გიორგი კვირიკაშვილი: საქართველოში დაწყებულია სოფლის ფეხზე წამოდგომის შეუქცევადი პროცესი

გიორგი კვირიკაშვილი: საქართველოში დაწყებულია სოფლის ფეხზე წამოდგომის შეუქცევადი პროცესი

access_time2016-06-02 17:30:16

საქართველოში დაწყებულია სოფლის ფეხზე წამოდგომის შეუქცევადი პროცესი, რაც ძალიან მნიშვნელოვანია, რადგან სოფლის ძლიერებაზეა დამოკიდებული ჩვენი ქვეყნის ძლიერება, - ეს განცხადება საქართველოს პრემიერ-მინისტრმა გიორგი კვირიკაშვილმა გურჯაანში, შპს „BOLERO & COMPANY“-ს და შპს „გრუზვინპრომის“ ალკოჰოლური სასმელების ქარხნის პრეზენტაციაზე სიტყვით გამოსვლისას განაცხადა.

 

მთავრობის მეთაურის თქმით, სოფლის მეურნეობის განვითარება ხელისუფლების ერთ-ერთი უმთავრესი პრიორიტეტია და ამ მიმართულებით ბოლო წლებში განხორციელებული  არაერთი მნიშვნელოვანი პროექტის მეშვეობით, 1000-ზე მეტი საწარმო გადაიარაღდა, ასევე, გაიხსნა ახალი საწარმოები.

 

„მეღვინეობა და მევენახეობა საქართველოსთვის ისტორიულად ერთ-ერთი ყველაზე მნიშვნელოვანი დარგია, რომელმაც ჩვენი ქვეყნის იდენტობა დღემდე შემოინახა და ამდენად, ჩვენთვის უაღრესად მნიშვნელოვანია ამ დარგის განვითარება. მოხარული ვარ, რომ ეს საწარმო გაიხსნა. უკანასკნელი წლების განმავლობაში ძალიან დიდ წარმატებას მივაღწიეთ - 6 ათას ჰექტარზე მეტი ახალი ვენახია გაშენებული ბოლო 3 წლის განმავლობაში, რაც ფანტასტიური მაჩვენებელია იმისა, რომ საქართველოს სოფელი ფეხზე წამოდგომას იწყებს. ეს არის მიზანმიმართული პოლიტიკის შედეგი, რომელსაც ჩვენ ვახორციელებთ. ბოლო 3 წლის განმავლობაში 400 მილიონ ლარზე მეტი შევიდა საქართველოს ოჯახებში, მათ შორის, კახეთში, რაჭა-ლეჩხუმსა და სხვა რეგიონებში, სადაც მევენახეობა-მეღვინეობის ძალიან მზარდი დინამიკაა და ეს ტენდენცია მომავალშიც შენარჩუნდება“, - განაცხადა პრემიერმა და აღნიშნა, რომ ეს არის სოფლად წელმაგარი, წელში გამართული ოჯახების არსებობის საწინდარი, რაც ქვეყნის ძლიერების წინაპირობაა.

 

გიორგი კვირიკაშვილის თქმით, მთავრობა განსაკუთრებული ყურადღებით მიუდგება რეალიზაციის საკითხს. უკვე შექმნილია სპეციალური ინსტიტუტი ექსპორტის წახალისებისთვის, რომელიც უახლოეს თვეებში დაიწყებს ფუნქციონირებას და გამოყოფილია ათობით მილიონი სპეციალური რესურსი საქართველოს ღვინის ექსპორტის წახალისებისთვის. პრემიერის შეფასებით, მნიშვნელოვანია ქართული ღვინის რეალიზაციის დივერსიფიკაცია, ახალი ბაზრების ათვისება, რაც ბოლო წლებში აქტიურად ხორციელდება.

 

„ჩვენთვის, რა თქმა უნდა, მნიშვნელოვანია ტრადიციული ბაზარი რუსეთის სახით, მაგრამ ვითვისებთ ახალ ბაზრებს, როგორიცაა დამოუკიდებელ სახელმწიფოთა თანამეგობრობის ქვეყნები, ასევე - ჩინეთის ბაზარს. ჩვენთვის უაღრესად მნიშვნელოვანია, რომ ჩვენ გვაქვს ევროპასთან თავისუფალი სავაჭრო შეთანხმება და ევროპის ბაზარზე ქართული ღვინო სულ უფრო და უფრო ცნობადი ხდება, ასევე აშშ-ში იზრდება ქართული ღვინის რეალიზაცია და ჩვენი სახელმწიფოს, მთავრობის მიზანდასახული ქმედებებით, მივაღწევთ რეალიზაციის დივერსიფიკაციას“, - აღნიშნა პრემიერმა.

 

მთავრობის მეთაურმა ბორდოში განხორციელებულ ვიზიტზე ისაუბრა. პრემიერის შეფასებით, უაღრესად საამაყოა, რომ მსოფლიო მეღვინეობის ბიზნესის ცენტრის, ბორდოს ღვინის ცივილიზაციათა მუზეუმში, რომელიც 31 მაისს გაიხსნა, საქართველოსთვის სპეციალური ადგილი გამოიყოფა, ხოლო მომავალ წელს მთელი სეზონი ქართულ ღვინოს და მეღვინეობას მიეძღვნება.


 

„საქართველოს ექნება საშუალება, ბორდოში წარმოადგინოს ქართული მეღვინეობის მიმართულება, როგორც აკვანი მსოფლიო მეღვინეობის ცივილიზაციისა. ჩვენთვის უაღრესად საამაყოა, რომ საფრანგეთის პრეზიდენტი და ბორდოს მერი თავიანთ გამოსვლაში ახსენებენ, რომ საქართველო მეღვინეობის ცივილიზაციის აკვანია. ეს არის უდიდესი მიღწევა“, - განაცხადა პრემიერმა და ამ უდიდეს მოვლენაში შეტანილი წვლილისთვის მადლობა გადაუხადა სოფლის მეურნეობის მინისტრს, ქართველ მეღვინეებს, „შუხმან ვაინსის“ და სხვა კომპანიების წარმომადგენლებს, დიპლომატიურ მისიებს.

 

პრემიერმა გაიხსენა 2000 წელი, როდესაც ლონდონში, ვინოპოლისის მუზეუმში პირველად გაიხსნა საქართველოს დარბაზი - „საქართველო - ღვინის ცივილიზაციის აკვანი“ და ის, რომ ეს ევროპაში პირველად დაფიქსირდა, კომპანია „ჯი ვი ეს“-ის და ლევან გაჩეჩილაძის დამსახურება იყო.  გიორგი კვირიკაშვილი დარწმუნებულია, რომ წინ კიდევ ბევრი წარმატებაა და კერძო ინიციატივების დახმარებით, შესაძლებელი იქნება, საქართველო გახდეს ერთ-ერთი ყველაზე პატივსაცემი და ცნობადი მეღვინეობის ქვეყანა მსოფლიოში, რადგან ბევრმა ეს არ იცის.

 

მთავრობის მეთაურმა განსაკუთრებული მადლობა გადაუხადა საქართველოს ეკლესიას იმისთვის, რასაც ის ქართული მეღვინეობის უძველესი ტრადიცების შენარჩუნებისა და მსოფლიო მასშტაბით ამ ტრადიციების გასატანად აკეთებს.

 

„ძალიან მნიშვნელოვანია ავთენტურობის შენარჩუნება და ამისთვის ქართული ეკლესია დღეს ძალიან ბევრს იღწვის, რისთვისაც მინდა, დიდი მადლობა გადაგიხადოთ“, - მიმართა პრემიერმა ქარხნის პრეზენტაციაზე მყოფ მეუფეებს.

 

მთავრობის მეთაურმა ასევე მადლობა გადაუხადა კომპანია „ბოლეროს“ ხელმძღვანელობას. გიორგი კვირიკაშვილის თქმით, მთავრობის პრინციპია, რომს ახელმწიფო არ უნდა უწევდეს კონკურენციას კერძო ბიზნესს და ამ პრინციპიდან გამომდინარე მოხდა სახელმწიფო მფლობელობაში არსებული ქარხნის პრივატიზაცია, რომელსაც დღეს კერძო მეპატრონე ჰყავს.

 

პრემიერ-მინისტრი დარწმუნებულია, რომ კომპანია ბევრს გააკეთებს არა მხოლოდ საკუთარი სახელის ქვეყნის ფარგლებს გარეთ გასატანად, არამედ მსოფლიოს მასშტაბით საქართველოს მეღვინეობის წარმოჩენისათვის.

 

პრემიერ-მინისტრმა ახლად გახსნილი საწარმო დაათვალიერა, ასევე კომპანიის მიერ წარმოებული ღვინო და ბრენდი დააგემოვნა.

 

„Bolero & Company“ 2012 წელს დაარსებული წარმატებული კომპანიაა, რომელმაც  მოღვაწეობა საკონიაკე სპირტების წარმოების სფეროში დაიწყო და მალე ლიდერი პოზიცია დაიკავა საექსპორტო ბაზარზე. ამჟამად კომპანია წარმატებით ახორციელებს ჩამოსხმული პროდუქციის - ღვინისა და ბრენდის ექსპორტს რუსეთის, უკრაინის, ჩინეთის ბაზრებზე.



ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up