გიორგი კაკაურიძე: 2019 წლის ბიუჯეტის პროექტი როგორც შტატგარეშე, ისე შტატში დასაქმებულთა შრომის ანაზღაურებას შორის მნიშვნელოვან ცვლილებას არ ითვალისწინებს

გიორგი კაკაურიძე: 2019 წლის ბიუჯეტის პროექტი როგორც შტატგარეშე, ისე შტატში დასაქმებულთა შრომის ანაზღაურებას შორის მნიშვნელოვან ცვლილებას არ ითვალისწინებს

access_time2018-10-12 17:51:19

2019 წლის ბიუჯეტის პროექტი როგორც შტატგარეშე, ისე შტატში დასაქმებულთა შრომის ანაზღაურებას შორის მნიშვნელოვან ცვლილებას არ ითვალისწინებს, - ფინანსთა სამინისტროს ინფორმაციით, ამის შესახებ განაცხადა ფინანსთა მინისტრის მოადგილემ, გიორგი კაკაურიძემ ფრაქცია „ნაციონალური მოძრაობის“ წევრთა საპასუხოდ, რომელთა თქმითაც, საჯარო სექტორში დასაქმებულთა რაოდენობა იზრდება, რადგან ისინი სხვადასხვა უწყებაში შტატგარეშე თანამშრომლებად ნაწილდებიან.


ფინანსთა მინისტრის მოადგილის, გიორგი კაკაურიძის განცხადებით, 2017 წლის ივლისში ამოქმედებულმა „საჯარო სამსახურის შესახებ“ კანონმა, მკვეთრად განისაზღვრა ვინ უნდა ყოფილიყო შტატიანი და ვინ შტატგარეშე თანამშრომელი. შესაბამისად, 2017-2018 წლების ბიუჯეტებში სრულად აისახა ის ცვლილებები, რასაც მოითხოვდა აღნიშნული კანონი.


„რაიმე დიდი ცვლილება ჯამურ მოცულობებში ნამდვილად არ არის. მით უფრო, არაა საუბარი ათი ათასობით ადამიანზე. ჩვენ შეგვიძლია შევხედოთ „საქონლისა და მომსახურების“ მუხლის დინამიკას - 2017 წელს დაიხარჯა მილიარდ 248 მლნ ლარი, 2018 წლის გეგმა არის მილიარდ 201 მლნ ლარი, ხოლო 2019 წლის ბიუჯეტის პროექტით, გათვალისწინებულია მილიარდ 193 მლნ ლარი. თუ „შრომის ანაზღაურების მუხლიდან“ ეს თანხები „საქონლისა და მომსახურების“ მუხლში გადავიტანეთ, მისი მოცულობა ლოგიკურად უნდა გაზრდილიყო, თუმცა თუ შეხედავთ რიცხვებს, დაახლოებით, 100 მლნ ლარამდე არის შემცირებული შრომის ანაზღაურებაზე მიმართული სახსრები. თქვენთან ყოველთვიურად იგზავნება ხაზინის ანგარიში, სადაც დეტალურად, თვეების მიხედვით ჩანს თუ რომელ მუხლში, რა თანხაა დახარჯული, მათ შორის, „საქონელისა და მომსახურების“ ნაწილში. შესაბამისად, ნახავთ, რამდენად შეიცვალა 2017 წლის პირველი ივლისის შემდეგ როგორც შრომის ანაზღაურების, ისე შტატგარეშეთა ანაზღაურების ნაწილში თანხების გაცემა. კიდევ ერთხელ განვმარტავთ, რომ აქ რადიკალური, მნიშვნელოვანი ცვლილებები არ განხორციელებულა, ვინაიდან ნაწილი შტატგარეშე პოზიციიდან გადავიდა შტატში, ხოლო ნაწილი შტატიდან გადავიდა შტატგარეშე პოზიციაზე“, - განაცხადა ფინანსთა მინისტრის მოადგილემ.




როგორც მან აღნიშნა, 2019 წლის ბიუჯეტის პროექტში ასახულია უკვე განხორციელებული ოპტიმიზაციის შედეგები. „განხორციელებული ოპტიმიზაციის შედეგად, 2017-2018 წლებში 1000-მდე საშტატო ერთეული ვაკანტური დარჩა, ამავე დროს, მნიშვნელოვნად შეიზღუდა დანამატები და პრემიები, ასევე, მოხდა გარკვეული თანამდებობების გაუქმება. იმისათვის, რომ ამ თანამდებობებზე ახალი კადრების დანიშვნა არ მომხდარიყო, 2019 წლის ბიუჯეტის პროექტში უკვე აისახა განხორციელებული ოპტიმიზაცის შეეგები და აღნიშნული საშტატო ერთეულების რაოდენობა შემცირდა“, - განაცხადა ფინანსთა მინისტრის მოადგილემ, გიორგი კაკაურიძემ.











ინაუგურაციას სხვა ქვეყნების მეთაურებიდან მხოლოდ სომხეთის პრეზიდენტი დაესწრება

ინაუგურაციას სხვა ქვეყნების მეთაურებიდან მხოლოდ სომხეთის პრეზიდენტი დაესწრება
access_time2018-12-14 21:10:31
საგარეო საქმეთა მინისტრის მოადგილემ ხათუნა თოთლაძემ ის უცხოელი სტუმრები დაასახელა, რომლებიც საქართველოს მეხუთე პრეზიდენეტის, სალომე ზურაბიშვილის ინაუგურაციას დაესწრებიან. საგარეო საქმეთა სამინისტროს ინფორმაციით, დღევანდელი მონაცემებით, ინაუგურაციას დაესწრება სომხეთის პრეზიდენტი არმენ სარქისიანი, საფრანგეთის ყოფილი პრეზიდენტი ნიკოლა სარკოზი, საფრანგეთის ყოფილი თავდაცვის მინისტრი და სოციალურ საქმეთა ყოფილი მინისტრი, თურქეთის ვიცეპრეზიდენტი, აზერბაიჯანის...

“ВТБ Украина”-ს აქტივების ყიდვით უკრაინის უმდიდრესი ადამიანია დაინტერესებული

 “ВТБ Украина”-ს აქტივების ყიდვით უკრაინის უმდიდრესი ადამიანია დაინტერესებული
access_time2018-12-14 19:00:20
ნოემბრის ბოლოს უკრაინის ცენტრალურმა ბანკმა რუსული ბანკის „ВТБ“-ის ადგილობრივი შვილობილი კომპანია  „ВТБ Украина“ გაკოტრებულად გამოაცხადა.  ანაბრების დაზღვევის ეროვნული სააგენტოს მონაცემებით, უკვე დასრულდა გაკოტრებული ბანკის აქტივების და ვალდებულების გადაცემაზე  განაცხადების მიღება. ამჟამად ВТБ Украина-ს შეძენისთვის იბრძვის 3 უმსხვილესი უკრაინული ფინანსური ინსტიტუტი - წერს რუსული გამოცემა kommersant.ru „ფონდა უარი...

ს.ს მისო „კრისტალი“ საქართველოს პასუხისმგებელი ბიზნესის კონკურსის ‘Meliora 2018’- ის გრან პრის მფლობელია

ს.ს მისო „კრისტალი“  საქართველოს პასუხისმგებელი ბიზნესის  კონკურსის  ‘Meliora 2018’- ის  გრან პრის  მფლობელია
access_time2018-12-14 17:08:50
საქართველოს პასუხისმგებელი ბიზნესის კონკურსში ‘Meliora 2018’- ის გრან პრის მფლობელი ს.ს მისო „კრისტალი“ გახდა. კომპანიას ჯილდო საქართველოში ევროკავშირის წარმომადგენლობის უფროსის მოადგილემ, კარლო ნატალემ გადასცა. კორპორაციული სოციალური პასუხისმგებლობის მიმართულებით განხორციელებული საუკეთესო პროექტები 13 დეკემბერს დაჯილდოების ცერემონიაზე გამოვლინდა. კონკურსში მონაწილეობას 91 კომპანია იღებდა, ფინალურ ეტაპზე კი 41 კომპანია მათ მიერ განხორციელებული 76 პროექტით გადავიდა....

„არდი დაზღევევა“ ახლა უკვე გორში

„არდი დაზღევევა“ ახლა უკვე გორში
access_time2018-12-14 16:00:32
„არდი დაზღვევა“ ქსელის გაფართოებას გორში დაზღვევის სახლის გახსნით განაგრძობს. როგორც ცნობილია, GAZELLE FINANCE GEORGIA-მ სადაზღვევო კომპანია „არდიში” ინვესტიცია განახორციელა. სწორედ ამან დააჩქარა საქართველოს მასშტაბით ქსელის გაფართოების პროცესი. ქუთაისის სერვის ცენტრის განახლების შემდეგ, სადაზღვევო კომპანიამ გორში პირველი ფილიალი გახსნა. ამიერიდან, გორელები შეძლებენ მიიღონ სრული სადაზღვევო მომსახურება ერთ, კომფორტულ სივრცეში. „არდის“...

TI - კ2 კოეფიციენტის მატების შესაძლებლობა კორუფციის რისკებს ზრდის - რა ხდება სამშენებლო ბიზნესში

TI - კ2 კოეფიციენტის მატების შესაძლებლობა კორუფციის რისკებს ზრდის - რა ხდება სამშენებლო ბიზნესში
access_time2018-12-14 14:30:00
სამშენებლო სექტორში მსხვილი, საშუალო და მცირე ზომის საწარმოები მრავლად არის წარმოდგენილი, მონოპოლიური ან ოლიგოპოლიური მდგომარეობა არ შეინიშნება. ბაზარზე 43 მსხვილი, 281 საშუალო და 6 620 მცირე ზომის აქტიური საწარმოა. თუმცა, მსხვილ საწარმოებში შრომის ანაზღაურება 2-ჯერ მეტია, ვიდრე მცირე საწარმოებში, როცა დასაქმებულთა 43% მცირე საწარმოებზე მოდის, — ასეთია  „საერთაშორისო გამჭვირვალობა - საქართველო” შეფასება მშენებლობის სექტორში ბოლო ათწლეულის განმავლობაში მიმდინარე...


მსგავსი სიახლეები

up