გიორგი ვაშაძის განცხადებით, ხელისუფლებასა და ოპოზიციას შორის შეთანხმება მაქსიმუმ მარტის ბოლომდე მოხდება

გიორგი ვაშაძის განცხადებით, ხელისუფლებასა და ოპოზიციას შორის შეთანხმება მაქსიმუმ მარტის ბოლომდე მოხდება

access_time2021-03-06 14:45:31

„სტრატეგია აღმაშენებლის“ ლიდერის, გიორგი ვაშაძის განცხადებით, ხელისუფლებასა და ოპოზიციას შორის შეთანხმება მაქსიმუმ მარტის ბოლომდე მოხდება.

მისივე განცხადებით, ამ მოლაპარაკებების პროცესში კომპრომისი როგორც ოპოზიციას, ასევე ხელისუფლებასაც მოუწევს.

„ჩვენი ევროპელი, დასავლელი მეგობრებისთვის ნამდვილად არ არის სულერთი რა იქნება ქვეყანაში. ეს მახარებს იმიტომ, რომ სამწუხაროდ, ამ უბადრუკი ხელისუფლების პირობებში ჩვენი ევროპელი პარტნიორების მყარ პოზიციას გადამყვეტი მნიშვნელობა აქვს საქართველოს განვითარებისთვის. მეორე - დიახაც, ძალიან მნიშვნელოვანია შეცვლილი უფლებამოსილება. ჩვენ გვკითხეს თანახმა ვიყავით თუ არა ფასილიტაციიდან მედიაციაზე გადავსულიყავით. დიახ, თანახმა ვართ! მედიაცია ნიშნავს, რომ გარდა ჩვენი წინადადებებისა, წინადადება შეიძლება იყოს ევროკავშირის მხრიდან, რომელზეც პირდაპირ გეუბნებით, რომ წარმოუდგენელია არ დავთანხმდეთ.

მივედით იმ ზღვარამდე, როდესაც ვფიქრობ, რომ ახლო მომავალში შედეგზე უნდა გავიდეთ მოლაპარაკებების კუთხით და ამისთვის ყველა მობილიზებული უნდა ვიყოთ. ჩვენ ჩვენი პრინციპული პოზიციები დაფიქსირებული გვაქვს, შარლ მიშელთან შეხვედრის დროსაც დავაფიქსირეთ, რაზეც მივიღეთ პასუხი, რომ მაქსიმალურად ყველა მხარის პოზიცია გათვალისწინებული იქნება. მოგვიწევს თუ არა კომპრომისი? - მინდა რომ საზოგადოება ილუზიაში არ იყოს. ჩვენც მოგვიწევს კომპრომისი და „ქართულ ოცნებასაც“ მოუწევს კომპრომისი. ძალიან ცუდია, როცა დამაზიანებელი განცხადებები კეთდება „ქართული ოცნების“ მხრიდან ამ მოლაპარაკებების, ისევ წითელი ხაზებით საუბარი და ისევ ათასი სისულელე. მათ მოვუწოდებ - თქვენ თავს ნუ დააზიანებთ! იმიტომ, რომ სანქციები შორს არ არის! კოლომოისკისთვის სანქციების დაწესება ნიშნავს, რომ ამერიკას ექნება აქტიური საგარეო პოლიტიკა და გამოიყენებს ყველა მექანიზმს იმისთვის, რომ მისმა სტრატეგიულმა პარტნიორებმა არ გადაუხვიონ იმ არჩეულ გზას, რომელიც ხალხმა აირჩია ამ ქვეყნებში, მათ შორის, ევროატლანტიკური ინტეგრაციის გზას. შეიძლება თუ არა ასეთი პრეცედენტი საქართველოში მოხდეს? - შესაძლებელია, მაგრამ ეს ყველაფერი დამოკიდებულია „ქართულ ოცნებაზე“, გონს მოეგება თუ არა“, - განაცხადა ვაშაძემ.


გიორგი ვაშაძე გამოეხმაურა ეუთო/ოდირის დასკვნასაც და აღნიშნა, რომ ოპოზიციასა და ხელისუფლებას შორის მოლაპარაკებების პროცესში აღნიშნული დოკუმენტი რაიმე ფუნდამენტურ ცვლილებას ვერ მოახდენს.

„ეუთო /ოდირის დასკვნაში წარმოდგენილია იმ პრობლემების ფართო სპექტრი, რომლითაც შეგვიძლია დავასკვნათ, რომ ამ ყველა პრობლემის არსებობამ მნიშვნელოვანი ზეგავლენა მოახდინა არჩევნების საბოლოო შედეგზე. ამას ეუთო/ოდირი ვერ დაწერდა, ეს ჩვენი სათქმელია და ამას მიუთითებს ევროკავშირის აქტიური ჩართულობა, რომ შეთანხმებისკენ წავიდეთ. მნიშვნელოვანი დოკუმენტია, თუმცა, ამით მოლაპარაკების პროცესში რამე ფუნდამენტურად შეიცვლება თუ არა, ეუთო/ოდირის დასკვნის გამო, გეტყვით, რომ არ შეიცვლება. თუმცა, ის რეფორმები, რაც განსახორციელებელია, „ქართულ ოცნებაზე“მეტი წნეხი იქნება რომ განხორციელდეს. რაც შეეხება მოლაპარაკებებს, მინდა ოპტიმისტი ვიყო. ადეკვატურად ვუყურებ ამ პროცესს და მინდა ასევე ადეკვატურად შეხედოს „ქართულმა ოცნებამაც“. ჩემი მიზანი არ არის სანქცირებულთა სიაში იყვნენ მათი წარმომადგენლები. იქნება მათი მხრიდანაც ნაბიჯები, რადგან ხედავენ, რომ ასე ვერ გაგრძელდება, რომელიც შეთანხმებისკენ წაიყვანს ამ პროცესს. იმედიანად ვარ განწყობილი, იქნება ეს ერთ კვირაში თუ ორ კვირაში, მე მაქსიმუმ ვადას ვიღებ მარტის ბოლომდე, რომ შეთანხმებები მოხდეს“, - განაცხადა ვაშაძემ.

Ipn.ge





მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up