს  კონკურენციას გაუწევს
access_time2019-05-20 20:00:13
რამდენიმე დღის წინ Google-მა განაახლა სერვისები, რომლებიც დაკავშირებულია ონლაინ ვაჭრობასთან. განახლებული Google Shopping და Google Express დაეხმარება კლიენტებს საქონლის მოძიებაში და ფასების შედარებაში სხვადასხვა გამყიდველებთან. ექსპერტების აღნიშნავენ, რომ ეს არის ახალი ტენდენცია - Google აქტიურად იწყებს ბრძოლას ონლაინ-ვაჭრობის ბაზარზე პირველობისთვის. 16 წლის წინ კომპანიამ, რომელიც ჯერ ბირჟაზეც კი არ იყო გასული,...

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“

თემურ ბასილია: „მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია“
access_time2019-05-20 18:00:16
„საპენსიო რეფორმის წარმატება დამოკიდებულია იმაზე, როგორ მოხდება ამ რესურსების მართვა,“— ასე აფასებს  2019 წლის 1 იანვარს ამოქმედებულ  საპენსიო რეფორმას საქართველოს ყოფილი ყოფილი ვიცე პრემიერი, ყოფილი პრეზიდენტის ეკონომიკური მრჩეველი თემურ ბასილია „კომერსანტთან“  ექსკლუზიურ ინტერვიუში. როგორც ბასილია განმარტავს, მიდგომა, რომელიც დღეს ქვეყანაში საპენსიო სისტემასთან დაკავშირებით არსებობს, სწორია. მისივე...

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ

მერიის ტრანსპორტის საქალაქო სამსახურის უფროსი: ე.წ. სტაიანშიკების მიმართ მოწყალებას ვიჩენთ
access_time2019-05-20 17:00:16
წელიწადზე მეტია, რაც საპარკინგე ადგილების ადმინისტრირება თბილისის სატრანსპორტო კომპანიის დაქვემდებარებაში გადავიდა, თუმცა არჩევნებამდე დაპირებული პარკირების  პრობლემა არათუ მოგვარდა, კიდევ ურო დამძიმდა. უამრავ მიზეზებთან ერთად “კომერსანტთან“ ექსპერტები ე.წ. სტაიანშიკებსაც ასახელებენ, რომლებიც დედაქალაქში თვითნებურად მუშაობენ და საკუთარ წესებს ადგენენ. თბილისის მერიის ტრანსპორტის საქალაქო სამსახურის უფროსი მამუკა მუმლაძე ამ თემაზე...

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო

„m²“ ამერიკის სავაჭრო პალატის წევრებს სასტუმროების ქსელის განვითარების კონცეფცია გააცნო
access_time2019-05-20 13:25:06
ა/წ 17მაისს, 18:00 საათზე, სასტუმრო „რუმს ჰოტელ თბილისში“ დეველოპერულმა კომპანია „m²“-მა, ამერიკის სავაჭრო პალატასთან ერთად, მიღება გამართა და სავაჭრო პალატის წევრ კომპანიებს სასტუმროების ქსელის განვითარების ახალი მიმართულებისკონცეფცია წარუდგინა. ამ ეტაპზე, სასტუმროების ქსელის განვითარების მიმართულებით, საქართველოს მასშტაბით, 10 სასტუმროს გახსნა იგეგმება, რომლებიც,საერთო ჯამში,1,000-ზე მეტ ნომერს გააერთიანებს.სრული ინვესტიცია სასტუმროების განვითარების...


მსგავსი სიახლეები

up