გიორგი მარგველაშვილი:

გიორგი მარგველაშვილი: "მინდა, ეს დღეები ვაქციოთ საერთო ზეიმად" - 26 მაისს, თბილისს 6 ქვეყნის და ევროკომისიის პრეზიდენტი ეწვევა

access_time2018-05-16 15:33:00

საქართველოს პრეზიდენტი გიორგი მარგველაშვილი კამპანიის "დამოუკიდებლობიდან თავისუფლებისაკენ - პირველი რესპუბლიკის 100 წელი" ფარგლებში, თბილისის სახელმწიფო სამედიცინო უნივერსიტეტის სტუდენტებს შეხვდა.

საქართველოს პრეზიდენტმა მოუწოდა სტუდენტებსა და პროფესორებს ჩაერთონ ჩვენი ქვეყნისათვის ძალიან მნიშვნელოვანი თარიღის, 26 მაისის, დამოუკიდებლობის დღისა და პირველი რესპუბლიკის 100 წლის საიუბილეო თარიღის აღნიშვნაში.

 

"დიდი სურვილი მაქვს, რომ საზოგადოება ამ სიამაყის ზეიმის ირგვლივ გავერთიანდეთ. 26 მაისს თბილისს ეწვევა 6 ქვეყნის და ევროკომისიის პრეზიდენტი. ასეთი დიდი წარმომადგენლობითი ვიზიტი საქართველოს ჯერ არ ქონია და ეს ნათლად აჩვენებს იმ მხარდაჭერას, რომელიც ჩვენ სახელმწიფოს, ჩვენ ერს აქვს ჩვენი მეგობრებისგან.

 

მინდა, რომ ეს დღეები ვაქციოთ საერთო ზეიმის დღეებად და ყველა იყოს ამ პროცესში ჩართული. მინდა, რომ ეს იყოს ქართველი ხალხის სავიზიტო ბარათი ევროპისთვის, რას ვაფასებთ, როგორ შეგვიძლია ამის აღნიშვნა და რამდენად გულღია ვართ ჩვენი სიხარულის გაზიარებაში ჩვენი მეგობრების მიმართ”, - აღნიშნა გიორგი მარგველაშვილმა.

 

პრეზიდენტმა მოუწოდა სტუდენტებსა და პროფესორ- მასწავლებლებს მონაწილეობა მიიღონ პრეზიდენტის სარეზერვო ფონდის მიერ დაფინანსებულ ესეების კონკურსში, რომელიც სწორედ, პირველი რესპუბლიკის 100 წლის შეფასებას უკავშირდება და საკუთარი წვლილი შეიტანონ საქართველოსათვის ამ მნიშვნელოვანი პერიოდის გააზრებაში.


 

პრეზიდენტის განცხადებით, მომავალი თაობებისათვის ძალიან საინტერესო იქნება იმის გაგება, რას ფიქრობდა მისი წინაპარი - როგორ ხედავდა განვლილ 100 წელსა და როგორ წარმოედგინა მას საკუთარი ქვეყნის მომავალი.

 

გიორგი მარგველაშვილმა საქართველოს დამოუკიდებლობის პერიოდში პირველი რესპუბლიკის საქმიანობასა და მიღწევებზე ისაუბრა და ყურადღება გაამახვილა იმ პროგრესულ იდეებზე, რომლის საფუძველზეც ჩამოყალიბდა და შეიქმნა საქართველოს პირველი კონსტიტუცია.

 

"100 წლის წინ კიდევ ერთხელ აღდგა საქართველოს დამოუკიდებლობა. ურთულესი ისტორიის მანძილზე ქართულმა საზოგადოებამ პროგრესული გადაწყვეტილება მიიღო და დემოკრატიული რესპუბლიკა შექმნა, რომელმაც აჩვენა ერის კულტურული და პოლიტიკური ორიენტაცია და გარემოსთან სწრაფად ადაპტირების უნარი. პირველი რესპუბლიკიდან დღევანდელ დღემდე პროცესი გამოვაცხადე დამოუკიდებლობიდან თავისუფლებისაკენ სვლის პროცესად. დამოუკიდებლობა რაღაცისაგან გაქცევასა და თავის დაღწევას გულისხმობს, თავისუფლება კი, უფრო შემოქმედებითი პროცესია რაღაცის შექმნისა და კეთების პროცესი.

 

მჯერა რომ ერის მიზანი, და ის რამაც ამდენი საუკუნის განმავლობაში გადაგვარჩინა არის უნარის საკუთარის თავის იდენტიფიკაციის, და იმის, რომ მიხვდე ვინ ხარ და მომავალში რა ნაბიჯები უნდა გადადგა", - განაცხადა გიორგი მარგველაშვილმა.

 






გია ნოდია: ივანიშვილი აბუჩად იგდებს პრეზიდენტის ინსტიტუტს და "ოცნებას" არ ენოდბა

გია ნოდია: ივანიშვილი აბუჩად იგდებს პრეზიდენტის ინსტიტუტს და
person access_time2018-08-16 19:38:45
პოლიტოლოგი გია ნოდია აცხადებს, რომ ბიძინა ივანიშვილის გადაწყვეტილება რომ მმართველ პარტიას არ ჰყავდეს საკუთარი კანდიდატი საპრეზიდენტო არჩევნებზე ორმაგი აბუჩად აგდებაა. როგორც პოლიტოლოგი Facebook-ში წერს, ის ერთი მხრივ აბუჩად იგდებს პრეზიდენტის ინსტიტუტს, ხოლო მეორე მხრივ "ქართულ ოცნებას", რომელსაც უნდობლობას უცხადებს.   ბიძინა ივანიშვილის გადაწყვეტილება, არ დააყენოს კანდიდატი საპრეზიდენტო არჩევნებში, ორმაგი აბუჩად აგდებაა. ერთი მხრივ ის აბუჩად იგდებს პრეზიდენტის...

კომპანია „სფერო დეველოპმენტი“ „სვეტის“ წინააღმდეგ სამართლებრივ დავას იწყებს

კომპანია „სფერო დეველოპმენტი“  „სვეტის“ წინააღმდეგ სამართლებრივ დავას იწყებს
person access_time2018-08-16 18:31:58
 „სფერო დეველოპმენტი“, სამშენებლო კომპანია „სვეტის“ წინააღმდეგ, რომელთანაც მიმდინარე წლის მაისში ნასყიდობის  წინარე ხელშეკრულება გააფორმა, სამართლებრივ დავას...

პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს

 პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს
person access_time2018-08-16 20:00:00
ცოტა ხნის წინ საქართველოს პარლამენტის იურიდიულ საკითხთა კომიტეტის თავმდჯომარემ ლევან გოგიჩაიშვილმა „აზარტული თამაშების შესახებ“ კანონპროექტში მორიგი ცვლილებების შეტანა დაანონსა. როგორც ლევან გოგიჩაიშვილმა „კომერსანტს“ განუცხადა, აღმასრულებელ ხელისუფლებასთან უკვე შეთანხმებულია და მნიშვნლოვნად გადამუშავდება „ლატარიების, აზარტული და მომგებიანი თამაშობების მოწყობის შესახებ“ კანონში ცვლილებების საკანონმდებლო პაკეტი. ცნობილია, რომ  ცვლილებები პარლამენტის პლენარულ...

სებ: ლარი 3 თეთრით გამყარდა

სებ: ლარი 3 თეთრით გამყარდა
person access_time2018-08-16 16:53:00
...

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება
person access_time2018-08-16 16:55:31
შრომის ინსპექტორის უფლებები გაიზრდება და  უსაფრთხოების კონტროლს  ეკონომიკური საქმიანობის ყველა სფერო დაექვემდებარება.  ეს იმას ნიშნავს, რომ 1 აგვისტოდან ამოქმედებული ნორმები მხოლოდ  მომეტებული საფრთხის შემცველ, მძიმე, მავნე და საშიშპირობებიან სამუშაოებზე არ...


მსგავსი სიახლეები

up