ოქტომბრის ბოლოს, თიანეთის მუნიციპალიტ სოფელ სიონში Glamping Sioni გაიხსნება, რომელიც 3 პანორამულ გლემფინგ კოტეჯს სთავაზობს, ხედით სიონის ტბაზე.
როგორც“კომერსანტთან“ Glamping Sion-ის დამფუძნებელმა შალვა ბერიძემ აღნიშნა, გლემფიმგ სიონს სხვა გლემფინგებისგან კოტეჯის 1/3 პანორამა გამოარჩევს.
„ამ ეტაპზე სამი გლემპინგ კოტეჯი გავქვს, თითო არის 2 საწოლიანი 28 კვადრატული კოტეჯი, სადაც განთავსებული იქნება, მინი სამზარეულო, ბარი, სველი წერტილები. კოტეჯები განთავსებულია სიონის წყლის პირველ ზოლში, საიდანაც სამივე კოტეჯი პანორამულია, რომელიც საქართელოში არც ერთ გლამფინგს არ აქვს. როგორც ვერანდა, ასევე კოტეჯი სიონის წყალსაცავს გადაჰყურებს და სიონის მზის ჩასვლის ხედები იშლება“, - აღნიშნავს შალვა ბერიძე.
შალვა ბერიძის განმარტებით, გამომდინარე იქიდან, რომ ქვეყანაში ამ ეტაპზე ტურისტები არ არიან, ძირითადი გათვლა შიდა ტურიზმზე და ქართველ მომხმარებლებზე აქვთ და დასვენების ფასიც ქართულ რეალობაზეა მორგებული. მისივე განცხადებით ქართველი მომხმარებლისგან დაინტერესება უკვე არის.
ამ ეტაპზე Glamping Sioni მშენებლობის ბოლო სტადიაზეა, შიდა რემონტი და ეზოს მოპირკეთება მიმდინარეობს, შალვა ბერიძის განცხადებით კოტეჯები ზამთარში შეშის ღუმელით გათბება, რომელსაც შუშის ბუხრის ვიზუალი ექნება.
წესით უფრო ნაკლები ფასი უნდა მქონოდა, თუმცა ამაში
პანდემიამ ხელი შემიშალა. რემონტი, ტექნიკა
და ყველაფერი პანდემიის გამო ძალიან გამიძვირდა, თუმცა დღეს დღევანდელი გადმოსახედიდან არც ეს ფასია ცუდი“, - აღნიშნავს შალვა ბერიძე.
როგორც შალვა ბერიძემ „კომერსანტთან“ აღნიშნა Glamping Sion- ის საწყისი ინვესტიცია დაახლოებით 50 000 ლარია, რომლისთვისაც შალვა ბერიძემ საკუთარი ბინა იპოთეკით დატვირთა, რადგან პანდემიის გამო ბანკი სასტუმროებისთვის და ტურისტული ბიზნესისთვის სესხს ამ ეტაპზე არ გასცემს.
„კოტეჯები გამოვიწერე ჩინეთიდან, რომლებმაც საქართველოში ჩამოსვლა დაახლოებით ორთვენახევრით დააგვიანეს.
ყველაფერი სესხით და საკუთარი დანაზოგით გავაკეთე. პროექტიც დავწერე, მაგრამ გრძელვადიანი პროექტები და სასტუმროები მოცემულ სიტუაციაში პანდემიიდან გამომდინარე არ ფინანსდებოდა, ამიტომ საკუთარი სახლის იპოთეკით დატვირთვა და იპოთეკური სესხის აღება მომიწია, რომელსაც მე თვითონ ვიხდი. არანაირი შეღავათი სახელმწიფოს მხრიდან არ მქონია, რადგან იპოთეკური სესხი მაქვს აღებული, იპოთეკურ სესხსაც კი ასუბსიდირებს სახელმწიფო, მაგრამ ისეც არ მოგცემს არავინ თანხას იმისთვის, რომ რაღაც მცირე ბიზნესი დაიწყო.
დღესდღეისობით 50 000 ლარს ავცდი, მიწა ჩემი არ არის, მეგობრისაა და მიწის გარეშე ხარჯი 50 000 ლარზე მეტი მქონდა.“ - აღნიშნავს შალვა ბერიძე.
სამომავლოდ შალვა ბერიძე გაფართოებას და სხვა რეგიონებში გასვლასაც აპირებს. გაზაფხულიდან გლემფინგები სვანეთში, ყაზბეგში, მანგლისსა და ვარძიაში დაემატება.
თაკო კვაჭანტირაძე