გიორგი კაკაურიძე - 2020-2021 წლებში თამბაქოს იმპორტზე აქციზის ზრდა არ იგეგმება

გიორგი კაკაურიძე - 2020-2021 წლებში თამბაქოს იმპორტზე აქციზის ზრდა არ იგეგმება

access_time2019-10-05 10:00:29

2020-21 წლებში თამბაქოს იმპორტზე აქციზის ზრდა არ იგეგმება, – ამის შესახებ ფინანსთა მინისტრის მოადგილე გიორგი კაკაურიძემ საქართველოს პირველი არხის გადაცემა „ბიზნესპარტნიორის“ პირდაპირ ეთერში განაცხადა.

 

გადაცემაში 2020 წლის ბიუჯეტის პროექტის მთავარი პარამეტრები და პრიორიტეტები განიხილეს, რომელიც განსახილველად უკვე პარლამენტშია წარდგენილი. დისკუსიის დროს გადაცემის თანაწამყვანი და ბიზნესომბუდსმენის მოადგილე ლევან კალანდაძე დაინტერესდნენ, თამბაქოს იმპორტზე აქციის ზრდის გრძელვადიანი გრაფიკის შემუშავება რა ეტაპზეა.

 

ფინანსთა მინისტრის მოადგილის განმარტებით, ის აღნიშნულ პროცესში უშუალოდ ჩართული არ არის, თუმცა სავარაუდოდ არც 2020 და არც 2021 წელს აქციზის განაკვეთი არ გაიზრდება, რადგან ამის რესურსი არ არსებობს.

 

„სამუშაო ვერსია [თამბაქოს იმპორტზე აქციზის ზრდას გრძელვადიანი გრაფიკი] იმპორტიორებთან იყო გაგზავნილი. სამწუხაროდ, თავად არ ვარ ჩართული ამ პროცესებში. როგორც ვიცი, მათგან იყო გარკევული ინიციატივა, რომ კონკრეტული განაკვეთები ყოფილიყო შემოთავაზებული. სამუშაო ვერსია მათთანაც იყო გაგზავნილი იმის შესახებ, ჩვენ რას ვფიქრობთ, თუ როგორ უნდა მოხდეს იმ ვალდებულებების შესრულება რომელიც გვაქვს [ევროკავშირთან ასოცირების ხელშეკრულების ფარგლებში]. ამ ვალდებულებებს იმ პერიოდში ალბათ ვერ შევასრულებთ და უფრო გრძელვადიან პერიოდს მოვითხოვთ მათ შორის ევროკავშირთან, თუმცა საბოლოო ჯამში შეჯერებული პოზიციით იქნება. მაგრამ აქციზის მიმართულებით მომავალ წელს დამატებითი ზრდის რეალურ რესურსს ვერ ვხედავთ და ვფიქრობ, რომ არც 2020 და არც 2021 წელს დამატებითი ზრდა არ იქნება“, – განმარტა ფინანსთა მინისტრის მოადგილემ.



მისივე განცხადებით, მთავრობა ბიზნესს ჰპირდება, რომ მომავალ წელს ისეთ საკანონმდებლო ცვლილებებს არ მიიღებს, რაც კერძო სექტორისთვის სიურპირზი იქნება. იმ შემთხვევაში თუ, საკანონმდებლო ცვლილებები მაინც საჭირო გახდა, მთავრობა ბიზნესს სულ მცირე ექვსი თვით ადრე შეატყობინებს.

 

გადაცემაში 2020 წლის ბიუჯეტის პროექტის მთავარი პარამეტრები და პრიორიტეტები განიხილეს, რომელიც განსახილველად უკვე პარლამენტშია წარდგენილი. გადაცემის თანაწამყვანმა და ბიზნესომბუდსმენის მოადგილე ლევან კალანდაძემ აღნიშნეს, რომ  ფინანსთა მინისტრი ივანე მაჭავარიანი ბიზნესს დაჰპირდა, რომ მომავალ წელს სიურპრიზები აღარ იქნება, რაც მათი აზრით, ერთგვარი აღიარებაა, იმისა რომ მთავრობასა და ბიზნესს შორის კომუნიკაციის პრობლემა გარკვეულწილად იყო.

 

ბიზნესომბუდსმენის მოადგილემ გადაცემის სტუმარს ბოლო პერიოდში გატარებული რამდენიმე საკანონმდებლო ცვლილება გაახსენა, რომელიც მთავრობამ ისე შემოიღო, რომ ეს ბიზნესისთვის სიურპრიზი აღმოჩნდა. ასეთ ცვლილებებს შორის კალანდაძემ ე.წ. „ოქროს სიის“ გაუქმებაც დაასახელა, რომელიც მსხვილი ბიზნესისთვის გარკვეულ საგადასახადო შეღავათს გულისხმობდა და მისმა მოულოდნელმა გაუქმებამ ბიზნესს გარკვეული პრობლემები შეუქმნა.

კაკაურიძე ბიზნესს ჰპირდება, რომ მომავალ წელს მსგავსი საკანონმდებლო ცვლილებები არ იქნება, ხოლო თუ ამის საჭიროება მაინც დადგა, ბიზნესი ამის შესახებ სულ მცირე ექვსი თვით ადრე შეიტყობს.

 

„ვერ დავარქმევდი ყველას [საკანონმდებლო ცვლილებებს] შეცდომას. მათ შორის ე.წ. ოქროს სიის გაუქმება იყო სწორი გადაწყვეტილება, თუმცა გეთანხმებით, რომ კომუნიკაცია ბიზნესთან უფრო ინტენსიურად უნდა განხორციელდეს. ამაზე შესაბამისი დავალება ყველა სამინისტრომ მიიღო. ბიზნესს „ოქროს სიის“ გაუქმებამდე ძალიან ცოტა დრო ჰქონდა, რომ მომზადებულიყო, თუმცა ეს სიახლე ნამდვილად არ ყოფილა და ამაზე ძალიან ბევრი განცხადება გაკეთდა. 2016 წლიდან იყო დაგეგმილი და არაერთ დოკუმენტში იყო ასახული. თუმცა საბოლოოდ გაუქმება 2019 წლის შუაში მოხდა. გაუქმება ვთვლი, რომ იყო აბსოლუტურად სწორი გადაწყვეტილება. გეთანხმებით იმაში, რომ ბიზნესთან კომუნიკაცია უფრო ადრე იყო საჭირო; დაახლოებით ექვსი თვით ადრე რომ დაწყებულიყო კომუნიკაცია, უფრო სწორი იქნებოდა. რაც შეეხება მომავალში ვფიქრობთ თუ არა სიურპრიზებს. ბიუჯეტი უკვე პარლამენტშია წარდგენილი. ჩვენ ამ ბიუჯეტში რამე ისეთი მნიშვნელოვანი სიახლე გათვალისწინებული არ გვაქვს, რაც აქამდე არ ყოფილა გაჟღერებული და რასაც ბიზნესზე ზემოქმდება ექნება. ჩვენ 2020 წელს რამე საკანონმდებლო ცვლილებებს არ ვგეგმავთ, გარდა საგადასახდო კოდექსში შესატანი ცვლილებებისა, რომელიც ევროკავშირთან დამატებითი ღირებულების გადასახადის ნაწილში ჰარმონიზების კუთხით იქნება მნიშვნელოვანი, თუმცა ეს უფრო ბიზნესისთვის ზოგიერთ პროცედურის გამარტივება იქნება და არანაირად განაკვეთების ზრდასა ან პროცედურების გართულებასთან არ იქნება კავშირში. სხვა საკანონმდებლო ცვლილებებს არ ვგეგმავთ და თუ რამეს დავგეგმავთ, აუცილებლად ბიზნესთან სულ მცირე ექვსთვიანი კომუნიკაცია იქნება“, – განმარტა ფინანსთა მინისტრის მოადგილემ.





საქართველოს რუსეთზე ენერგოდამოკიდებულების ზრდის რისკი

საქართველოს რუსეთზე ენერგოდამოკიდებულების ზრდის რისკი
access_time2019-12-12 14:01:05
ბუნებრივია, რომ საქართველოს ეკონომიკის განვითარების პარალელურად ელექტროენერგიის მოხმარებაც მზარდია. აღსანიშნავია, რომ ბოლო ხუთ წელიწადში ელექტროენერგიაზე მოთხოვნის 1.4-ჯერ ზრდის მიუხედავად, საქართველოში ერთ სულზე ელექტროენერგიის მოხმარება ორჯერ ნაკლებია ევროპისა და დასავლეთ აზიის ქვეყნების საშუალო მოხმარებასთან შედარებით. ეს ის ქვეყნებია, სადაც ენერგოეფექტიანობა მთავარი სამიზნეა, თუმცა განვითარების მაღალი დონე უფრო მაღალ ენერგომოხმარებასაც ნიშნავს. ცხადია, ენერგოეფექტიანობის...

„კომერსანტის“ სპეციალური განცხადება

„კომერსანტის“ სპეციალური განცხადება
access_time2019-12-12 12:53:33
მედიაჰოლდინგი „კომერსანტი“ დღეს საკანონმდებლო ორგანოში განვითარებულ მოვლენებზე შეშფოთებას გამოთქვამს. საქმე ეხება იურიდიული კომიტეტის სხდომას, სადაც უზენაესი სასამართლოს კანდიდატების დამტკიცების განხილვისას ჟურნალისტების ნაწილს მანდატურებმა დარბაზი ძალის გამოყენებით დაატოვებინეს. ეს მაშინ, როცა პარლამენტში მაღალი საზოგადოებრივი ინტერესის საკითხის-მოსამართლეთა უვადოდ დანიშვნის პროცესი მიმდინარეობს. ვთვლით, რომ საკითხი მოითხოვს როგორც...

Bloomberg-ზე 1 დოლარი 2.8650 ლარად ივაჭრება

Bloomberg-ზე 1 დოლარი 2.8650 ლარად ივაჭრება
access_time2019-12-12 12:21:39
დღეს Bloomberg-ის სავაჭრო პლატფორმაზე, 12:30 საათისთვის ლარი 2,8650  ლარად ივაჭრება. საქართველოს ეროვნული ბანკის მიერ 11  დეკემბრის დადგენილი კურსით, დღეს ერთი აშშ დოლარის ოფიციალური ღირებულება 2.8896 ლარია. რაც შეეხება ევროს, მისი კურსი 3.2028  ლარია. ეროვნული ბანკი ახალ კურსს დღეს 17:00 საათზე გამოაქვეყნებს.

TANAP-ის სრულად ამოქმედების შემდეგ საქართველო შეღავათიანი ფასით ყოველწლიურად 1,1 მლრდ კუბურ მეტრამდე გაზი მიიღებს

TANAP-ის სრულად ამოქმედების შემდეგ საქართველო  შეღავათიანი ფასით ყოველწლიურად 1,1 მლრდ კუბურ მეტრამდე გაზი მიიღებს
access_time2019-12-12 09:05:03
TANAP-ის სრულად ამოქმედების შემდეგ საქართველო შეღავათიანი ფასით ყოველწლიურად 1,1 მლრდ კუბურ მეტრამდე გაზი მიიღებს       საქართველოს ნავთობისა და გაზის კორპორაციის სამეთვალყურეო საბჭოს თავმჯდომარე თემურ გოჩიტაშვილი: საქართველოს ტერიტორიაზე განლაგებული სამხრეთ კავკასიური (ბაქო-თბილისი-ერზრუმის) მილსადენი, TANAP-თან  ერთად უზრუნველყოფს კასპიის საბადოების გაზის მიწოდებას თურქეთისა და ევროპის...

„ეკატერინე ტიკარაძის განცხადება არის დაუფიქრებელი“ - 4 მიზეზი თუ რატომ უნდა იყოს ჯანდაცვა მომგებიანი ბიზნესი

„ეკატერინე ტიკარაძის განცხადება არის დაუფიქრებელი“ - 4 მიზეზი თუ რატომ უნდა იყოს ჯანდაცვა მომგებიანი ბიზნესი
access_time2019-12-12 10:00:40
„ეკატერინე ტიკარაძის განცხადება არის მინიმუმ დაუფიქრებელი, მე არ მესმის მინისტრი სიღრმისეულად რას გულისხმობდა, მაგრამ რასაც არ უნდა გულისხმობდეს, შეუძლებელია  საბაზრო ეკონომიკის პირობებში ესეთი რაღაც თქვა“, - ასე აფასებს ჯანდაცვის მინისტრის განცხადებას „ეკონომიკური ტრანსფორმაციის ცენტრის პრეზიდენტი“ რამაზ გერლიანი. როგორც ცნობილია, ტელეკომპანია იმედის ეთერში ეკატერინემ ტიკარაძემ განაცხადა, რომ მისთვის მიუღებელია, ჯანდაცვა განიხილოს როგორც მომგებიანი ბიზნესი....


მსგავსი სიახლეები

up