გიორგი გახარიამ მონაწილეობა მიიღო რიგაში გამართულ საქართველო-ლატვიის ერთობლივი მთავრობათაშორისი კომისიის სხდომაში

გიორგი გახარიამ მონაწილეობა მიიღო რიგაში გამართულ საქართველო-ლატვიის ერთობლივი მთავრობათაშორისი კომისიის სხდომაში

access_time2017-03-18 10:00:00

რიგაში საქართველო-ლატვიის ერთობლივი მთავრობათაშორისი სავაჭრო-ეკონომიკური და სამეცნიერო-ტექნიკური კომისიის მე-3 სხდომა გაიმართა. კომისიის ორდღიან სხდომას საქართველოს ეკონომიკისა და მდგრადი განვითრების მინისტრი გიორგი გახარია და ლატვიის რესპუბლიკის ვიცე-პრემიერი, ეკონომიკის მინისტრი არვილს აშერადენსი თავმჯდომარეობდნენ. კომისიის სხდომის მუშაობაში მონაწილეობა მიიღეს საქართველოს რამდენიმე უწყების ხელმძღვანელმა პირებმა, მათ შორის - საპარტნიორო ფონდის აღმასრულებელმა დირექტორმა დავით საგანელიძემ, ეკონომიკისა და მდგრადი განვითარების მინისტრის მოადგილემ გენადი არველაძემ, ტურიზმის ადმინისტრაციის ხელმძღვანელმა გიორგი ჩოგოვაძემ, განათლების მინისტრის მოადგილემ თეიმურაზ მურღულიამ და სხვა.

 

 

კომისიის ფარგლებში ორი ქვეყნის ეკონომიკის სფეროში განხორციელებულ და მიმდინარე რეფორმებთან დაკავშირებით იმსჯელეს. მხარეებმა მიმოიხილეს ორმხრივი თანამშრომლობის კუთხით გადადგმული ნაბიჯები, ასევე განიხილეს თანამშრომლობის პერსპექტივები ისეთ სფეროებში, როგორიცაა - ტურიზმი, ვაჭრობა და ინვესტიციები, ტრანსპორტი, ენერგეტიკა, გარემოს დაცვა, სოფლის მეურნეობა, ინტელექტუალური საკუთრების დაცვა, ინოვაციები და ტექნოლოგიები, განათლება და სხვა.

 

 

კომისიის ფარგლებში მხარეებმა განსაკუთრებული ყურადღება დაუთმეს ტურიზმის სფეროში გამოცდილების გაზიარებას. ორ ქვეყანას შორის ეკონომიკური თანამშრომლობის კომისიის სხდომების რეგულარულად ჩატარება ხელს შეუწყობს საქართველოსა და ლატვიას შორის ტურიზმის სფეროში თანამშრომლობის შემდგომ გაღრმავებას სახელმწიფო და კერძო სექტორის დონეზე.

 

 

,,მინდა, დადებითად შევაფასო ორმხრივი თანამშრომლობის ეკონომიკური კომისიის მესამე სხდომა, რომელიც გაფართოებულ შემადგენლობაში შედგა. ჩვენ განვიხილეთ მიმდინარე დღის წესრიგი უწყებების მიხედვით, გაიმართა ძალზე საინტერესო საუბარი. შევადგინეთ ჩვენს ქვეყნებს შორის მომავალი ერთი წლის თანამშრომლობის გეგმა, პირველ რიგში, ეკონომიკის ჭრილში", - განაცხადა გიორგი გახარიამ.

 

 

ბალტიისპირეთი, კონკრეტულად კი ლატვია არის ერთ-ერთი პრიორიტეტული ბაზარი საქართველოსთვის, საიდანაც ტურისტების რაოდენობა ტრადიციულად ყოველწლიურად იზრდება.


 

 

,,ბოლო ორი წლის განმავლობაში ლატვიიდან საქართველოში ტურისტების რაოდენობა 25-25 %-ით არის მომატებული. ჩვენ გავაგრძელებთ აქტიურ თანამშრომლობას როგორც ლატვიის მთავრობასთან, ასევე ჩვენს აქტივობებს, მათ შორის მარკეტინგულ აქტივობებს, იმისთვის, რომ უფრო მეტი ტურისტი მივიღოთ ლატვიიდან‘', - განაცხადა საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ.

 

 

საქართველოსთვის მნიშვნელოვანია სოფლის მეურნეობის სფეროში ლატვიის მხარესთან თანამშრომლობა და მათი გამოცდილების გაზიარება. საქართველო-ლატვიის მთავრობათაშორისი ეკონომიკური, სამრეწველო, სამეცნიერო და ტექნიკური კომისიის ფარგლებში თანამშრომლობა ხელს შეუწყობს ორ ქვეყანას შორის ურთიერთობების გაღრმავებას და სოფლის მეურნეობის სფეროში ევროპული სტანდარტების დანერგვას.

 


ლატვიის მხარის გამოცდილების გაზიარება ასევე ხელს შეუწყობს სოფლის მეურნეობის მიმართულებით ევროკავშირის კანონმდებლობასთან ჰარმონიზაციის პროცესს და ღრმა და ყოვლისმომცველი თავისუფალი ვაჭრობის შეთანხმებით (DCFTA) გათვალისწინებული ვალდებულებების შესრულებას. ამასთან, გააღრმავებს ურთიერთობებს შემდეგი მიმართულებებით: სოფლის მეურნეობის განვითარება, სურსათის უვნებლობა, ვეტერინარია, მცენარეთა დაცვა და ა.შ.

 

 

ორმხრივი მთავრობათაშორისი კომისიის სხდომაზე მხარეებმა ხაზი გაუსვეს განათლებისა და მეცნიერების სფეროში ორმხრივი ურთიერთობების განვითარების პოზიტიურ დინამიკას და განიხილეს სამომავლო თანამშრომლობის კიდევ უფრო გაღრმავების შესაძლებლობები. მათ შორის, ხაზი გაესვა უმაღლეს სასწავლებლებს შორის პირდაპირი კონტაქტების დამყარების, მეცნიერების სფეროში ერთობლივი პროექტების საშუალებით ევროკავშირის კვლევით პროგრამებში მონაწილეობისა და პროფესიული განათლების სფეროში თანამშრომლობის მნიშვნელობას.

 

 

კომისიის ფარგლებში ქართულმა მხარემ ინტერესი გამოხატა, გააღრმაოს თანამშრომლობა და გაიზიაროს ლატვიის საუკეთესო გამოცდილება სპორტისა და ახალგაზრდობის სფეროებში, მათ შორის: სპორტულ ღონისძიებებზე უსაფრთხოების უზრუნველყოფის, სპორტულ შეჯიბრებებზე ძალადობის გამოვლინებების აღმოფხვრის, დოპინგის გამოყენების წინააღმდეგ ბრძოლის, მასობრივი სპორტის განვითარების, ასევე ახალგაზრდული საქმიანობის, განსაკუთრებით მუნიციპალური ახალგაზრდული საქმიანობის მიმართულებით.

 

 

სხდომის ბოლოს გიორგი გახარიამ და არვილს აშერადენსმა ხელი მოაწერეს საქართველო-ლატვიის ერთობლივი მთავრობათაშორისი სავაჭრო-ეკონომიკური და სამეცნიერო-ტექნიკური კომისიის მე-3 სხდომის ოქმს.

 

 

 

 



საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...

ორნიშნა ეკონომიკური ზრდა ივნისშიც გაგრძელდა

ორნიშნა ეკონომიკური ზრდა ივნისშიც გაგრძელდა
access_time2021-07-30 11:20:36
ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.  მთლიანად, წლის პირველ ნახევარში ეკონომიკა 12.7%-ით გაიზარდა, საიდანაც თუ პირველ კვარტალში ეკონომიკა 4.5%-ით შემცირდა, მეორე კვარტალში რეკორდული - 29.8%-იანი ზრდა დაფიქსირდა. საქსტატის ცნობით 2021 წლის ივნისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა,...


მსგავსი სიახლეები

up