გიორგი გოდაბრელიძე: ბიზნესის მიმართ შერჩევითი მიდგომა, დააზარალებს, როგორც ბიუჯეტს, ისე კეთილსინდისიერ გადამხდელს და ბიზნეს გარემოს

გიორგი გოდაბრელიძე: ბიზნესის მიმართ შერჩევითი მიდგომა, დააზარალებს, როგორც ბიუჯეტს, ისე კეთილსინდისიერ გადამხდელს და ბიზნეს გარემოს

access_time2019-08-16 10:01:55

ქვეყნის წამყვანი ტელევიზიების მილიონობით დაგროვილი საგადასახადო დავალიანების საჯაროდ დასახელებამ, კეთილსინდისიერი გადამხდელების აღშფოთება გამოიწვია. როდესაც სხვა, შედარებით მცირე ბიზნესის წარმომადგენლებს, თუნდაც რამდენიმეთეთრიანი დავალიანაბის გამო, სახელმწიფო მაშინვე ადებს ინკასოს და ხშირ შემთხვევაში მთლიანად ქონებას უყადაღებს, როგორ ახერხებენ ფინანსურად უფრო ძლიერი კომპანიები წლობით გადასახადებისგან თავის არიდებას. რა პრინციპით არჩევს და აყენებს სახელმწიფო პრივილეგირებულ მდგომარეობაში კონკრეტულ ბიზნესმენებს და რა არგუმენტები აქვს მთავრობას კეთილსინდისიერი გადამხდელებისთვის.


სქემაში გარკვევის მიზნით „კომერსანტმა“ ფინანსთა მინისტრის ყოფილ მადგილეს გიორგი გოდაბრელიძეს მიმართა.


ვალის რესტრუქტურიზაცია,


ვალის აღიარება,


მოლაპარაკება, ვალის გადავადებაზე და დროის შემცირებაზე,


გრაფიკის გაწერა;


ეს და სხვა სახის შეთანხმება სახელმწიფოსთან შეიძლება გახდეს ვალის გარკვეული დროით გადავადების და არ გადახდის მიზეზი.



როგორც ფინანსთა მინისტრის ყოფილი მოადგილე აცხადებს, კონკრეტულ ქეისს თავისი ისტორია აქვს და შორიდან შეფასება რთულია. თუმცა იგი ტელევიზიების შემთხვევაში, სახელმწიფო მოხელეებთან კორუფციულ ან სხვა სახის დანაშაულებრივ გარიგებას, გამორიცხავს. მისი თქმით, ამ ყველაფერს უფრო პოლიტიკური ელფერი აქვს.



“ბევრნაირი ქეისი შეიძლება იყო, რამ გამოიწვია ეს დავალიანება, კონტრაქტის პირობები დაირღვა, მიმწოდებელმა არ მიაწოდა, რეკლამის გამთავსებელმა არ გადაიხადა, თუ რა მოხდა... სხვადასხვანაირი სიტუაციაა, რომელიც ბიზნესს შეუძლია ვალის არგადახდის საბაბად დაასახელოს, მგრამ არამგონია, რომ მთვარობის რომელიმე წარმომადგენელი რამდენიმე ასეული მილიონის გამო კორუფციულ შეთანხმებაზე წასულიყო, გიჟი უნდა იყო, რომ რუსთავი 2-ს ქრთამი გამოართვა, იმ იმედით რომ მერე ჩამოაწერ. როდესაც მილიონები გროვდება, ეს იმას ნიშნავს, რომ ყველა შემთხვევაში, თუ სახელმწიფო არ ჩამოაწერს, მაინც გადასახადია,“ - ამბობს გოდაბრელიძე.


თუმცა, მისთვის ყველაზე მეტად გაუგებარია მიდგომა - თუ სხვა არ იხდის, მე რატომ უნდა გადავიხადო, როგორც ეს ტვ „იმედის“ იურისტმა განაცხადა.


“ეს მიდგომა საერთოდ სისულელეა. ამ ლოგიკით, ნებისმიერ ბიზნეს სუბიექტს შეუძლია თქვას, მეც არ გადავიხდი, სანამ არ გადაიხდის ის, ვინც არ იხდის და სადამდე მივა ასე ბიუჯეტი და საერთოდ სახელმწიფო. ეს არის ბიზნესისადმი შერჩევითი დამოკიდებულების მთავარი პრობლემა.  ბიზნესის მიმართ შერჩევითი მიდგომა, ფაქტობრივად დააზარალებს, როგორც ბიუჯეტს, ისე კეთილსინდისიერ გადამხდელს და ბიზნეს გარემოს. მივალთ იქამდე, რაც გავიარეთ უკვე, ყალბი აქტივების წარმოშობამდე, ვიღაცებისთვის სასათბურე პირობების შექმნამდე და ა.შ.. მე არ ვამტკიცებ, რომ ასე ხდება, თეორიულად ვსაუბრობთ. თუ მივედით იქამდე, რომ სხვა კომპანიები იძულებულები იქნებიან გაჩერდნენ, რადგან არაკონკურენტუნარიანები არიან, ბაზარზე ერთი დარჩება და მას ფასიც სხვა ექნება. მე ზოგადად, შეღავათების ძალიან წინააღმდეგი ვარ - ძველი ბერძნების ცნობილი ფრაზაა, გადასახადს და სიკვდილს ვერ გაექცევი“.


ფინანსთა მინისტრის ყოფილი მოადგილე თვლის, რომ ბიზნესის კონკურენტულ გარემოს უნდა აკონტროლენდეს და არეგულირებდეს კონკურენციის სააგენტო და ნებისმიერ კეთილსინდისიერ გადამხდელს შეუძლია მიმართოს ხადურის უწყებას.


„მე მესმის ტვ. „კავკასიის“ გენერალური დირექტორის ნინო ჯანგირაშვილის და მეტწილად ვეთანხმები. თუმცა, ვიღაც არ იხდიდა გადასახადს და მერე ჩამოეწერა, ამის გამო, მეც არ გადავიხდი, ეს მიდგომა არ არის სწორი. შენ იმიტომ კი არ იხდი, რომ სხვა იხდის, შენ იმიტომ იხდი რომ შენ გაქვს გადასახდელი, მაშინ ამ ლოგიკით საერთოდ დავანგრევთ ჩვენს ისედაც გაჭრვებულ ეკონომიკას.
შერჩევით მიდგომას, რაც შეეხება, ვინც თვლის, რომ არაკეთილსინდისიერ პირობებში ჩააყენა სახელმწიფომ, შეუძლია მიმართოს მთავრობას და მოითხოვოს პასუხები იმის შესახებ, თუ რა პრინციპით არ დააჯარიმა მისი კონკურენტი და რატომ ჩააყენა არაკონკურენტუნარიან გარემოში.
რისთვის არსებობს კონკურენციის სააგენტო, რომელიც ხანდახან პოლიტიკურ განცხადებებს აკეთებს და ბიზნესს დასდევს. ჯობია ამ პრობლემებს მიხედოს და რეალური საქმით დაკავდეს, ვიდრე იმით, რომ არკვიოს, რატომ გააძვირა ფასები ამათუიმ კომპანიამ, იმიტომ გააძვირა, რომ დოლარი გაძვირდა, მარტივია.“
 ასეთია გიორგი გოდაბრელიძის პოზიცია.


გოდაბრელიძის შეფასებით, სახელმწიფო იმისთვის არის, რომ დაეხლაროს ბიზნესს და კომპანიებს, მაგრამ ეს უნდა ხდებოდეს კონკრეტული ქეისის შესწავლით და სამართლიანად,


„ყოველთვის ცუდია, როცა ვიღაცას უკეთებ რაღაც შეღავათს, რაც არ ეკუთვნის. თუ ეკუთვნის, კიბატონო. თუ არ ეკუთვნის ჩაგრავ ამით სხვას და სახელმწიფოც კარგავს ფუნქციას და სახეს“.



ბაჩი ადამია

ნათია კეკენაძე






რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი

რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი
access_time2020-02-17 19:00:13
საქართველოს მთავრობის დაკვეთით უნდა მომზადებულიყო კვლევა, რომელიც ბათუმის ბულვარის, სანაპიროზე გზის გაგრძელებას, ჭოროხზე ახალი ხიდის მშენებლობას და გონიოს ყოფილი პოლიგონის განვითარებას შეეხებოდა. შესაბამისი დაფინანსება ერთი წლის წინ მოძიებული იყო, თუმცა, მთავრობამ კვლევის ჩატარება მაინც ვერ უზრუნველყო. მთავრობა საჭირო თანხას ამ ეტაპზე ხელახლა ეძებს. „ბათუმელებმა“ აღნიშნულ საკითხზე ინფორმაციის მისაღებად, წერილობით, საქართველოს მთავრობას და რეგიონული...

DailyMail: სტალინის საბჭოთა რივიერა - წყალტუბოს შთამბეჭდავი აბანოები და სანატორიუმები

DailyMail: სტალინის საბჭოთა რივიერა -  წყალტუბოს შთამბეჭდავი აბანოები და სანატორიუმები
access_time2020-02-17 20:00:57
წყალტუბო, რომელიც ადრე ცნობილი იყო, როგორც საბჭოთა კავშირის რივიერა, დღეს ფოტოგრაფების საყვარელი ადგილია. ევროპელი ფოტოგრაფი ამოს ჩაპლი იანვარში 3 დღით ეწვია ამ ქალაქს, რომელზე დაყრდნობითაც ბრიტანულმა გამოცემა Dailymail-მა წყალტუბოს საბჭოთა ნაგებობებს ვრცელი ფოტორეპორტაჟი მიუძღვნა.    Radio Free Europe-ის  ფოტოგრაფის თქმით, კურორტი წყალტუბო საქართველოში ყველაზე გასაოცარი ადგილია  დიდი კრისტალური ჭაღებითა და...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-17 21:30:17
დღის Top-10 საინტერესო ამბავი 1.გადახდის სისტემა, რომელიც “თაღლითობის” საშუალებას იძლევა სახელმწიფო აუდიტის სამსახურმა თბილისის სატრანსპორტო კომპანიის შემოსავლები შეისწავლა და მნიშვნელოვანი...

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“
access_time2020-02-17 18:00:43
„საქართველოში ერთადერთი სფერო,რომელიც ვითარდებოდა იყო ტურიზმი. გასულ წელს კი სექტორი კრიზისში შევიდა. ამის მიზეზი კი „ქართული ოცნების“ არასწორი სტრატეგიაა.“- ამის შესახებ „ახალი საქართველოს“ ლიდერმა გიორგი ვაშაძემ რადიო „კომერსანტის“  გადაცემა „ცოდნა და წარმატება“ ნანა ტოხვაძესთან ერთად ისაუბრა. მისი თქმით, სფერო,რომელიც დამოუკიდებლად ვითარდებოდა, ჩამოშლის...

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო
access_time2020-02-17 15:00:40
“საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს “საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. “სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე,...


მსგავსი სიახლეები

up