გივი მიქანაძე: ჩვენი პრიორიტეტია ყველა ადამიანისთვის თანაბარი შესაძლებლობების შექმნა

გივი მიქანაძე: ჩვენი პრიორიტეტია ყველა ადამიანისთვის თანაბარი შესაძლებლობების შექმნა

access_time2020-10-22 21:42:17

„ქართული ოცნება დემოკრატიული საქართველო“ საქართველოს რეგიონებში საარჩევნო პროგრამის თემატურ პრეზენტაციებს აგრძელებს. ინფორმაციას „ქართული ოცნება - დემოკრატიული საქართველოს“ პრესსამსახური ავრცელებს.



სოფლის მეურნეობის, მეწარმეობის ხელშეწყობის, ტურიზმისა და რეგიონული განვითარების პროგრამების მიმართულებებზე ისაუბრეს დღეს, თელავში გამართულ შეხვედრისას, სადაც საარჩევნო სიის წევრებმა საზოგადოებას პარტიის ხედვები და 2020-2024 წელს დაგეგმილი ღონისძიებები გააცნეს.



საარჩევნო პროგრამის პრეზენტაციაზე, რეგიონული განვითარების მიმართულებებზე, საარჩევნო სიის წევრმა, გივი მიქანაძემ ისაუბრა. „განვითარებული რეგიონი ძლიერი ქვეყნის საწინდარია. მომდევნო წლებში ჩვენი გუნდი გააგრძელებს და გააფართოვებს პროექტებს, რომლებიც რეგიონების კიდევ უფრო მეტად განვითარებას უზრუნველყოფს. წარმოგიდგენთ მომდევნო 4 წლის განმავლობაში რეგიონული განვითარების მიმართულებით დაგეგმილ ძირითად აქტივობებს“, - აღნიშნა გივი მიქანაძემ.



მისივე განცხადებით, ქვეყნის აღმშენებლობა უბნიდან, სოფლიდან და ქალაქიდან იწყება. სწორედ ამიტომ ხელისუფლებამ დეცენტრალიზაციის სტრატეგია დაამტკიცა, რომელიც 2020-2025 წლებზეა გათვლილი, რომლის მიხედვითაც:




,,2021 წლიდან ეტაპობრივად მოხდება ადგილობრივი თვითმმართველობის ფუნქციების ზრდა. ადგილობრივი თვითმმართველობა უზრუნველყოფილი იქნება შესაბამისი მატერიალური და ფინანსური რესურსებით. ადგილობრივ თვითმმართველობებს მათი უფლებამოსილების განხორციელებისთვის გადაეცემათ შესაბამისი ქონება. მოხდება ადგილობრივი თვითმმართველობის შემოსულობის მთლიანი შიდა პროდუქტის არანაკლებ 7%-მდე ზრდა. დაწყებულია და 2022 წელს დასრულდება მუნიციპალიტეტებში ელექტრონული სერვისების ერთიანი პლატფორმის დანერგვა. მოქალაქეები უფრო მეტად იქნებიან ჩართული ჩვენი უბნის, სოფლისა და ქალაქის განვითარებაში.



ჩვენი პრიორიტეტია ყველა ადამიანისთვის თანაბარი შესაძლებლობების შექმნა, მიუხედავად იმისა ვინ სად ცხოვრობს. სწორედ ამიტომ რეგიონებს შორის თანაბარი განვითარების უზრუნველყოფის მიზნით დაწყებულია 220 მილიონიანი 3 წლიანი სპეციალური პროგრამა რომელიც ხორციელდება კახეთში, იმერეთში, გურიასა და რაჭა-ლეჩხუმსა და ქვემო სვანეთში. პროგრამით გათვალისწინებულია რეგიონში მოთხოვნადი პროფესიების კვლევის საფუძველზე მოსახლეობის გადამზადება, რაც მათ დასაქმებას უზრუნველყოფს. განვავითარებთ ადგილობრივი სამრეწველო ობიექტების ინფრასტრუქტურას. ხელს შევუწყობთ ახალი საწარმოების შექმნასა და არსებულის გაფართოებას. უზრუნველვყოფთ ადგილობრივი პროდუქციისა და მომსახურების ექსპორტის მხარდაჭერას. მოვაწყობთ ადგილობრივი ბიზნესის განვითარების ხელშემწყობ ინფრასტრუქტურას“, - განაცხადა გივი მიქანაძემ.



პარტიის საარჩევნო სიის წევრმა რეგიონული განვითარების პროგრამის პრეზენტაციისას ყურადღება ქალაქების მდგრადი განვითარების საინვესტიციო პროგრამაზე გაამახვილა, რომელიც თელავში, ზუგდიდსა და მესტიაში ადგილობრივი ინფრასტრუქტურის სრულყოფას, აგრეთვე, საზოგადოებრივი და ტურისტული სატრანსპორტო ინფრასტრუქტურის განვითარებას ითვალისწინებს. მან ასევე ისაუბრა რეგიონებში ტრანსპორტის განახლებული ავტოპარკის შექმნაზე, სივრცითი დაგეგმარების ურბანულ განვითარებაზე და მაღალმთიანი დასახლებების სტატუსსა და სახელმწიფო შეღავათებზე, რითაც იქ მაცხოვრებელი მოსახლეობა სარგებლობს.



„ჩვენმა ხელისუფლებამ მთა აქცია პრიორიტეტად. დღეისათვის მაღალმთიანი დასახლების სტატუსი მინიჭებული აქვს 1796 დასახლებას (საქართველოს დასახლების 47%-ს), ხოლო მაღალმთიან დასახლებაში მცხოვრები პირის სტატუსით სარგებლობს 336 ათას მოქალაქეზე მეტი (მოსახლეობის 9%), ანუ ჩვენი ქვეყნის ყოველი მე-11 მოქალაქე. 2020 წლის საკანონმდებლო ცვლილებების საფუძველზე მაღალმთიანი დასახლების სტატუსი 58 დასახლებას მიენიჭა და შესაბამისად მაღალმთიან დასახლებაში მცხოვრების პირის სტატუსითა და შეღავათებით სარგებლობა დამატებით 26 ათასამდე ჩვენმა მოქალაქემ შეძლო. მთის კანონის ამოქმედებიდან 2020 წლის აგვისტოს თვის ჩათვლით მთის საწარმოს სტატუსი და შესაბამისი შეღავათებით სარგებლობს 429 საწარმო. მთაში მცხოვრები 70 წლამდე საპენსიო ასაკის პირების პენსია ამჟამად თუ შეადგენს 264 ლარს, 2024 წლისთვის ეტაპობრივად გაიზრდება და განისაზღვრება 364 ლარით, ხოლო 70 წელს მიღწეულ და გადაცილებულ პირთა პენსია ახლანდელი 300 ლარიდან 2024 წლისთვის ეტაპობრივად 400 ლარამდე გაიზრდება“ , - განაცხადა გივი მიქანაძემ.







დღის Top 10 საინტერესო ამბავი

დღის Top 10 საინტერესო ამბავი
access_time2020-11-30 21:00:27
დღის Top 10 საინტერესო ამბავი     1. „არ შეიძლება ადამიანებს ცხოვრება აუკრძალო, ეს კატასტროფა და სრული სიგიჟეა, კომუნიზმია“     საქართველოში უკვე მორედ, საქართველოს მთავრობამ კარანტინი გამოცხადა, ოფიციალურად ხელისუფლებამ წერტილოვანი შეზღუდვები აამოქმედა თუმცა, მათი გადაწყვეტილებით ქვეყანა რეალურად ისევ...

ხელისუფლება გარემოვაჭრეებს „ეღადავება“

ხელისუფლება გარემოვაჭრეებს „ეღადავება“
access_time2020-11-30 19:46:50
ჯანდაცვის სამინისტროს შრომის ინსპექციის ხელმძღვანელი, ბექა ფერაძე გარემოვაჭრეებს ურჩევს, მუშაობა შეზღუდვების დროს ონლაინ გააგრძელონ. ამის შესახებ მან ჟურნალისტებს ქუჩაში მომუშავე მეყვავილეების შესახებ დასმული კითხვის საპასუხოდ უთხრა.   მათ შეუძლიათ, დისტანციურად, ონლაინ განახორციელონ ეკონომიკური საქმიანობა. ეს არ არის აკრძალული, თუმცა, მობილობის შესამცირებლად მსგავსი ტიპის საქმიანობები მთელი მსოფლიოს მასშტაბით არის შეზღუდული, - თქვა ჯანდაცვის უწყების...

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა
access_time2020-11-30 19:43:42
ტესტირების შედეგად  საქართველოს ფინანსთა მინისტრ ივანე მაჭავარიანს კოვიდ-19 დაუდასტურდა. ამის შესახებ იფორმაციას ფინანსთა სამინისტროს პრესსამსახური ავრცელებს. მათი ინფორმაციით მინისტრი  ამჟამად, იგი თავს კარგად გრძნობს და მუშაობას სახლიდან, დისტანციურ რეჟიმში განაგრძობს.   ტესტირების შედეგად, კოვიდ-19 დაუდასტურდა  მინისტრის მოადგილეს, გიორგი კაკაურიძესაც, რომელიც ასევე სახლში გადის მკურნალობას.

როგორ ცხოვრობს ყარაბაღი ომის შემდეგ?

როგორ ცხოვრობს ყარაბაღი ომის შემდეგ?
access_time2020-11-30 20:00:36
ომი ყარაბაღში 10 ნოემბერს სომხეთის, აზერბაიჯანის და რუსეთის მიერ ხელმოწერილი შეთანხმების საფუძველზე დასრულდა. სომხეთში გაქცეული ადგილობრივები კი ნელა-ნელა სახლებში ბრუნდებიან. ომამდე მთიანი ყარაბაღის მოსახლეობა 140 000, ხოლო რეგიონის დედაქალაქ სტეფანაკერტის - 50 000-ს შეადგენდა. მათი დიდი ნაწილი ომის პირველივე დღეებში სომხეთში გადაიხვეწა, დღეს კი ვითარება საპირისპიროა, ყარაბაღელები სახლებში...

IMF-მა უკრაინას ფინანსურ დახმარებაზე უარი უთხრა

IMF-მა უკრაინას ფინანსურ დახმარებაზე უარი უთხრა
access_time2020-11-30 19:00:59
ის, რომ უკრაინას შესაძლოა საერთაშორისო სავალუტო ფონდის დახმარების მორიგ ტრანში ვერ მიეღო, წარმოუდგენელი და დაუჯერებელი სულაც არ ყოფილა. და აი ეს დღე მოვიდა, თუ რამე არ შეიცვალა და სავარაუდოდ, არაფერი შეიცვლება, ქვეყანა საერთაშორისო ფინანსურ დახმარებას ვერ მიიღებს.   შესაბამისად, მთავრობა ბიუჯეტის შესრულების მხრივ საშინელ სიტუაციაში აღმოჩნდება. უზარმაზარი დეფიციტი ასევე უზარმაზარ პრობლემებს შექმნის. პირველ რიგში ეს ე.წ. „დაუცველ ხარჯებს“ შეეხება, მათი შესრულება უკვე დაუწყო,...


მსგავსი სიახლეები

up