გიორგი გახარია - პანდემიასაც დავამარცხებთ, როგორც არ უნდა ეწყინოს ბევრს, არჩევნებსაც ღიად და დემოკრატიულად ჩავატარებთ

გიორგი გახარია - პანდემიასაც დავამარცხებთ, როგორც არ უნდა ეწყინოს ბევრს, არჩევნებსაც ღიად და დემოკრატიულად ჩავატარებთ

access_time2020-10-28 00:16:52

პანდემიასაც დავამარცხებთ, როგორც არ უნდა ეწყინოს ბევრს, არჩევნებსაც ღიად და დემოკრატიულად ჩავატარებთ, „ქართული ოცნება“ გაიმარჯვებს, მეორე დღიდან დავიწყებთ პოსტ-კრიზისული ეკონომიკური გეგმის განხორციელებას და მთავარი ამოცანა სამუშაო ადგილების შექმნა იქნება - ამის შესახებ საქართველოს პრემიერ-მინისტრმა გიორგი გახარიამ, ჟურნალისტებს განუცხადა. ინფორმაციას მთავრობის ადმინისტრაციის პრესსამსახური ავრცელებს.



ჟურნალისტის კითხვაზე, რატომ არ გეგმავს მთავრობა მკაცრი შეზღუდვების დაწესებას, ინფიცირებულთა რაოდენობის ზრდის მიუხედავად, პრემიერ-მინისტრმა აღნიშნა, რომ პანდემიის საწყისი პერიოდისგან განსხვავებით, დღეს სულ სხვა რეალობაა და ამიტომ, მთავრობის ღონისძიებები იქნება წერტილოვანი.




„როდესაც პირველი ტალღის ეტაპზე გავატარეთ უმკაცრესი ღონისძიებები, იყო რამდენიმე ფაქტორი - გაურკვევლობის ხარისხი იყო ბევრად უფრო მაღალი. არ ვიცოდით, რასთან გვქონდა საქმე და მარტო ჩვენ კი არა, მსოფლიომაც არ იცოდა, რასთან ჰქონდათ საქმე და მაშინ მკაცრი ჩაკეტვის ღონისძიებები ჩვენს გარდა ბევრმა სხვა ქვეყანამაც მიიღო. ელემენტარულად, დღეს თქვენ რომ პირბადე გიკეთიათ, იმ ეტაპზე, პირბადე იყო დეფიციტი. არა თუ ქვეყანაში, არამედ მსოფლიოში. გარდა ამისა, მაშინ ქვეყანას ჰქონდა შესაძლებლობა, გაეკეთებინა დღეში 200 PCR ტესტი. ხარისხიანი სწრაფი ტესტები არ არსებობდა. მაშინაც სპეკულირებდა ოპოზიცია ამ თემით. კიდევ ბევრი არგუმენტი შემიძლია ჩამოგითვალოთ. ჯანდაცვის სისტემა იყო სრულიად სხვა მდგომარეობაში - ელემენტარულად სასუნთქი აპარატების რაოდენობა იყო უდიდესი დეფიციტი.



დღეს სულ სხვა რეალობაა, ამიტომ, ჩვენ ვამბობთ - ჩვენი ღონისძიებები იქნება წერტილოვანი. ჩვენ არ გვითქვამს შეზღუდვებზე და ლოკდაუნებზე უარი, მაგრამ ეს არ იქნება სისტემური, მთლიანად ქვეყნის მასშტაბით. ეს იქნება წერტილოვანი, იქ, სადაც ამის საჭიროება იქნება. სრულად არის გადალაგებული კლინიკური მართვის სისტემა და არის თავდაცვის რამდენიმე შრე. ეს არის პირველადი ჯანდაცვა და ოჯახის ექიმი, საკარანტინე სივრცეები, ეს არის კოვიდ-სასტუმროები, ჰოსპიტალური სისტემა. ეს ყველაფერი უზრუნველყოფს იმას, რომ იმის მიუხედავად, რამდენი ინფიცირებული გვეყოლება, ყოველდღიურად, სისტემის მდგრადობამ ამას გაუძლოს. ყველა ქვეყნის ყველაზე განვითარებული და ეკონომიკურად ძლიერი ქვეყნის რესურსიც არის ამოწურვადი და ჩვენი მთავარი მიზანია არის ის, რომ ის მწირი რესურსი, რომელიც საქართველოს გააჩნია გადავანაწილოთ. ადამიანი, რომელსაც სიმპტომები არ აქვს, დაბალი ტემპერატურა აქვს და მსუბუქია, ეს ადამიანი უნდა იმართებოდეს ბინაზე, ან კოვიდ-სასტუმროში. ჩვენ ეს სპეციალურად შევქმენით. თუ ადამიანს არ აქვს იზოლაციის პირობები ბინაზე, მას შევიქმენით პირობები და გადაგვყავს კოვიდ-სასტუმროში. ბოლო ერთი კვირის განმავლობაში, ევროპის ბევრ ქვეყანაში დამყარდა ანტი-რეკორდები. ქვეყნები ავიდნენ ათობით ათას ინფიცირების შემთხვევებზე. ამ ქვეყნების პირობებშიც სისტემური ლოკდაუნები არ ხორციელდება“, - განაცხადა გიორგი გახარიამ.







ხელისუფლება გარემოვაჭრეებს „ეღადავება“

ხელისუფლება გარემოვაჭრეებს „ეღადავება“
access_time2020-11-30 19:46:50
ჯანდაცვის სამინისტროს შრომის ინსპექციის ხელმძღვანელი, ბექა ფერაძე გარემოვაჭრეებს ურჩევს, მუშაობა შეზღუდვების დროს ონლაინ გააგრძელონ. ამის შესახებ მან ჟურნალისტებს ქუჩაში მომუშავე მეყვავილეების შესახებ დასმული კითხვის საპასუხოდ უთხრა.   მათ შეუძლიათ, დისტანციურად, ონლაინ განახორციელონ ეკონომიკური საქმიანობა. ეს არ არის აკრძალული, თუმცა, მობილობის შესამცირებლად მსგავსი ტიპის საქმიანობები მთელი მსოფლიოს მასშტაბით არის შეზღუდული, - თქვა ჯანდაცვის უწყების...

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა

საქართველოს ფინანსთა მინისტრ ივანე მაჭავარიანს კორონავირუსი დაუდასტურდა
access_time2020-11-30 19:43:42
ტესტირების შედეგად  საქართველოს ფინანსთა მინისტრ ივანე მაჭავარიანს კოვიდ-19 დაუდასტურდა. ამის შესახებ იფორმაციას ფინანსთა სამინისტროს პრესსამსახური ავრცელებს. მათი ინფორმაციით მინისტრი  ამჟამად, იგი თავს კარგად გრძნობს და მუშაობას სახლიდან, დისტანციურ რეჟიმში განაგრძობს.   ტესტირების შედეგად, კოვიდ-19 დაუდასტურდა  მინისტრის მოადგილეს, გიორგი კაკაურიძესაც, რომელიც ასევე სახლში გადის მკურნალობას.

როგორ ცხოვრობს ყარაბახი ომის შემდეგ?

როგორ ცხოვრობს ყარაბახი ომის შემდეგ?
access_time2020-11-30 20:00:36
ომი ყარაბახში 10 ნოემბერს სომხეთის, აზერბაიჯანის და რუსეთის მიერ ხელმოწერილი შეთანხმების საფუძველზე დასრულდა. სომხეთში გაქცეული ადგილობრივები კი ნელა-ნელა სახლებში ბრუნდებიან. ომამდე მთიანი ყარაბახის მოსახლეობა 140 000, ხოლო რეგიონის დედაქალაქ სტეფანაკერტის - 50 000-ს შეადგენდა. მათი დიდი ნაწილი ომის პირველივე დღეებში სომხეთში გადაიხვეწა, დღეს კი ვითარება საპირისპიროა, ყარაბახელები სახლებში...

IMF-მა უკრაინას ფინანსურ დახმარებაზე უარი უთხრა

IMF-მა უკრაინას ფინანსურ დახმარებაზე უარი უთხრა
access_time2020-11-30 19:00:59
ის, რომ უკრაინას შესაძლოა საერთაშორისო სავალუტო ფონდის დახმარების მორიგ ტრანში ვერ მიეღო, წარმოუდგენელი და დაუჯერებელი სულაც არ ყოფილა. და აი ეს დღე მოვიდა, თუ რამე არ შეიცვალა და სავარაუდოდ, არაფერი შეიცვლება, ქვეყანა საერთაშორისო ფინანსურ დახმარებას ვერ მიიღებს.   შესაბამისად, მთავრობა ბიუჯეტის შესრულების მხრივ საშინელ სიტუაციაში აღმოჩნდება. უზარმაზარი დეფიციტი ასევე უზარმაზარ პრობლემებს შექმნის. პირველ რიგში ეს ე.წ. „დაუცველ ხარჯებს“ შეეხება, მათი შესრულება უკვე დაუწყო,...

30 ნოემბერი - რეგიონში მხოლოდ ქართული ლარი და სომხური დრამი გაუფასურდა

30 ნოემბერი - რეგიონში მხოლოდ ქართული ლარი და სომხური დრამი გაუფასურდა
access_time2020-11-30 18:05:37
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 30 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3253 ლარი...


მსგავსი სიახლეები

up