მესტია უნდა გახდეს ჩვენი ქვეყნის სიძლიერის ერთ-ერთი არგუმენტი. ამიტომ, მთაში მიგრაციული პროცესები ნელ-ნელა შეჩერდა და ადამიანები მთას უბრუნდებიან, - განაცხადა საქართველოს პრემიერ-მინისტრმა, გიორგი გახარიამ მესტიაში, ამბროლაურის, ონის, ცაგერის, მესტიისა და ლენტეხის მაჟორიტარი დეპუტატობის კანდიდატის, გოჩა ენუქიძის წარდგენისას.
„ჩვენი მთავარი მიზანია, რომ ყველგან - მთაშიც, ბარშიც, თბილისშიც, მესტიაშიც, ბათუმშიც, რუსთავშიც ახალგაზრდებს ჰქონდეთ ერთი და იგივე შესაძლებლობები, ჩვენს ღვაწლმოსილ მოხუცებს ჰქონდეთ ერთნაირი შესაძლებლობები - როგორც საპენსიო, ჯანდაცვის მიმართულებით, არ უნდა იყოს სხვაობა. ეს იქნება ეკონომიკურად ძლიერი, დემოკრატიული საქართველო, სადაც სვანეთისმაგვარი კუთხეები იმ მრავალფეროვნებას შეიტანენ არამხოლოდ საქართველოს გამდიდრებისთვის, არამედ ევროპის გამდიდრებისთვის. მე ვიცი, რომ ეს თქვენ, ყველას შეგიძლიათ. ბოლო სლების განმავლობაში, სვანეთის ინფრასტრუქტურაში, დაახლოებით 150 მილიონზე მეტი ჩაიდო, მაგრამ ეს საკმარისი არაა. შემიძლია გითხრათ, რომ მომავალი ოთხი წლის განმავლობაში, ინფრასტრუქტურულ პროექტებში მთავრობა 20 მილიარდ ლარს. ამ თანხის დიდი ნაწილი მიმართული იქნება მესტიისა და სვანეთისკენ. მიუხედავად იმისა, რომ მესტიის წყალმომარაგება, ასე თუ ისე, წესრიგში იყო მოყვანილი, 2021 წლიდან 24-საათიანი წყალმომარაგების საკითხიც დაიწყება და დასრულდება“ - განაცხადა გიორგი გახარიამ.
imedinews