გიორგი კვრიკაშვილი: ახალგაზრდების წარმოდგენაში პოსტსაბჭოთა აზროვნება მაინც არსებობს, ახალგაზრდები საჭიროებენ ბიზნესზე ორიენტირებულ ცოდნას

გიორგი კვრიკაშვილი: ახალგაზრდების წარმოდგენაში პოსტსაბჭოთა აზროვნება მაინც არსებობს, ახალგაზრდები საჭიროებენ ბიზნესზე ორიენტირებულ ცოდნას

access_time2016-02-26 17:15:00

ჩვენ უნდა გავაერთიანოთ საზოგადოება პოზიტიური მიზნების გარშემო, დავძლიოთ პოლარიზაცია და მივაღწიოთ კონსენსუსს საზოგადოებაში და ბიზნესსაზოგადოების წარმომადგენლებს შორის, - ამის შესახებ პრემიერ-მინისტრმა გიორგი კვირიკაშვილმა ამერიკის სავაჭრო პალატის წარმომადგენლებთან შეხვედრაზე განაცხადა. 

 

მთავრობის ადმინისტრაციის პრესსამსახურის ინფორმაციით, პრემიერი ამერიკის სავაჭრო პალატის მიერ გამართულ სამუშაო სადილს დაესწრო, რომელზეც ბიზნესის, დიპლომატიური კორპუსისა და საერთაშორისო ორგანიზაციების წარმომადგენლები იმყოფებოდნენ და მათ ქვეყნის განვითარებისა და რეფორმების დღის წესრიგი გააცნო.

 

გიორგი კვირიკაშვილი მიიჩნევს, რომ ბოლო რამდენიმე წელი ძალიან წარმატებული იყო საქართველოსთვის, ვინაიდან ხელი მოეწერა ევროკავშირთან ასოცირების ხელშეკრულებას, ჩატარდა ასოცირების საბჭოს სხდომები ევროკომისიასთან ერთად, გრძელდება ყოვლისმომცველი რეფორმების განხორციელება.

 

"ჩვენი მიზანია საქართველოს განვითარება და მისი ევროპულ ქვეყანად ჩამოყალიბება, რომელსაც აქვს ევროპული კანონები და რეგულაციები, ნაკლები ბიუროკრატია, მომგებიანი გეოგრაფიული მდებარეობა, დაბალი ფასები ენერგორესურსებზე და, რასაკვირველია, თავისუფალი ვაჭრობის შეთანხმება ყველა მეზობელ ქვეყანასთან, ევროკავშირთან. ახლახან ჩვენ დავიწყეთ თავისუფალი ვაჭრობის შეთანხმების შესახებ მოლაპარაკებები ჩინეთთან. იმედია, წლის ბოლომდე მივაღწევთ წარმატებას ამ მხრივ. ყოველივე ზემოთქმულის წყალობით, საქართველო არის განსაკუთრებული ქვეყანა რეგიონში. ჩვენ ვახორციელებთ მნიშვნელოვან რეფორმებს ჩვენი ევროატლანტიკური მისწრაფებების ხორცშესასხმელად. ჩვენ ასევე ვუახლოებთ ჩვენს შეიარაღებულ ძალებს ნატო-ს სტანდარტებს, ვმონაწილეობთ რა მის სამშვიდობო მისიებში და მოუთმენლად ველოდებით ვარშავის სამიტს, რათა კიდევ უფრო დავუახლოვდეთ ნატო-ს. ჩრდილოელ მეზობელთან კონსტრუქციული მიდგომის წყალობით, ჩვენ მივაღწიეთ სტაბილურობას, რაც გვაძლევს საშუალებას, უფრო დავუახლოვდეთ ევროპასა და ნატო-ს", - განაცხადა გიორგი კვირიკაშვილმა სიტყვით გამოსვლისას. 



მისივე თქმით, ხელისუფლება მუშაობს 4-პუნქტიანი რეფორმების გეგმაზე. საქართველოს მთავრობამ უკვე განიხილა და მოიწონა მოგების გადასახადების გაუქმების ინიციატივა (ესტონური მოდელი), რაც გაზრდის კომპანიების ფინანსური რესურსების ხელმისაწვდომობას და ხელს შეუწყობს რეინვესტირებას. 


"რაც კიდევ უფრო მნიშვნელოვანია, ჩვენ გავატარებთ გადასახადების ადმინისტრირების რეფორმას, რათა ეს სისტემა მომხმარებელზე იყოს ორიენტირებული. საგადასახადო ინსპექტირება განხორციელდება მკაცრად დადგენილ ვადებში და მას განახორციელებს მხოლოდ საგადასახადო უწყება. ხოლო, ანგარიშების დაყადაღება განხორციელდება სასამართლოს გადაწყვეტილების საფუძველზე. გარდა ამისა, დღგ მოიხსნება იმპორტირებულ ტექნიკაზე. ჩვენ ასევე ვმუშაობთ ეკონომიკური დარღვევების დეკრიმინალიზაციაზე. ჩვენი რეფორმების მნიშვნელოვანი ნაწილია დამწყები ბიზნესების მხარდაჭერა. საქართველო აღარ არის პოსტსაბჭოთა ქვეყანა, მაგრამ ახალგაზრდების წარმოდგენაში პოსტსაბჭოთა აზროვნება მაინც არსებობს. ახალგაზრდები საჭიროებენ ბიზნესზე ორიენტირებულ ცოდნას. ამის მაგალითია ტექნოლოგიური პარკი, რომელიც დაეხმარება მათ ბიზნესზე ყურადღების გამახვილებაში. ამ პარკს ჩვენ ასევე გამოვიყენებთ ახალგაზრდების დამწყები ბიზნესების ხელშესაწყობად", – აღნიშნა პრემიერმა.


გიორგი კვირიკაშვილის განმარტებით, რეფორმების პროცესის მნიშვნელოვან ნაწილს სახელისუფლებო ინსტიტუტებსა და კერძო სექტორს შორის კომუნიკაციის გაუმჯობესება წარმოადგენს. ამ მიზნით, საქართველოს მთავრობა აქტიურად მუშაობს ე.წ. ფრონტ-ოფისის შექმნაზე, რომელიც ერთი ფანჯრის სისტემით მიაწვდის საჯარო მომსახურებას იურიდიულ და კერძო პირებს. 


"რეფორმების დღის წესრიგის კიდევ ერთი ბლოკი მოიცავს ინფრასტრუქტურული პროექტების დაჩქარებას. მაგალითად, აღმოსავლეთ-დასავლეთის გზატკეცილი, ასევე სხვა გზატკეცილების მშენებლობა, რომლებიც ქვეყნის სხვადასხვა კუთხეს აკავშირებს ერთმანეთთან და მეზობელ ქვეყნებთან, უფრო დაჩქარებული ტემპით განხორციელდება. ასევე დაჩქარდება სხვა პროექტების განხორციელება. მეოთხე ბლოკი კი ეხება განათლებას, ლაპარაკია გერმანული მოდელის შემოღებაზე", – განაცხადა პრემიერმა.


გიორგი კვირიკაშვილის განცხადებით, საქართველოს მთავრობა ქვეყანაში კაპიტალის მნიშვნელოვანი ბაზრის შექმნასა და საპენსიო რეფორმას გეგმავს. პრემიერის თქმით, რეფორმები წარმატებული ვერ იქნება კერძო სექტორისა და ბიზნესსაზოგადოების მხარდაჭერის გარეშე. მან მადლობა გადაუხადა ამერიკის სავაჭრო პალატას და მის პრეზიდენტს, სარა ვილიამსონს თანამშრომლობისთვის. ამერიკის სავაჭრო პალატის პრეზიდენტმა სარა ვილიამსონმა საქართველოს ხელისუფლებას რეფორმების განხორციელებაში წარმატებები უსურვა და სრული მხარდაჭერა აღუთქვა. 



„ლიბერთი ბანკსა“ და „ევექსი კლინიკებს“ შორის ურთიერთთანამშრომლობის მემორანდუმი გაფორმდა

„ლიბერთი ბანკსა“ და „ევექსი კლინიკებს“ შორის ურთიერთთანამშრომლობის მემორანდუმი გაფორმდა
access_time2020-01-21 12:25:09
დღეიდან, ლიბერთის სოციალური ბარათის მფლობელები, მთელი საქართველოს მასშტაბით ევექსი კლინიკების ქსელში ამბულატორიულ და სტომატოლოგიურ მომსახურებას 50%-მდე ფასდაკლებით მიიღებენ. ლიბერთის და ევექსი კლინიკების ერთობლივი სოციალური პასუხისმგებლობის უპრეცენდენტო მასშტაბის პროექტის ფარგლებში, სოციალური ბარათის მფლობელები, მათ შორის პენსიის მიმღები პირები, ამბულატორიულ და სტომატოლოგიურ სერვისებზე სპეციალურად მათთვის შემუშავებული, ყველაზე მაღალი ფასდაკლებით...

ახალი ვირუსი ჩინეთში - ემუქრება თუ არა საქართველოს საფრთხე

ახალი ვირუსი ჩინეთში - ემუქრება თუ არა საქართველოს საფრთხე
access_time2020-01-21 14:25:29
დგას თუ არა მსოფლიო ახალი ეპიდემიის წინაშე?- ჩინეთში კორონა ვირუსით 2 ადამიანი გარდაიცვალა, სამი კი მძიმე მდგომარეობაშია.მიუხედავად იმისა, რომ  ჯანდაცვის მსოფლიო ორგანიზაცია ვირუსის გამო საერთასორისო ვაჭრობისა და მიმოსვლის აკრძალვას საჭიროდ არ მიიჩნევს, 22 იანვარს ორგანიზაციის წევრები იკრიბებიან და საკითხზე იმსჯელებენ. საქართველო-ჩინეთს შორის ხშირი ავიარეისები სრულდება,თუმცა,  პროვინციასთან, სადაც ...

კომერციული ბანკების მოგება 48.5 მლნ ლარით გაიზარდა

კომერციული ბანკების მოგება 48.5 მლნ ლარით გაიზარდა
access_time2020-01-21 12:25:30
2019 წლის დეკემბერში კომერციული ბანკების წმინდა მოგებამ 132,019 მლნ ლარი შეადგინა, რაც წინა თვესთან შედარებით, 48,462 მლნ ლარით, ხოლო წინა წლის ანალოგიურ პერიოდთან შედარებით 12,916 მლნ ლარით მეტია.კერძოდ, ეროვნული ბანკის ვებ-გვერდზე გამოქვეყნებული სტატისტიკის მიხედვით, 2018 წლის დეკემბერში ბანკების წმინდა მოგება/ზარალი 119,103 მლნ ლარი, ხოლო 2019 წლის ნოემბერში - 83,557 მლნ იყო. ამასთან, გასული წლის დეკემბერში, ბანკების შემოსავლებმა 452,796 მილიონი ლარი, ხოლო ხარჯებმა...

თემურ ბასილია: „კაზინოების ინკოგნიტო ბარათი უკვე პრაქტიკულად ფულის გათეთრებაა“

თემურ ბასილია: „კაზინოების ინკოგნიტო ბარათი უკვე პრაქტიკულად ფულის გათეთრებაა“
access_time2020-01-21 10:45:48
„კაზინოების ინკოგნიტო ბარათები სერიოზულ საფრთხეს წარმოშობს ფულის გათეთრების მიმართებაში და ამიტომაც, მისი გამოყენება დაუშვებლად მიმაჩნია“-ამის შესახებ „კომერსანტს“ აშშ-ში მცხოვრებმა ფინანსისტმა, აშშ-ის საგადასახადო სამსახურის მიერ ლიცენზირებულმა ექსპერტმა თემურ ბასილიამ განუცხადა. მისი ინფორმაციით, ეს ეხება არა მხოლოდ კაზინოსთან დაკავშირებულ ბარათებს, არამედ ყველა...

ქართული მიკროავტობუსების მწარმოებელი ქარხნის მშენებლობის ბედი გაურკვევლია

ქართული მიკროავტობუსების მწარმოებელი ქარხნის მშენებლობის ბედი გაურკვევლია
access_time2020-01-21 13:20:34
რამდენიმე თვის წინ კახა კალაძემ თბილისში მიკროავტობუსების წარმოების შესაძლო დაწყება დააანონსა.  „კომერსანტი“ დაინტერესდა რა ეტაპზე პროექტი, რომელშიც დედაქალაქის მერის ინფორმაციით, ინვესტორი  $30 მილიონის  ჩადებას გეგმავდა. როგორც ცნობილია ქარხნის მშენებლობასთან დაკავშირებით ინვესტორთან მოლაპარაკებებს „თბილისის მიკროავტობუსი“ აწარმოებს. დღეს კომპანიაში აცხადებენ, რომ მიმდინარეობს პროექტზე მუშაობა. „კომერსანტის“ კითხვაზე -ვისთან მიმდინარეობს...


მსგავსი სიახლეები

up