„გირჩის“ მიმართვა   შეურაცხმყოფელია - ქართველი ბიზნესმენების შეფასებები

„გირჩის“ მიმართვა შეურაცხმყოფელია - ქართველი ბიზნესმენების შეფასებები

access_time2019-03-07 13:30:56

ქართველი ბიზნესმენები „გირჩის“ მიმართვას „კომერსანტთან“ აფასებენ. როგორც ცნობილია, „გირჩმა“ ქართული ბიზნესის ცნობად და მეტნაკლებად ცნობად სახეებს გუშინ მიმართა და განაცხადა, რომ „თიბისი ბანკის“ საქმის ფონზე ბიზნესმენების დუმილი არის უტყუარი დადასტურება იმისა რომ სინამდვილეში ქართველ ბიზნესმენებს საბჭოთა „ცეხავიკის“ ფსიქოლოგია აქვთ.


„არ გაგაჩნიათ საკუთრების განცდა და ღირსება, და თვლით, რომ კეთილდღეობა დღეს პირდაპირპროპორციულია ამჟამინდელი კომპარტიის პირველი მდივნის მისდამი კეთილგანწყობის. სწორედ ასეთი მენტალიტეტის გამო, თქვენ ვერასოდეს გახდებით მართლა თავისუფალი ბიზნესმენები. სწორედ ასეთი მენტალიტეტის გამო, თქვენ ვერასოდეს გახდებით მართლა თავისუფალი ბიზნესმენები“-ნათქვამია „გირჩის“ მიერ გავრცელებულ მიმართვაში.


ბიზნესმენი,კომპანია „ზეარისის“ ხელმძღვანელი გოჩა ფიფია „კომერსანტთან“ განმარტავს, რომ „გირჩის“ ეს განცხადება შეურაცხმყოფელია და დარწმუნებულია, რომ მისი ეს პასუხი, ბიზნესმენების უმრავლესობის აზრს გამოხატავს.


„მე „ნაციონალური მოძრაობის“ წევრებს „ნაცისტებს“ ვეძახი. მე მათთან ან პირდაპირ ეთერში ვსაუბრობ, ან საერთოდ უპასუხოდ ვტოვებ. ყოფილი „ნაცისტი“ არ არსებობს. „ნაციზმი“ იმდენად მძიმე აზროვნებაა, რომ ის ვერ იძირკვება ადამიანთა გონებიდან მას მერე, როცა ის ტვინს შეეყრება. ეს „ნაციზმით“ შეპყრობილი ადამიანის განცხადებაა.


ეს ადამიანები შეურაცმხყოფელ განცხადებებს აკეთებენ იმ ბიზნესმენების მიმართ, რომლებიც რეალურად ქმნიან ქვეყნის ბიუჯეტს, რომლებიც რეალურად იხიდიან,რომლებიც მთელი არსებობის მანძილზე იბრძვიან ბიზნესის თავისუფლებისთვის, მხოლოდ და მხოლოდ ასეთი კომენტარი და პასუხი შეიძლება გაეცეს. მკითხველის წინაშე ნამდვილად ვიხდი ბოდიშს ამ ფრაზეოლოგიებისთვის, მაგრამ, ის მხოლოდ ამას იმსახურებს.


რაც შეეხება „თიბისი ბანკის“და მამუკა ხაზარაძის საქმეს, ფიფია განმარტავს, რომ ამ თემაზე ბიზნესის მხრიდან საუბარი მხოლოდ და მხოლოდ შესაძლებელია პირდაპირ, სატელევიზიო ეთერში. მისივე განმარტებით, ის როგორც ბიზნესმენი, არასდროს გავჩერებულა,არც ბანკებთან დამოკიდებულების გამოხატვაში და არც სხვა პრობლემების წარმოჩენაში.



ბიზნესმენი, ჰოლდინგური კომპანია „ვაკე-5-ისა“ და „ალბატროს ჯგუფის“ დამფუძნებელი დავით ბეგიაშვილი აღნიშნავს, რომ „გირჩის“ მიმართვა მას არ ეხება, რადგან ის სიმართლეს წინა და ახლანდელი ხელისუფლებების დროს ერთნაირი დოზით ამბობდა და ამბობს. ბეგიაშვილი მხარს უჭერს მამუკა ხაზარაძეს და აცხადებს,რომ ეს მხარდაჭერა რამდენიმე დღეში კონკრეტულ ნაბიჯებში გამოჩნდება.


ბიზნესმენი განმარტავს, რომ ეს იქნება როგორც ღია მხარდაჭერა, ისე სხვადასხვა ფაქტების გამოაშკარავება. „იმაზე, თუ როგორ ერევა ხელისუფლება ბიზნესში,რომ ადგილი აქვს ზეწოლას და არაფორმალურ ურთიერთობებს“-აცხადებს ბეგიაშვილი. დამატებით დეტალებზე ბეგიაშვილი ამ ეტაპზე არ საუბრობს.


რაც შეეხება „გირჩის“ მიმართვას, ბეგიაშვილი მას მცდარს უწოდებს, რადგან აქვს ინფორმაცია,რომ ბიზნესმენები აქტიურად უჭერენ მხარს თავის კოლეგას და ამ მხარდაჭერას რამდენიმე დღეში კონკრეტული ნაბიჯები მოყვება. მისი განმარტებით,ეს განცხადება შეურაცხმყოფელია, თუმცა, ისინი პოლიტიკოსები არიან და ტალახის სროლას მიჩვეულნი არიან.


თიბისი ჯგუფის ირგვლივ ყველას ჰქონდა აზრის გამოხატვის სურვილი, თუმცა პოლიტიკოსების არასწორმა მესიჯებმა ბიზნესმენებს დაუკარგეს სურვილი, რომ ჩაერთონ ამ პროცესებში-ამის შესახებ განცხადება BMG -თან ბიზნესმენმა თემურ ჭყონიამ გააკეთა. მისი თქმით, ბიზნესი ჩუმად არაა და მან ზუსტად იცის როდის რა თქვას. “ჩვენ არ ვართ პოლიტიკოსები და არ ვართ ისეთი ტიპები, რომლებიც ემოციებს აყვებიან და ერთ დაძახებაზე გავარდებიან ქუჩაში დროშებით. ბიზნესი არის საზოგადეობა, რომელიც ქვეყნის დოვლათს ქმნის და ამ დოვლათით არსებობს ის ხალხი, ვინც აკრიტიკებს და ბიზნესს მშიშრებს ეძახის. ეს არააა სწორი”-აცხადებს ჭყონია.


მისივე თქმით, ბოლო პერიოდში კერძო სექტორის მიმართ შეურაცხყოფის ტალღა წამოვიდა. ზურა ჯაფარიძე კი ბიზნესმენებს ცეხავიკებად და წითელ დირექტორებად მოიხსენიებს.


“არავინ არ იცის მამუკა ხაზარაძის ისტორია და მისი დამსახურება საქართველოს ეკონომიკაში ისე, როგორც ჩვენ. ის ახალგამომცხვარი პოლიტიკოსები, საერთოდ დაბადებულები არ იყვნენ, როდესაც მამუკა ხაზარაძე და ჩვენ, ის თაობა ვქმნიდით საქართველოს ეკონომიკას. ამიტომ თავი დაანებონ ჩვენს შეფასებებს. სანამ ჩვენს შეფასებას დაიწყებენ, თავისი თავის შეფასება დადონ. რა გაუკეთებიათ მათ გინდა პოლიტიკაში, გინდა ეკონომიკაში, გინდა განათლებაში”-აცხადებს ჭყონია.


მისივე თქმით, ბოლო რამდენიმე დღეა მასთან არაერთი ბიზნესმენი რეკავს და გაოცებას ვერ მალავს, რადგან ბოლო 3-4 დღეში მათ მშიშრები და ცეხავიკები შეარქვეს და ეს იმ ადამიანებს, რომლებსაც ბიუჯეტში კოლოსალური თანხები შეაქვთ.


„კომერსანტი“ სხვა მსხვილ ბიზნესმენებსაც დაუკავშირიდა, თუმცა, უშედეგოდ. მათ ან სატელეფონო ზარებს არ უპასუხებს, ან დუმილი არჩიეს. მათ შორის იყვნენ: „ვისოლ ჯგუფის“ სამეთვალყურეო საბჭოს თავმჯდომარე სოსო ფხაკაძე, „რედიქსის“ დამფუძნებელი ლაშა პაპაშვილი,ღვინის მწარმოებელი კომპანია „თბილღვინოს“ დამფუძნებელი ზურაბ მარგველაშვილი, „კახური ტრადიციული მეღვინეობას“ დამფუძნებელი ზურაბ ჩხაიძე. ბიზნესმენი გოგი თოფაძე.


ავტორი: სოფო ქსოვრელი 





Forbes: აპრილის ეკონომიკა და გადასახადების გრძელი სია

Forbes: აპრილის ეკონომიკა და გადასახადების გრძელი სია
access_time2020-04-01 20:00:58
1 აპრილს მილიონობით ამერიკის მაცხოვრებლისთვის იჯარის გადახდის ბოლო ვადა ყველაზე დამამძიმებელი აღმოჩნდა. უძრავი ქონების ყოველი მეოთხე მოქირავნე ახლა შემოსავლის მეოთხედზე მეტს საცხოვრებელზე იხდის. საცხოვრებლის ქირა კი მხოლოდ პირველია იმ გადასახადების რიგში, რისი მოგვარებაც აპრილში ხალხს მოუწევს -  კომუნალური გადასახადები, საკრედიტო ბარათები, დაზღვევა, იპოთეკა, სტუდენტური გადასახადი - ბევრი რამ რასაც არაერთი ამერიკელი უბრალოდ ვერ გასწვდება. კარგი ამბავი ისაა, რომ აპრილიდან სექტემბრის...

ლიბერთი მომხმარებელზე ზრუნვას განაგრძობს

ლიბერთი  მომხმარებელზე ზრუნვას განაგრძობს
access_time2020-04-01 17:50:52
დღეიდან, 1 აპრილიდან, ლიბერთის გადაწყვეტილებით, არაასაკობრივი პენსიონერები „პენსია ჩარიცხვამდე“ სერვისით უფასოდ ისარგებლებენ. ,,ჩვენ ვაგრძელებთ მომხმარებელზე ზრუნვას და მათ უსაფრთხოებასა და საჭიროებებზე მორგებულ კიდევ ერთ სიახლეს ვთავაზობთ. დღევანდელი გადაწყვეტილებით, არაასაკობრივ პენსიონერებს შეეძლებათ შეუფერხებლად და რაც მთავარია, ნულოვანი ტარიფით გაიაქტიურონ ‘პენსია ჩარიცხვამდე’ სერვისი სერვისცენტრებსა და ლიბერთის ნებისმიერი ბანკომატის საშუალებით. გვინდა, ვთხოვოთ...

1 აპრილი - ქართული ლარი მყარდება, თურქული ლირა მცირედით გაუფასურდა

1 აპრილი - ქართული ლარი მყარდება, თურქული ლირა მცირედით გაუფასურდა
access_time2020-04-01 19:00:37
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.    ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ დოლარის ღირებულებამ 3.2413 ლარი შეადგინა. Bloomberg-ზე დილიდან ვაჭრობა...

საქართველოს მთავრობამ ყველა დეველოპერული მშენებლობა შეაჩერა

საქართველოს მთავრობამ ყველა დეველოპერული მშენებლობა შეაჩერა
access_time2020-04-01 18:10:11
საქართველოს მთავრობამ ყველა დეველოპერული მშენებლობა შეაჩერა. როგორც „კომერსანტმა“  გაარკვია, შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა.    ინფორმაციის გადამოწმება მთავრობის ცხელ ხაზზეც ვცადეთ, სადაც განგვიცხადეს, რომ დეველოპერული საქმიანობა ქვეყანაში გუშინ აიკრძალა. 144-ზე გვითხრეს, რომ შპს-ს იმ შემთხვევაში აქვს მუშაობის უფლება...

ხელისუფლების სახიფათო გადაწყვეტილება - ზემო რაჭა ტურისტულ დანიშნულებას დაკარგავს

 ხელისუფლების სახიფათო გადაწყვეტილება - ზემო რაჭა ტურისტულ დანიშნულებას დაკარგავს
access_time2020-04-01 17:50:09
„თუ იქნება ჰესი, არ იქნება მდინარე აქ. კარგად დაიმახსოვრეთ, რომ აქ იქნება პატარა, რუჩუაზე ოდნავ დიდი ნაკადული“, - ეს სიტყვები მოძრაობა „არა ონის კასკადის“ ერთ-ერთ აქტივისტს ეკუთვნის, რომელიც მან რაჭის სოფელ ნიგავზების მდინარის ვიდეოკადრებთან ერთად გამოაქვეყნა. ასე გააპროტესტა მან რაჭაში ჰიდროელექტრო სადგურის მშენებლობა. გარემოს დაცვის სამინისტროსგან მშენებელი კომპანიისთვის რამდენჯერმე შენიშვნებით უკან დაბრუნებული პროექტი მოწონებულია - 2020 წლის 17 მარტს, როცა ქვეყანა მთლიანად...


მსგავსი სიახლეები

up