გიორგი გახარია ქუთაისის საერთაშორისო უნივერსიტეტის გახსნაზე - ბოლო წლების განმავლობაში ეს არის  ყველაზე მნიშვნელოვანი და დიდი ქველმოქმედება ჩვენს ქვეყანაში

გიორგი გახარია ქუთაისის საერთაშორისო უნივერსიტეტის გახსნაზე - ბოლო წლების განმავლობაში ეს არის ყველაზე მნიშვნელოვანი და დიდი ქველმოქმედება ჩვენს ქვეყანაში

access_time2020-10-21 14:44:03

ეს არის ქველმოქმედების ყველაზე მნიშვნელოვანი და დიდი აქტი, რომელიც ამ ქვეყანაში ბოლო წლების განმავლობაში მომხდარა, - ამის შესახებ საქართველოს პრემიერ-მინისტრმა გიორგი გახარიამ, ქუთაისის საერთაშორისო უნივერსიტეტის გახსნაზე განაცხადა. ინფორმაციას მთავრობის ადმინისტრაციის პრესსამსახური ავრცელებს.



პრემიერმა მადლობა გადაუხადა ბიძინა ივანიშვილს და ფონდ „ქართუს აღნიშნული პროექტისთვის და აღნიშნა, რომ გამართულ, სრულფასოვან, ძლიერ განათლების სისტემას დიდი მნიშვნელობა აქვს იმისთვის, რომ საქართველომ გადადგას განვითარების შემდგომი მძლავრი ნაბიჯი.



„მოგესალმებით ქალბატონო პრეზიდენტო, მივესალმები საქართველოს პარლამენტის თავმჯდომარეს, მოგესალმებით ქალბატონებო და ბატონებო, მაგრამ ხაზგასმით მოგესალმებით სტუდენტებო! მესმის, რომ ეს თქვენთვის, თქვენს ცხოვრებაში ერთ-ერთი მნიშვნელოვანი დღეა. მესმის, რომ არაორდინალური დღეც არის, იმიტომ, რომ თქვენ გიწევთ სტუდენტური ცხოვრების პირბადეებით დაწყება. ეს საკმაოდ რთული წარმოსადგენი იყო თითოეული ჩვენგანისთვის, მაგრამ ეს ის რეალობაა, რომელსაც ჩვენ ყველანი უნდა შევეგუოთ. ესეც გაივლის, მაგრამ დარჩება ეს უნივერსიტეტი, ქუთაისის საერთაშორისო უნივერსიტეტი და დარჩება თქვენი პასუხისმგებლობა, რომ ეს ქვეყანა გადაიყვანოთ განვითარების ახალ ეტაპზე. ეს იქნება თქვენი გასაკეთებელი ბატონებო, რამეთუ, ყველას კარგად გვესმის, რამხელა მნიშვნელობა აქვს გამართულ, სრულფასოვან, ძლიერ განათლების სისტემას, იმისთვის, რომ საქართველომ გადადგას განვითარების შემდგომი მძლავრი ნაბიჯი და ამ საკითხში ფუნდამენტურ მეცნიერებებს და ფუნდამენტურ განათლებას აქვს კიდევ უფრო მეტი მნიშვნელობა



ამასთან ერთად, რა თქმა უნდა, მინდა შევუერთდე ქალბატონ პრეზიდენტს და მინდა უღრმესი მადლობა გადავუხადო ბატონ ბიძინა ივანიშვილს და ფონდ „ქართუს“ და ჩემი მოკრძალებული აზრი გამოვთქვა, რომ ეს არის ქველმოქმედების ყველაზე მნიშვნელოვანი და დიდი აქტი, რომელიც ამ ქვეყანაში ბოლო წლების განმავლობაში მომხდარა“, - განაცხადა გიორგი გახარიამ.



როგორც პრემიერ-მინისტრმა აღნიშნა, სტუდენტებს გლობალური გამოწვევებიდან გამომდინარე, სრულიად ახალ მსოფლიოში მოუწევთ ცხოვრება და ფუნდამენტური განათლება არის ერთადერთი საფუძველი სწორი გამოსავლის საპოვნელად.




„გარდა ამისა, მინდა ჩვენმა სტუდენტებმა იცოდნენ, რომ მათ სულ სხვა, ახალ მსოფლიოში მოუწევთ ცხოვრება, რადგან გლობალური გამოწვევები სულ უფრო და უფრო მნიშვნელოვანი ხდება ჩვენს ცხოვრებაში და ყველას კარგად უნდა გვესმოდეს, რომ ფუნდამენტური განათლება არის ერთადერთი საფუძველი იმის, რომ ჩვენ ამ გამოწვევებისგან სწორი გამოსავალი ვიპოვოთ. გლობალური კონკურენციაც იქნება სრულიად სხვანაირი. ეს არ იქნება ჩვენი თაობის სტუდენტობა და მეცნიერება, ეს იქნება სულ სხვა ხარისხის გამოწვევები და თქვენ ამისთვის მზად უნდა იყოთ. ამ უნივერსიტეტის თითოეული სტუდენტი იქნება და უნდა იყოს ამ ქვეყნის სიამაყე“, - განაცხადა გიორგი გახარიამ.



მთავრობის მეთაურის თქმით, ქუთაისის საერთაშორისო უნივერსიტეტი ქუთაისს, როგორც ქალაქს ახალ ფუნქციას შესძენს.



„მინდა, მივულოცო ქუთაისელებს, რამეთუ ქუთაისი, როგორც ქალაქი იძენს ახალ ფუნქციას, ახალ მისიას, ეს ყოველთვის იყო ქართული მეცნიერების, კულტურის, განვითარების ცენტრი, მაგრამ დღეს, საგანმანათლებლო ცენტრიც უნდა გახდეს და კიდევ ერთხელ მინდა ხაზგასმით აღვნიშნო მნიშვნელობა იმისა, რომ ქუთაისის საერთაშორისო უნივერსიტეტს ხაზგასმით აქვს აქცენტი გაკეთებული ფუნდამენტურ მეცნიერებაზე, რომელშიც ჩვენ, სამწუხაროდ, ბოლო ათწლეულების განმავლობაში საკმაოდ სერიოზული ჩავარდნა გვქონდა. გილოცავთ, გისურვებთ წარმატებულ მომავალს და დიდ გამარჯვებებს საქართველოს გაძლიერებისა და ჩვენი ქვეყნის მომავლისთვის!“, - განაცხადა გიორგი გახარიამ.



ქუთაისის საერთაშორისო უნივერსიტეტმა (KIU) პირველი სტუდენტები ბაკალავრიატის სამ ინგლისურენოვან პროგრამაზე მიიღო - მენეჯმენტი, მათემატიკა და კომპიუტერული მეცნიერება.



KIU-ში სტუდენტების მიღების კრიტერიუმები დღეს საქართველოში არსებულ უმაღლეს საგანმანათლებლო დაწესებულებებს შორის ერთ-ერთი ყველაზე რთულია და შესაბამისობაშია მიუნხენის ტექნიკური უნივერსიტეტის პროგრამის მოთხოვნებთან.



უნივერსიტეტი თანამშრომლობს ევროპის წამყვან მიუნხენის ტექნიკურ უნივერსიტეტთან და როგორც საოპერაციო მოდელი, ასევე პროგრამები შემუშავებულია მიუნხენის ტექნიკურ უნივერსიტეტთან პარტნიორობით. KIU-ში სწავლა ინგლისურ ენაზე მიმდინარეობს და სტუდენტებს ქართველი და ევროპელი პროფესორ-მასწავლებლები ასწავლიან.



ქუთაისის საერთაშორისო უნივერსიტეტი ქუთაისში, ეკოლოგიურად სუფთა გარემოში მდებარეობს. კამპუსი 153 ჰექტარ მიწაზეა გაშენებული და მოიცავს ულტრათანამედროვე აკადემიურ კორპუსებს, ბიბლიოთეკებს, კაფეტერიებს, კეთილმოწყობილ ინფრასტრუქტურას, საერთო სამუშაო სივრცეებს, სტუდენტურ საცხოვრებლებს, ასევე საცხოვრებლებს აკადემიური და ადმინისტრაციული პერსონალისთვის. ქუთაისის საერთაშორისო უნივერსიტეტის შექმნის იდეა ბიძინა ივანიშვილს და მის ოჯახს ეკუთვნის. ქუთაისის საერთაშორისო უნივერსიტეტის პროექტის განვითარებაში ფონდი „ქართუ“ ერთ მილიარდ ევროზე მეტ ინვესტიციას ახორციელებს.



უნივერსიტეტი თანამშრომლობს სიმსივნური დაავადებების პროტონული თერაპიის აპარატურის მწარმოებელ მსოფლიოს წამყვან ორგანიზაციასთან (IBA) საქართველოში პირველი პროტონული თერაპიის ცენტრის შესაქმნელად. აღნიშნულ ცენტრში შესაძლებელი იქნება კიბოს თანამედროვე მეთოდებით მკურნალობა. აქვე იგეგმება კვლევების განხორციელება როგორც სამედიცინო მიმართულებით, ასევე ექსპერიმენტული ბაზის შექმნა ელემენტარული ნაწილაკების ფიზიკის, რადიაციული ფიზიკის, რადიოქიმიისა და ბიოფიზიკის მიმართულებებისათვის.



ქუთაისის საერთაშორისო უნივერსიტეტის გახსნის ოფიციალური ცერემონიის სტუმრებს სიტყვით მიმართეს საქართველოს პრეზიდენტმა სალომე ზურაბიშვილმა, განათლების, მეცნიერების, კულტურისა და სპორტის მინისტრმა მიხეილ ჩხენკელმა, ასევე - ქუთაისის საერთაშორისო უნივერსიტეტის საპატიო პრეზიდენტმა ვოლფგანგ ჰერმანმა და ქუთაისის საერთაშორისო უნივერსიტეტის რექტორმა ალექსანდრე თევზაძემ.









„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“

„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“
access_time2020-11-24 16:25:46
მწვავე პანდემიურ პერიოდში აუცილებელია ვიზრუნოთ პატარების იმუნიტეტისა და ორგანიზმის მოძლიერებაზე. ბავშვებისთვის ვიტამინებისა და...

24 ნოემბერი - რეგიონში ქართული ლარი და თურქული ლირა გაუფასურდა

24 ნოემბერი - რეგიონში ქართული ლარი და თურქული ლირა გაუფასურდა
access_time2020-11-24 18:15:33
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 24 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3193 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-24 21:00:28
დღის Top 10 საინტერესო ამბავი: 1.„პოლიტიკური სტაბილურობა და დემოკრატიული გარემო ინვესტორისთვის პრიორიტეტია და მხოლოდ მთავრობის ბენეფიტების გამო არ შემოვა“ ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ...

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?
access_time2020-11-24 14:40:04
პანდემიის მეორე ტალღა პირველთან შედარებით გაცილებით მძიმე ჩანს. ინფიცირებულთა მაჩვენებელი ყოველდღიურად მატულობს და ახალ ანტირეკორდებს ხსნის, რაც ზოგად მდგომარეობას საკმაოდ...

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
access_time2020-11-24 17:30:23
ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის... ...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის...


მსგავსი სიახლეები

up