გიორგი გახარია - თბილისი ხდება საცხოვრებლად კომფორტული ქალაქი

გიორგი გახარია - თბილისი ხდება საცხოვრებლად კომფორტული ქალაქი

access_time2020-10-28 22:07:33

ჩვენ დღეს ყველანი კარგად ვხედავთ და ვგრძნობთ, რომ ძალიან კარგი სასტარტო პირობები გვაქვს. ამას საერთაშორისო ორგანიზაციებიც აფასებენ, ხედავენ და ჩვენ შეგვიძლია, უახლოესი 4 წლის განმავლობაში რეგიონში გვქონდეს ყველაზე სწრაფი ეკონომიკური ზრდა. ეს ჩვენი მიზანია, ეს ჩვენი მომავალია. რაც უფრო კარგად, ზუსტად, ზედმიწევნით შევასრულებთ იმ მოთხოვნებს, რომელსაც ეპიდემიოლოგები და დღევანდელი გამოწვევა გვიყენებენ, მით უფრო მეტი შესაძლებლობა გვექნება, სწრაფად აღვადგინოთ ჩვენი ეკონომიკა. ამიტომ, უნდა გვესმოდეს, რომ ის იძულებითი მდგოამრეობა, რომელშიც დღეს ვართ, დროებითია და ჩვენ ყველამ ერთად უახლოეს პერიოდში უნდა დავიწყოთ ქვეყნის აღდგენაზე, აღმშენებლობაზე მუშაობა, - ამის შესახებ საქართველოს პრემიერ-მინისტრმა გიორგი გახარიამ სამგორის რაიონში „ქართული ოცნების“ მაჟორიტარი დეპუტატობის კანდიდატის, სოზარ სუბარის წარდგენისას განაცხადა. ინფორმაციას „ქართული ოცნება-დემოკრატიული საქართველოს“ პრესსამსახური ავრცელებს.


პრემიერ - მინისტრმა აღნიშნა, რომ დღეს წესების დაცვა არის პასუხისმგებლობა მომავლის წინაშე და გარდა იმისა, რომ უნდა გავუმკლავდეთ ვირუსს და დავიცვათ ჩვენი მოქალაქეების ჯანმრთელობა და სიცოცხლე, უნდა გადავარჩინოთ თითოეული სამუშაო ადგილი.


„ჩემთვის დიდი პატივია დღეს აქ, თქვენთან ერთად ქვეყნის და თბილისის მომავალზე საუბარი. ნათელია და ყველა კარგად ვხედავთ, რომ ბოლო წლების განმავლობაში, ჩვენი დედაქალაქი - თბილისი ვითარდება. თბილისი აშკარად ვითარდება და რაც ყველაზე მნიშვნელოვანია, თბილისი ხდება საცხოვრებლად კომფორტული ქალაქი. ამასაც რომ თავი დავანებოთ, თბილისელები დღეს გრძნობენ ზრუნვას. მათზე ზრუნავს მთავრობა და რა თქმა უნდა, მერია. მე ამ ზრუნვისთვის და არა მხოლოდ აშენებული სკვერებისთვის, შენობებისთვის და კიდევ ბევრი სხვა რამისთვის, მინდა ბატონ მერს მადლობა ვუთხრა, რადგან ეს ზრუნვა არის ყველაზე დიდი დამახასიათებელი, რაც ჩვენ განგვასხვავებს ჩვენი პოლიტიკური ოპონენტებისგან. ყველანი ვხედავთ, რომ უჩვეულო გარემოში ვატარებთ საარჩევნო კამპანიას - პირბადეებით. ვცდილობთ, ერთმანეთთან დისტანცია დავიცვათ, მაგრამ ესეც ჩვენი პასუხისმგებლობაა ჩვენი თანამოქალაქეების, ჩვენი მეზობლების, ნათესავების, განსაკუთრებით ჩვენი ღვაწლმოსილი მოხუცების წინაშე. ყველას კარგად უნდა გვესმოდეს, რომ აქ მთავარი პასუხისმგებლობა არის ჩვენი მომავლის წინაშე, რადგან ჩვენ, გარდა იმისა, რომ უნდა გავუმკლავდეთ ვირუსს და დავიცვათ ჩვენი მოქალაქეების ჯანმრთელობა და სიცოცხლე, უნდა გადავარჩინოთ თითოეული სამუშაო ადგილი, უნდა ვიყუროთ წინ და ვიცოდეთ, რომ მას შემდგომ, რაც გლობალური პანდემიის შედეგად გლობალური ეკონომიკური კონკურენცია აბსოლუტურად შეიცვლება, საქართველოს აქვს შესაძლებლობა, გახდეს კიდევ უფრო წარმატებული ქვეყანა,“ - განაცხადა პრემიერმა.


გიორგი გახარიამ აღნიშნა, რომ გამოწვევებით სავსე ერთი წლის განმავლობაში არც ერთი დღით, არც ერთი ინფრასტრუქტურული პროექტი არც თბილისში და არც ქვეყნის მასშტაბით არ გაჩერებულა და არც გაჩერდება.



მისივე თქმით, საქართველო 2024 წელს გააკეთებს განაცხადს ევროკავშირის წევრობაზე და ქვეყანა როგორც ინსტიტუციონალურად, ისე ინფრასტრუქტურული თვალსაზრისით ამისთვის მზად უნდა იყოს.


„მინდა გითხრათ, რომ ამ გამოწვევებით სავსე ერთი წლის განმავლობაში არც ერთი დღით, არც ერთი ინფრასტრუქტურული პროექტი არც თბილისში და არც ქვეყნის მასშტაბით არ გაჩერებულა და არც გაჩერდება. ჩვენ უნდა გავაგრძელოთ მშენებლობები გზების, უნივერსიტეტების, სტადიონების, ეს ჩვენი ვალდებულებაა ჩვენი მომავალი თაობის წინაშე. მოგეხსენებათ, „ქართული ოცნების" ერთ-ერთი ყველაზე მნიშვნელოვანი მიღწევა იყო ის გარემო, ბიზნეს-გარემო, სამართლიანობის შეგრძნება, საკუთრების უფლების დაცვა, ყველაფერი უნდა გავაკეთოთ, რომ საქართველო გახდეს ბიზნესის კეთების კიდევ უფრო კომფორტული ადგილი, იმისთვის, რომ ყველა იმ ქართველს, ვისაც აქვს შესაძლებლობა და სურვილი რომ დაიწყოს თავისი საქმე სახელმწიფო უნდა დაუდგეს გვერდით, დაუდგება გვერდით. ეს არის ძალზედ რთული ნაბიჯი, განსაკუთრებით ახალგაზრდებისთვის, აიღო შენს თავზე პასუხისმგებლობა აბსოლუტურად გაურკვევლობით სავსე გარემოში, აიღო რისკები, გადადგა ნაბიჯი და დაიწყო ბიზნესი. ზოგიერთები ჩვენ გვაკრიტიკებდნენ „აწარმოე საქართველოსა" თუ სოფლის მეურნეობის პროგრამებზე, თვლიდნენ, რომ ეს ზედმეტია. ეს არის პირდაპირი დახმარება ჩვენი თითოეული მოქალაქისთვის, მივცეთ მათ შესაძლებლობა თვითრეალიზების, აიღონ პასუხისმგებლობა თავის თავზე, თავიანთ ოჯახზე და ღირსეულად არჩინონ ოჯახები. ჩვენ, რა თქმა უნდა, გავაგრძელებთ ამ პროგრამებით ჩვენი მოქალაქეების მხარდაჭერას. ყველას კარგად უნდა გვესმოდეს, მიუხედავად იმისა, რომ წლებია, სისტემურად ვახორციელებთ ინვესტიციებს ქვეყნის ინფრასტრუქტურაში, ჩვენ კიდევ ბევრი რამე გვაქვს გასაკეთებელი. გასაკეთებელი გვაქვს იმიტომ, რომ ჩვენ უნდა მოვიყვანოთ ევროპულ დონეზე გზები, სკოლები, ბაღები, წყალმომარაგება, წყალგაყვანილობა, ეს ყველაფერი აუცილებელია, რომ ქვეყანა დავუახლოვოთ ევროპულ სტანდარტებს. ჩვენ ეს უნდა გავაკეთოთ და ამის გეგმა გვაქვს უახლოეს 4 წელიწადში. ამას როდესაც ვამბობთ, ეს აბსოლუტურად გააზრებულია და არ არის შემთხვევითი, რომ ჩვენ ზუსტად ახლა განვაცხადეთ, რომ საქართველო 2024 წელს გააკეთებს განაცხადს ევროკავშირის წევრობაზე. ჩვენ გვესმის ეს პასუხისმგებლობა, ვიცით, რომ ქვეყანა უნდა იყოს მზად როგორც ინსტიტუციონალურად, ასევე ინფრასტრუქტურის თვალსაზრისით და ეს იქნება ყველაზე დიდი მიღწევა საქართველოს დამოუკიდებლობის ისტორიაში, ეს ყველაფერი ჩვენ უნდა გავაკეთოთ ერთად,“ - განაცხადა პრემიერ - მინისტრმა.


გიორგი გახარიას თქმით, შემდგომი 4 წლის განმავლობაში, საქართველოს მთავრობა, სისტემურ ინფრასტრუქტურაში განახორციელებს მინიმუმ 20 მილიარდი ლარის ინვესტირებას და ეს ყველაფერი კეთდება იმისთვის, რომ ქვეყნის მასშტაბით, მოქალაქეებს ჰქონდეთ ცხოვრების და განვითარებისთვის თანაბარი პირობები.


„გარდა ამისა, მინდა გითხრათ, „ქართული ოცნებისთვის“ ყოველთვის, ყველაზე მნიშვნელოვანი იყო ადამიანი. ამიტომ, ჩვენ კარგად გვესმის სახელმწიფოს და მთავრობის პასუხისმგებლობა სწორედ იმ სოციალური ჯგუფების წინაშე, რომელსაც პირველ რიგში სჭირდება ეს დახმარება. რა თქმა უნდა, ესენი არიან ჩვენი ღვაწლმოსილი მოხუცები და პენსიონერები, ბავშვები, შშმ პირები. ყველაფერი უნდა გავაკეთოთ იმისთვის, რომ ამ ადამიანების ცხოვრება, ჩვენს გარემოში, იყოს კომფორტული, მათ ჰქონდეთ შესაძლებლობა თვითრეალიზების. შემდგომი 4 წლის განმავლობაში, საქართველოს მთავრობა, სისტემურ ინფრასტრუქტურაში განახორციელებს მინიმუმ 20 მილიარდი ლარის ინვესტირებას. ეს ყველაფერი კეთდება იმისთვის, რომ ქვეყნის მასშტაბით, ჩვენს მოქალაქეებს ჰქონდეთ ცხოვრების და განვითარებისთვის თანაბარი პირობები. ეს არის მთავრობის და სახელმწიფოს ვალდებულება , რომელიც ჩვენ, ყველამ ერთად უნდა შევასრულოთ. ამ მიზნების მისაღწევად, რა თქმა უნდა, ჩვენ გვჭირდება გამარჯვება. გვჭირდება გამარჯვება სამართლიან ბრძოლაში და ჩვენ გვჯერა, რომ 31 ოქტომბერს, ჩვენ, ყველანი ერთად ამ გამარჯვებას მივაღწევთ წყნარად, მშვიდად, ღირსეულად. ყველას უნდა გვესმოდეს, რომ პანდემია და ვირუსი არის დროებითი. ამ პრობლემას გადავლახავთ, ეკონომიკურ პრობლემებს გავუმკლავდებით, მაგრამ ის არჩევანი, რომელიც ჩვენ უნდა გავაკეთოთ 31 ოქტომბერს, წლების განმავლობაში განსაზღვრავს საქართველოს შემდგომ დემოკრატიულ განვითარებას. მით უმეტეს, როდესაც გვყავს ასეთი ღირსეული კანდიდატი. ბატონ სოზართან მე მიმუშავია ბევრი წლის განმავლობაში და მინდა გითხრათ, რომ კეთილსინდისიერი, პროფესიონალი პოლიტიკოსი, რომლისთვისაც ადამიანის უფლებები არ არის ფუჭი სიტყვა, რომელმაც ძალიან კარგად იცის, რას ნიშნავს ადამიანის ღირსებისა და უფლებებისთვის იბრძოლო ბოლომდე. ამიტომ, ჩემო ძვირფასებო, გისურვებთ ღირსეულ გამარჯვებას, სამართლიან ბრძოლაში,“ - განაცხადა პრემიერ-მინისტრმა.






Glovo მიტანის სერვისის შემდეგი თაობის, Q-Commerce-ის დაწყებას აანონსებს

Glovo მიტანის სერვისის შემდეგი თაობის, Q-Commerce-ის დაწყებას აანონსებს
access_time2020-12-01 09:55:23
•             ყველა საცალო და სასურსათო პროდუქტის მიწოდება ოცდაათ წუთზე ნაკლებ დროში განხორციელდება თბილისი, 2020 წლის 26 ნოემბერი: ბარსელონაში დაარსებული ტექნოლოგიური კომპანია Glovo, ახალი ბიზნეს განყოფილების, Q-Commerce-ის დაწყებას აანონსებს. ესაა მესამე თაობის კომერცია, რაც გულისხმობს ოცდაათ წუთში ან უფრო ნაკლებ დროში ყველაფრის მიწოდებას ქალაქებში.   Glovo საცალო და...

„რა სახით უნდა მიიღოს ვიტამინები თქვენმა პატარამ ვირუსულ პერიოდში?

„რა სახით უნდა მიიღოს ვიტამინები  თქვენმა პატარამ ვირუსულ პერიოდში?
access_time2020-12-01 10:50:13
ბრიტანელმა ექსპერტებმა გამოსცეს რეკომენდაციები, რომელშიც აღინიშნა, რომ აუცილებელია იმ პროდუქტების მიღება,რომელშიც D ვიტამინი და ომეგა 3 ჭარბობს, რათა გაძლიერდეს იმუნური სისტემა,განსაკუთრებით, ვირუსული ინფექციის დროს. ექსპერტების ოფიციალურ მიმართვაში ნათქვამია, რომ დაბალანსებულმა,ჯანსაღმა კვების რაციონმა შეიძლება გააუმჯობესოს ორგანიზმის ამტანობა პატარებში,გაზარდოს იმუნური წინააღმდეგობა ვირუსის მიმართ და ხელი შეუწყოს საჭმლის მომნელებელ სისტემას ინფექციის წინააღმდეგ...

„ჩემი ჩანგლიდან გადადის ვირუსი და თმის საშრობიდან არა? - ძალიან არაჯანსაღია ეს ყველაფერი“ - შეფ კონსტანტინე თედელური

„ჩემი ჩანგლიდან გადადის ვირუსი და თმის საშრობიდან არა? - ძალიან არაჯანსაღია ეს ყველაფერი“ - შეფ კონსტანტინე თედელური
access_time2020-12-01 11:00:48
„ეს ყველაფერი ძალიან არაჯასაღად გამოიყურება. ჩემი სარესტორნო სივრცე ისედაც ერთადგილიანი იყო, სხვები კი მაქსიმალურად დაშორებული მაგიდებით.  დაცული იყო ყველა რეგულაცია ისევე, როგორც უმეტეს დაწესებულებაში, მაგრამ მაინც მოვყევი ამ პროცესებში,“ – ამის შესახებ „კომერსანტთან“ რესტორატორმა, შეფ კონსტანტინე თედელურმა ისაუბრა. შეფ კონსტანტინეს ერთმაგიდიანი ბუტიკური რესტორანი - „შეფ კონსტანტინე თედელური“, ასევე Graph Sandwich IV და კრწანისის რეზიდენციის...

არანაირად არ ველოდით აუზების დახურვას, როცა მთელი მსოფლიო აღიარებს, რომ კორონავირუსი წყლით არ გადადის - ვაკის საცურაო აუზი

არანაირად არ ველოდით აუზების დახურვას, როცა მთელი მსოფლიო აღიარებს, რომ კორონავირუსი წყლით არ გადადის - ვაკის საცურაო აუზი
access_time2020-12-01 12:00:15
„არც ველოდით აუზების დახურვას, რადგან მთელი მსოფლიო აღიარებს, რომ წყლით კორონავირუსი არ გადადის. ეს ყველაფერი არ ყოფილა ჩვენთან გავლილი და კარგი იქნებოდა, გვცოდნოდა,“ - საცურაო აუზების კიდევ ორი თვით დახურვის შესაძლო შედეგებსა და მიზანშეწონილობაზე „კომერსანტს“ ვაკის საცურაო აუზის საზოგადოებასთან ურთიერთობის სამსახურში ესაუბრნენ. როგორც უკვე ცნობილია, კორონავირუსის გავრცელების პრევენციის მიზნით, 28 ნოემბრიდან მაღაზიები, რესტორნები, ფიტნესცენტრები და...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-30 21:00:27
დღის Top 10 საინტერესო ამბავი     1. „არ შეიძლება ადამიანებს ცხოვრება აუკრძალო, ეს კატასტროფა და სრული სიგიჟეა, კომუნიზმია“     საქართველოში უკვე მორედ, საქართველოს მთავრობამ კარანტინი გამოცხადა, ოფიციალურად ხელისუფლებამ წერტილოვანი შეზღუდვები აამოქმედა თუმცა, მათი გადაწყვეტილებით ქვეყანა რეალურად ისევ...


მსგავსი სიახლეები

up