გიორგი კაკაურიძე - აბსოლუტურად სწორია „ოქროს სიასთან“ დაკავშირებული გადაწყვეტილება  და ეს ჩვნი ეკონომიკისთვის წინგადადგმული ნაბიჯი იქნება

გიორგი კაკაურიძე - აბსოლუტურად სწორია „ოქროს სიასთან“ დაკავშირებული გადაწყვეტილება და ეს ჩვნი ეკონომიკისთვის წინგადადგმული ნაბიჯი იქნება

access_time2019-06-12 23:55:41

ფინანსთა მინისტრის მოადგილე გიორგი კაკაურიძე ე.წ. ოქრის სიასთან დაკავშირებით მიღებულ გადაწყვეტილებაზე საუბრისას საგადასახადო რეფორმებზე ამახვილებს ყურადღებას.მისი თქმით, მოგების გადასახადის რეფორმის კუთხით მნიშვნელოვანი ნაბიჯი გადაიდგა, ასევე მნიშვნელოვანი იყო დამატებული ღირებულების გადასახადის დაბრუნება.


„იყო მოგების გადასახადის რეფორმა, რომელმაც საკმაოდ დიდი მოცულობის ფულის დეფიციტი, თუ რომელიმე კომპანიას ჰქონდა, გამოუსწორა. მეორე თემა არის დამატებული ღირებულების გადასახადის დაბრუნება. ჩვენ გვქონდა სიტუაცია, როდესაც განსაკუთრებით საშუალო და მცირე ბიზნესი ვერ ახერხებდა, რომ დამატებული ღირებულების გადასახადი, რაც გადახდილი ჰქონდა, უკან დაებრუნებინა. სწორედ ეს იწვევდა ფინანსურ დეფიციტს ნაღდ ფულთან. ეს პრობლემა მოგვარდა და საერთოდ პირველი ივლისიდან ავტომატურ რეჟიმში გადადის დღგ-ის დაბრუნება, რაც მნიშვნელოვნად გააუმჯობესებს ფინანსებზე წვდომას კომპანიებს“, – განაცხადა გიორგი კაკაურიძემ.


გიორგი კაკაურიძის თქმით, ე.წ. ოქროს სიასთან დაკავშირებით მხოლოდ მსხვილი კომპანიებისთვის შეღავათის არსებობა არ იყო მისაღები, ვინაიდან არათანაბარ პირობებში აყენებდა დაახლოებით 50 000 კომპანიას, ანუ 200 კომპანია სარგებლობდა უპირატესობით, რაც არ ჰქონდა 50 000 კომპანიას.


მისი თქმით, დღეს პარლამენტში ფრაქცია „ნაციონალური მოძრაობის“ სხდომაზეც იყო საუბარი, თითქოს ყველა კომპანიაზე გავრცელებულიყო შეღავათი, მაგრამ კაკაურიძის განცხადებით, ეს გამორიცხულია.„თუ ყველას მივცემთ 30 დღიან შეღავათს, მაშინ გამოვა, რომ საგადასახადო სისტემა უნდა მოვშალოთ ქვეყანაში და, რა თქმა უნდა, ამას ვერ დავუშვებთ“, – განაცხადა კაკაურიძემ.


რაც შეეხება შეღავათების შენარჩუნებას ხორბლის იმპორტიორებისთვის, კაკაურიძე განმარტავს, რომ ხორბალი განსხვავებული პროდუქტია.„მარაგები ქვეყანაში აუცილებელია. სახელმწიფოს მოთხოვნაა, ქვეყანაში ხორბლის მარაგები არსებობდეს და შესაბამისად, ამ ნაწილში იყოს გარკვეული შეღავათი. მარაგზე გადასახადი წინასწარ არ უნდა გადაიხადოს“, – განაცხადა კაკაურიძემ.


რაც შეეხება ბიზნესთან კომუნიკაციის მხრივ დასმულ კითხვას, კაკაურიძის შეფასებით, შესაძლოა, ბიზნესთან კომუნიკაცია ადრე უნდა ყოფილიყო, მაგრამ მიღებული გადაწყვეტილება აბსოლუტურად სწორია და ეს საქართველოს ეკონომიკისთვის წინგადადგმული ნაბიჯი იქნება.


ფინანსთა მინისტრის, ივანე მაჭავარიანის ბრძანებით, ე.წ. ოქროს სიაში მყოფი კომპანიებისთვის იმპორტის გადასახდელების გადახდის ვადასთან დაკავშირებული შეღავათი გაუქმდა. შემოსავლების სამსახურის განმარტებით, იმპორტის გადასახდელების გადახდის ხუთდღიანი ვადა გავრცელდება „ოქროს სიის“ მონაწილის კუთვნილ საქონელზე, ნაცვლად ცვლილებამდე მოქმედი 30-დღიანი ვადისა, წინასწარ (საქონლის შემოტანამდე) დეკლარირებულ საქონელზე, ნაცვლად ცვლილებამდე მოქმედი 15-დღიანი ვადისა და დეკლარანტის მიერ შევსებული და რეგისტრირებული დეკლარაციით გაფორმებისას, ნაცვლად ცვლილებამდე მოქმედი 10-დღიანი ვადისა. ამასთან, „ოქროს სიის“ მონაწილე კომპანიისთვის ხორბალზე იმპორტის გადასახდელების გადახდის 45-დღიანი ვადა შენარჩუნდება.


1tv.ge






„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up