გიორგი ქობულია: სახელმწიფო კომპანიები მიკერძოებული გარიგებების და ნეპოტიზმის ბუდეს წარმოადგენენ

გიორგი ქობულია: სახელმწიფო კომპანიები მიკერძოებული გარიგებების და ნეპოტიზმის ბუდეს წარმოადგენენ

access_time2019-05-15 14:40:33

ეკონომიკის ყოფილი მინისტრი გიორგი ქობულია მთავრობას ეკონომიკის ზრდის ხელშეწყობის მიზნით, კონკრეტული მიმართულებებით მუშაობისკენ მოუწოდებს.


ამის შესახებ მან პარლამენტში დეპუტატების წინაშე სიტყვით გამოსვლისას ვრცლად ისაუბრა.


„თუ ჩვენ გვინდა, საექსპორტოდ გამიზნული ინვესტიციების მოზიდვა, უნდა უზრუნველვყოთ ის ინფრასტრუქტურა, რომელიც საშუალებას მისცემს ექსპორტიორებს დაბალ ფასში სწრაფად და იმედიანად გაიტანონ აქედან საქონელი“, - განაცხადა ყოფილმა მინისტრმა.


ქობულია თვლის, რომ მთავრობამ მეტი ყურადღება უნდა გაამახვილოს ინვესტორებისა და ბიზნესის ხელშეწყობაზე.


„პირველი, ეს არის სამუშაო ძალის კვალიფიკაციის ამაღლება და ტექნიკური განათლება. ჩვენი მუშახელის კვალიფიკაცია არის ძირითადი დამაბრკოლებელი ფაქტორი იმისთვის, რომ ახალი ინვესტორები შემოვიდნენ; შემდგომი, რაც მთავრობამ უნდა გააკეთოს, ეს არის საექსპორტო სატრანზიტო სატვირთო გადაზიდვების ეფექტური ინფრასტრუქტურის შექმნა. აქ ლაპარაკია იმაზე, რომ თუ ჩვენ გვინდა საექსპორტოდ გამიზნული ინვესტიციების მოზიდვა, უნდა უზრუნველვყოთ ის ინფრასტრუქტურა, რომელიც საშუალებას მისცემს ექსპორტიორებს დაბალ ფასში სწრაფად და იმედიანად გაიტანონ აქედან საქონელი. ჩვენ ვერ მოვიზიდავთ მსხვილ ინვესტიციებს მხოლოდ შიდა ბაზარზე ორიენტაციით.


ჩვენი შიდა ბაზარი არის მცირე და ღარიბი, იმიტომაც არის რომ, ვერ ვნახულობთ, რა ინვესტიციები შემოდის, არცერთი კომპანია არ არის მნიშვნელოვანი ინვესტიციის განმახორციელებელი.



განსაკუთრებული ყურადღება მინდა გავამახვილო ინვესტორებისა და ბიზნესის ხელშეწყობაზე. აუცილებელია, გააზრებული, სწრაფი გადაწყვეტილებების მიღება ნებართვების, ლიცენზიების, უძრავი ოქნების განკარგვის და სხვა საკითხების მიმართულებით; შემდგომი არის ბიზნესის ფინანსებზე წვდომის ინსტრუმენტების განვითარება. აქ არ არის საუბარი იმაზე, რომ ბიუჯეტის ფული ჩავადოთ ეკონომიკაში, აქ კაპიტალური ბაზრის კანონმდებლობის შექმნაზე, მოძრავი გირაო და გრძელვადიანი სესხების შექმნაზეა ლაპარაკი, რომელიც სოფლის მეურნეობას წაადგება.


ასევე, აუცილებელია მოსახლეობასთან აქტიური კომუნიკაცია, რომ მივიტანოთ მათთან მნიშვნელოვანი პროექტების და რეფორმების შესახებ სრული ინფორმაცია, იმისთვის, რომ მივიღოთ მათი მხარდაჭერა.


საჭიროა, სტრატეგიული სექტორების წახალისება სახელმწიფო შესყიდვებში პრეფერენციებით და სხვა შეღავათებით.


მნიშვნელოვანია, მსხვილი უცხოური კომპანიების შემოყვანა და მიზანმიმართული სტრატეგიის ქონა. ჩემი აზრით, მსხვილი უცხოური კომპანიების გარეშე საქართველო ვერ შეძლებს საერთაშორისო ეკონომიკაში სწრაფად ინტეგრირებას. ჩვენ უნდა გამოვიყენოთ ის სექტორები, სადაც გვაქვს საინვესტიციო მიმზიდველობა, რათა მოვიზიდოთ მოწინავე კომპანიები, რომლებიც შექმნიან პოზიტიურ იმიჯს, დაგვეხმარებიან, მოგვცემენ წვდომას ბაზრებზე და შედეგად მოგვეცმენ საშუალებას, საერთაშორისო ეკონომიკაში ინტეგრირებისას - ეს არის გენერაციის ობიექტების მშენებლობა, სახელმწიფო ინფრასტრუქტურა და ეს არის წიაღის სექტორი.


თუ ჩვენ გვგონია, რომ საქართველოში შეგვიძლია შემოვიყვანოთ მსხვილი კომპანიები სხვა სექტორებიდან, ეს ძალიან რთულია, იმიტომ რომ მიზეზი რატომაც უნდა შემოვიდნენ არ არის, შიდა ბაზარი მცირეა და ექსპორტზე ვერ გაიტანენ, ამიტომ უნდა დავიწყოთ იქიდან, საიდანაც რამეს შეთავაზება შეგვიძლია;


და ბოლო არის სახელმწიფო ქონების სწრაფი პრივატიზაცია და სახელმწიფო კომპანიების ეფექტიანობის ზრდა.


სახელმწიფო ქონების პრივატიზაციის ძირითადი მიზანი არის არა მხოლოდ ბიუჯეტში თანხების მოზიდვა, არამედ ამ ქონების ეკონომიკურ საქმიანობაში ჩართვა. ჯერ კიდევ საბჭოთა კავშირიდან შემოგვრჩა დიდი ქონება, რომელიც არ მონაწილეობს ეკონომიკაში. უნდა გადავცეთ ეს ქონება ბიზნესს, რომ  რაღაც დროულად შექმნან.



სახელმწიფო კომპანიები, რამდენადაც ცუდად არ უნდა ჟღერდეს, არავისთვის არ არის გასაკვირი, რომ ისინი დღესაც ჩვენი ეკონომიკის დიდ ნაწილს წარმოადგენენ და სამწუხაროდ, წარმოადგენენ არაეფექტურობის, მიკერძოებული გარიგებების და ნეპოტიზმის ბუდეს. კორპორატიზაციის და პრივატიზაციის გარეშე ჩვენ ამ პრობლემას ვერ გადავწყვეტთ“, - განაცხადა ქობულიამ პარლამენტში.



BMG






პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე

 პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე
access_time2019-07-18 18:30:47
“პრობლემა არა საგარეო-სავაჭრო ბალანსის დეფიციტია, არამედ მისი სიდიდე!”, – ამ სათაურით აქვეყნებს პოსტს საბანკო-საფინანსო საქმის ექსპერტი, პროფესორი გიორგი ცუცქირიძე სოციალურ ქსელში. პოსტს კომერსანტი უცვლელად გთავაზობთ: “პრობლემა არა საგარეო-სავაჭრო ბალანსის დეფიციტია, არამედ მისი სიდიდე! აღსანიშნავია, რომ ბოლო წლებში საგარეო სავაჭრო ბრუნვის ზრდასთან ერთად, იზრდებოდა წმინდა ექსპორტი და...

ჯიპიაი-მ ლოიალობის პროგრამა ეკოისტი დაიწყო

ჯიპიაი-მ  ლოიალობის პროგრამა ეკოისტი დაიწყო
access_time2019-07-18 16:00:27
მათთვის ვისაც ჯანსაღი ცხოვრების წესის დაწყება სურს „ჯიპიაი ჰოლდინგი“ მასშტაბურ ლოალობის პროგრამას იწყებს, სახელწოდებით „ეკოისტი“. პროგრამა მოიცავს განსაკუთრებულ პირობებს, როგორც დაზღვეულებისთვის, ისე ნებისმიერი სხვა მსურველისთვის.  რა არის ეკომონეტა? ამ მოძრაობაში მთავარი ადგილი უჭირავს „ეკომონეტას“, რომელსაც კომპაინიაში ჯანსაღი ცხოვრების ახალი ვალუტად მოიხსენიებენ. ჯანსაღი ცხოვრებისთვის დამახასიათებელი ქმედებების სანაცვლოდ...

უკრაინის ინფრასტრუქტურის მინისტრი: ჩინეთი არ იყენებს აბრეშუმის გზას

უკრაინის ინფრასტრუქტურის მინისტრი: ჩინეთი არ იყენებს აბრეშუმის გზას
access_time2019-07-18 19:00:28
რუსეთის მიერ შემოღებული სატრანზიტო შეზღუდვების გამო უკრაინული ექსპორტი 3 წლის მანძილზე ცენტრალურ აზიაში 10-ჯერ  შემცირდა. ჩინეთი არ იყენებს დიდი აბრეშუმის გზას და ძირითადად ახორციელებს სატვირთო გადაზიდვებს ყაზახეთის, რუსეთისა და ბელორუსიის გავლით - განაცხადა უკრაინის ინფრასტრუქტურის მინისტრმა ვიქტორ დოვგამა. „ჩინელებთან მიმდინარე მუდმივი მოლაპარაკებების მიუხედავად, ახალი აბრეშუმის გზა ჯერჯერობით არ მუშაობს. ამ ეტაპზე ის რჩება...

„ბორჯომი“ იწყებს რებრენდინგს

„ბორჯომი“ იწყებს რებრენდინგს
access_time2019-07-18 17:30:46
IDS Borjomi Russia-მ წარადგინა ბრენდ „ბორჯომი“-ს ინოვაციური რებრენდინგი. 100-წლიან ისტორიის მქონე მინერალური წყალი ალუმინის ქილაში გამოჩნდა, რაც ბრენდისთვის რევოლუციის ტოლფასია. ამით „ბორჯომმა“ დაიპყრო ახალგაზრდა აქტიური აუდიტორია. ამჟამად მოვიდა დრო კიდევ ერთი თამამი ნაბიჯისთვის - ბრენდის განუმეორებელი და თამამი ხასიათი გამოიხატება ორიგინალურ გაფორმებაში. ყველასთვის ნაცნობმა შეფუთვამ მიიღო ახალი დიზაინი, შეიცვალა ეტიკეტის ფორმა და...

სანაპიროზე, რესტორანი „არაგვის“ ნაცვლად, $100- მილიონიანი ახალი მრავალფუნქციური კომპლექსის კონცეფცია მუშავდება

სანაპიროზე, რესტორანი „არაგვის“ ნაცვლად,  $100- მილიონიანი ახალი მრავალფუნქციური კომპლექსის კონცეფცია მუშავდება
access_time2019-07-18 16:30:34
სანაპიროზე, რესტორანი „არაგვის“ ნაცვლად, ახალი მრავალფუნქციური კომპლექსის კონცეფცია შეიძლება შეიცვალოს. ამის შესახებ „კომერსანტს“ პროექტის განმახორციელებელი კომპანია „ლოიალ კაპიტალ გრუპის“ ვიცე-პრეზიდენტმა მინდია გადაევმა განუცხადა. მისი ინფორმაციით, ამ დროისთვის მიმდინარეობს ტერიტორიის კონცეპტუალური მასტერპლანის, კონცეფციის მომზადება, რომელზეც არქიტექტურული კომპანია spectrum-ი მუშაობს. „კონცეფცია რამდენიმე თვის წინ...


მსგავსი სიახლეები

up