გიორგი შენგელია - წელს მეტროპოლიტენის სრული ქსელის რეაბილიტაცია განხორციელდება

გიორგი შენგელია - წელს მეტროპოლიტენის სრული ქსელის რეაბილიტაცია განხორციელდება

access_time2020-01-28 23:50:00

მუნიციპალური განვითარების ფონდი წელს თბილისის მეტროპოლიტენის მთლიანი ქსელის რეაბილიტაციას განახორციელებს, – ამის შესახებ ფონდის ხელმძღვანელმა, გიორგი შენგელიამ საქართველოს პირველი არხის გადაცემა „ბიზნესპარტნიორში“ განაცხადა.



გადაცემაში საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის 2019 წლის საქმიანობა განიხილეს. ფონდმა გასული წლის შემაჯამებელი ანგარიში საზოგადოებას დღეს წარუდგინა.



გადაცემის მსვლელობისას აღინიშნა, რომ მუნიციპალური განვითარების ფონდი დაარსების დღიდან საქართველოში მოქმედ ყველაზე მსხვილ საერთაშორისო ფინანსურ ინსტიტუტებთან თანამშრომლობს და მისი საქმიანობის ძირითადი მიმართულებებია ტურისტული ინფრასტრუქტურის, საგზაო და სატრანსპორტო ინფრასტრუქტურის, ასევე წყლისა და სპორტული ინფრასტრუქტურის განვითარება და ქალაქების ურბანული განახლება.



ფონდის ხელმძღვანელის განმარტებით, წელს ფონდის პრიორიტეტად ტრადიციული მიმართულებები რჩება, თუმცა შედარებით მეტი აქცენტი ტურიზმსა და საგზაო ინფრასტრუქტურაზე გაკეთდება. ტურიზმის განვითარების კუთხით ფონდი ბაკურიანში ტურისტებისთვის სპეციალური კომფორტული ავტობუსების შეძენას აპირებს.




„წელს პრიორიტეტი ტრადიციული მიმართულებები იქნება. ეს პირველ რიგში არის ტურიზმი და საგზაო ინფრასტრუქტურა. საგზაო ინფრასტრუქტურის ქვეშ ცენტრალურ გზებსა და მაგისტრალებს არ ვგულისხმობ, ეს საგზაო დეპარტამენტის პრეროგატივა გახლავთ. ჩვენ შიდა მუნიციპალურ გზებზე, ორი ან რამდენიმე მუნიციპალიტეტის დამაკავშირებელ გზებზე ვზრუნავთ. ამით არა მარტო ადგილობრივებისთვის ვქმნით სიკეთეს, არამედ ახალ ტურისტულ მიმართულებებს ვასტიმულირებთ. ასე რომ, გზების მიმართულება შენარჩუნდება. ძალიან საინტერესო პროექტი გვაქვს სატრანსპორტო ინფრასტრუქტურის მიმართულებით. ექვს ქალაქში ვგეგმავთ ავტობუსების შეძენას. ბაკურიანის მიმართულებით ტენდერი მიმდინარეობს და ახლა შეფასების ეტაპზე ვართ. სპეციალურად ადაპტირებულ ავტობუსებს შევიძენთ, რომლითაც მოთხილამურეებს საშუალება ექნებათ, სათხილამურო ტრასებისკენ თავიანთი აღჭურვილობით კომფორტულად იმგზავრონ“, – განაცხადა შენგელიამ.



რაც შეეხება თბილისს, მუნიციპალური განვითარების ფონდის ხელმძღვანელის თქმით, დედაქალაქში მეტროპოლიტენის სრული ქსელის რეაბილიტაცია განხორციელდება, რომელსაც აზიის განვითარების ბანკი აფინანსებს.



„ამ ნაწილში მადლობა მინდა ვუთხრა აზიის განვითარების ბანკს, რომელიც ამ პროექტების ძირითადი დამფინანსებელია. მეტრო ფონდისთვის ახალი ობიექტი არ გახლავთ. რამდენიმე წლის წინ ახალი მეტროსადგურის მშენებლობა დავასრულეთ. ახლა რეაბილიტაცია მთლიანად მეტროპოლიტენის ქსელს ეხება. მოხდება ყველა ძალოვანი კაბელისა და სავენეტილაციო დანადგარების შეცვლა, რომელთა უმრავლესობა მწყობრიდან არის გამოსული“, – განუცხადა გიორგი შენგელიამ „ბიზნესპარტნიორს“.



1tv.ge









„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up