ინფორმაციას, თითქოს მინისტრად „მაკინზის“ მიერ ჩატარებული კვლევის გამო დანიშნეს-გიორგი ქობულია „ტოტალურ აბსურდს“ უწოდებს

ინფორმაციას, თითქოს მინისტრად „მაკინზის“ მიერ ჩატარებული კვლევის გამო დანიშნეს-გიორგი ქობულია „ტოტალურ აბსურდს“ უწოდებს

access_time2019-05-15 18:07:38

ეკონომიკისა და მდგრადი განვითარების ყოფილი მინისტრი გიორგი ქობულია „ტოტალურ აბსურდს“ უწოდებს გავრცელებულ ინფორმაციას, რომლის თანახმადაც, თითქოს მისი თანამდებობაზე დანიშვნა „მაკინზის“ მიერ ჩატარებული კვლევის გამო მოხდა.


როგორც ქობულიამ პარლამენტში, ღია ფორმატში შეხვედრისას განაცხადა, ნაშრომის გამო თანამდებობაზე მისი დანიშვნა არ მომხდარა.


„ბევრჯერ მსმენია და მედიაში საკმაოდ ხშირად ჟღერს, რომ ჩემი მოსვლის ერთ-ერთი ისტორია არის ისეთი, თითქოს იყო „მაკინზის“ მიერ გაკეთებული ნაშრომი, რომელიც მერე არ აღმოჩნდა ჩემი გაკეთებული, არამედ ვიღაც სხვის გაკეთებული იყო. მინდა სრული პასუხისმგებლობით გითხრათ, რომ ეს არის ტოტალური აბსურდი. ამის მაგვარი არაფერი ყოფილა. ასეთი ტიპის ისტორიებში რომ ჩავეძიოთ, ამ ისტორიაში რამდენიმე ტოტალური უაზრობაა. ნუთუ ვინმეს ჰგონია, რომ ნაშრომით ვინმეს სამსახურში აყვანა ხდება, მერე უი, არა შეგვეშალა, ისე არ ყოფილა და მოდით გავათავისუფლოთ? ეს ისტორია თავიდან ბოლომდე ფანტაზიაზეა აგებული. ნაშრომიც არ ყოფილა. ნიკა გილაურს ძალიან კარგად ვიცნობ და მისგანაც შეგიძლიათ მიიღოთ კომენტარი, რომ ეს არის ჩემთან აბსოლუტურად დაუკავშირებელი სისულელე. მიჭირს კიდევაც ავხსნა, ეს იმდენად აბსურდია“, - განაცხადა ქობულიამ.


რატომ შეაჩერა მმართველმა გუნდმა ქობულიაზე არჩევანი, ამასთან დაკავშირებით ეკონომიკის ყოფილი მინისტრი აცხადებს, რომ მმართველ გუნდს სჭირდებოდა ძლიერი ტექნოკრატი.


„რატომ მომიყვანეს, მე გეტყვით პირდაპირ - იყო ასეთი აზრი, რომ მმართველ გუნდს, შესაძლებელია პრემიერს, მმართველი პარტიის ხელმძღვანელს ჰქონდა აზრი, რომ ჩვენ ახლა სიტუაცია რომ გავასწოროთ, გვჭირდება ძლიერი ტექნოკრატები. ვინ არის ძლიერი ტექნოკრატი? საქართველოში ასეთი არავინ გვყავს. მოდით, მოვიძიოთ ძლიერი ტექნოკრატები საქართველოს ფარგლებს გარეთ. მე ვიყავი ერთ-ერთი ძალიან ძლიერი და სერიოზული კომპანიის უფროსი პარტნიორი. არავის არ გაუწევია ჩემთვის რეკომენდაცია. რა თქმა უნდა, ვიღაცებს ჰკითხეს, ვინ არის ეს კაცი. გაუგიათ საქართველოში ჩემი გვარი, ამ მთავრობისთვის, წინა მთავრობისთვის საქართველოში პროექტებიც მქონდა გაკეთებული, როგორც „მაკინზს“, ამიტომ იცოდნენ, რომ არის ასეთი პიროვნება. მომიწვიეს და გვქონდა შეხვედრები ერთხელ, ორჯერ, სამჯერ, მერე ერთი თვე ვისაუბრეთ, რა პრინციპებზე ავაგებდით მუშაობას. სერიოზული საუბრები იყო პრემიერ-მინისტრთან და პარტიის ხელმძღვანელთანაც. კონკრეტულ გადაწყვეტილებებს ვიხილავდით, აქ იყო საუბრები იმაზე, რომ ვებრძვით ნეპოტიზმს, არავის დავნიშნავთ ვინც არ იქნება ღირსეული, არ მოვაწერთ ისეთ ხელშეკრულებებს ხელს, რომელიც კერძო ბიზნესმენების ინტერესებშია. ეს პირობები ნალაპარაკები იყო და იყო ჩვენი შეთანხმება“, - განაცხადა ქობულიამ.





იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up