გირჩმა სუს-ს

გირჩმა სუს-ს "თავისუფლების შესახებ საგანმანათლებლო კურსის" მოსმენაში სერტიფიკატი გადასცა

access_time2019-10-05 12:34:12

5 ოქტომბერს გირჩის ლიდერმა ზურა ჯაფარიძემ სახელმწიფო უსაფრთხოების სამსახურს მოსმენაში სერტიფიკატი გადასცა.

გირჩის ლიდერმა ზურაბ ჯაფარიძემ სახელმწიფო უსაფრთხოების სამსახურთან მოსმენის სერტიფიკატი მიიტანა მას შემდეგ, რაც ცნობილი გახდა, რომ სუს მარიხუანას ფესტივალის შესახებ გამოძიების ფარგლებში პარტიის 10 წევრს უსმენდა.

"სერტიფიკატი გადაეცემა საქართველოს სახელმწიფო უსაფრთხოების სამსახურს მასზედ, რომ მან წარმატებით მოისმინა ზოგადსაგანმანათლებლო კურსი თავისუფლების შესახებ" - წერია სუს-თან მიტანილ სერტიფიკატზე.

ჯაფარიძის თქმით, სუს-ის დაჯილდოება მათ მიერ გირჩის იდეების მოსმენის აღსანიშნავად გადაწყვიტეს:

"ჩვენ ჩავთვალეთ, რომ შეუძლებელია ამდენი ხნის განმავლობაში გირჩს უსმინო და იქიდან რამე აზრი არ გამოიტანო და რაღაც არ დაგრჩეს თავში".

სერტიფიკატს ორი ორგანიზაცია - ბიბლიური თავისუფლება და გირჩი აწერს ხელს.


შეგახსენებთ, რომ რამდენიმე დღის წინ 2018 წლის 20 ოქტომბერს ჩატარებული კანაფის ფესტივალის საქმეზე შსს-მ გირჩის წევრები გამოკითხვაზე დაიბარა.


კანაფის ფესტივალთან დაკავშირებული გამოძიების ფარგლებში სახელმწიფო უსაფრთხოების სამსახური გირჩის 10 წევრს ერთი თვის განმავლობაში 14 ოქტომბრიდან 14 ნოემბრის ჩათვლით უსმენდა.

მოსმენაზე ნებართვა მოსამართლე ქეთევან ჯაჭვაძემ გასცა. ერთი წლის შემდეგ კი, საქმე დაიხურა და გირჩის წევრებს მოსმენის შესახებ აცნობეს.

გირჩის წევრები შსს-ში დაბარებას ტაქსების ახალ რეგულაციასთან დაკავშირებით პარტიის ბოლო აქტივობას უკავშირებენ.

კანაფის ლეგალიზაციის ფესტივალი დედა ენის ბაღში, 2018 წლის 20 ოქტომბერს უნდა გამართულიყო, თუმცა პოლიციამ ხელი შეუშალა და ჩაშალა. ადგილზე დააკავეს რამდენიმე ადამიანი.

გამოძიება გირჩის მიერ მარიხუანას ე.წ. ფესტივალის ორგანიზების და ფესტივალის ფარგლებში მარიხუანას უკანონოდ შეძენა-შენახვა-გასაღების ფაქტზე შინაგან საქმეთა სამინისტროს ცენტრალური კრიმინალური პოლიციის დეპარტამენტმა 13 ოქტომბერს დაიწყო, სსკ-ის 273-ე პრიმა მუხლის მე-2 და მე-8 ნაწილებით, რაც გულისხმობს მცენარე კანაფის ან მარიხუანის უკანონო შეძენა, შენახვა, გადაზიდვა, გადაგზავნა, გასაღება ან/და ექიმის დანიშნულების გარეშე მოხმარებას. 

საქართველოს საკონსტიტუციო სასამართლოს 2018 წლის 30 ივლისის გადაწყვეტილებით, მარიხუანას მოხმარება ქვეყანაში ლეგალური გახდა.


ტაბულა

თეგები:
გირჩი



ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...


მსგავსი სიახლეები

up