გიორგი გახარია - მთავრობის ძირითადი ამოცანაა ძლიერი ქართული ბიზნესი, განვითარებული კომპანიები, რომლებიც დამატებით სამუშაო ადგილებს ქმნიან

გიორგი გახარია - მთავრობის ძირითადი ამოცანაა ძლიერი ქართული ბიზნესი, განვითარებული კომპანიები, რომლებიც დამატებით სამუშაო ადგილებს ქმნიან

access_time2019-12-30 15:00:11

ჩვენი მთავრობის ძირითადი ამოცანაა ძლიერი ქართული ბიზნესი, ძლიერი ქართული კომპანიები, რომლებიც ქმნიან ახალ, დამატებით სამუშაო ადგილებს, - ამის შესახებ საქართველოს პრემიერ-მინისტრმა გიორგი გახარიამ მთავრობის 2019 წლის ბოლო სხდომაზე განაცხადა. ინფორმაციას პრემიერის პრესსამსახური ავრცელებს.



მთავრობის მეთაურმა ყურადღება გაამახვილა ეკონომიკური განვითარების პრიორიტეტებზე აღნიშნა, რომ ეკონომიკის მიმართულებით მთავრობის ყველაზე მნიშვნელოვანი პრიორიტეტი სამუშაო ადგილებია.



„სამუშაო ადგილები არის უაღრესად დიდი გამოწვევა ქვეყნისთვის და რა თქმა უნდა, ყველას კარგად გვესმის, რომ დღეს არ გვილხინს, თუმცა უნდა ვიმუშაოთ მეტი, კონცენტრირებულად და უნდა ვთქვათ, რომ ჩვენი ძირითადი პარტნიორი სამუშაო ადგილების შექმნაში გახლავთ ქართული ბიზნესი. ჩვენ გავააქტიურეთ ურთიერთობა, თანამშრომლობა ბიზნესთან, მოვხსენით ბევრი მიმდინარე პრობლემა, თუმცა არსებობს კიდევ ბევრი სისტემური გამოწვევები, რომლებსაც ერთობლივად უნდა ვუპასუხოთ", - განაცხადა პრემიერ-მინისტრმა.



გიორგი გახარიას თქმით, საკმაოდ კარგი ციფრები გვაქვს ეკონომიკური ზრდის მიმართულებით. როგორც მთავრობის მეთაურმა განაცხადა, 10 თვის მონაცემებით, საქართველოში 2019 წელს ეკონომიკური ზრდა დაფიქსირდა 5%-ზე მეტი. პრემიერ-მინისტრმა ხაზი გაუსვა, რომ მთავრობა საკმაოდ ოპტიმისტურად უყურებს წლის საბოლოო მონაცემებსაც.



„კარგი მონაცემები გვაქვს მესამე კვარტალში, პირდაპირი უცხოური ინვესტიციების თვალსაზრისით. გვაქვს 14%-იანი ზრდა, თუმცა კიდევ ბევრი გვაქვს სამუშაო იმისთვის, რომ ჩვენი ქვეყნის მიმზიდველობა დავანახოთ მაქსიმალურად ჩვენს პარტნიორებს", - განაცხადა მთავრობის მეთაურმა.




პრემიერ-მინისტრის თქმით, კარგი მონაცემები გვაქვს ტურისტების რაოდენობის თვალსაზრისით. როგორც გიორგი გახარიამ აღნიშნა, ციფრმა 9 მილიონს გადააჭარბა.



„დღეს, ასევე თამამად შეგვიძლია ვთქვათ, რომ საქართველოს ზამთრის კურორტები - მესტია, გუდაური, გოდერძი, ბაკურიანი, დღეს მზად არიან უმასპინძლონ ჩვენს უცხოელ სტუმრებს, ტურისტებს", - განაცხადა პრემიერ-მინისტრმა.



მთავრობის მეთაურმა, ასევე ისაუბრა სულ რამდენიმე კვირის წინ დაწყებულ დაჩქარებულ პრივატიზაციაზე.



„ეს ნიშნავს 100 ქონებას, რომელიც მუდმივად იქნება ეკონომიკის სამინისტროს ნუსხაში და რომელიც გვაძლევს საშუალებას, გავააქტიუროთ ის აქტივები, რომელიც ჯერ აქამდე ეკონომიკურ ცხოვრებაში მონაწილეობას არ იღებდა. სულ რამდენიმე კვირის, დაახლოებით ერთი თვის განმავლობაში უკვე მოხდა 28 ქონების რეალიზაცია, რაც დაახლოებით 45 მილიონ ლარს აღემატება", - განაცხადა გიორგი გახარიამ.



პრემიერ-მინისტრმა მიწის სისტემურ რეგისტრაციაზე გაამახვილა ყურადღება, რომელიც 2020 წლიდან დაიწყება. გიორგი გახარიას თქმით, ეს უაღრესად მნიშვნელოვანი რეფორმაა და სამი წლის განმავლობაში აღნიშნული პრობლემას მოგვარდება.



„ეს რეფორმა გვაძლევს საშუალებას, რომ მიწა, როგორც ერთ-ერთი ძირითადი ეკონომიკური აქტივი იყოს ჩართული სრულად ეკონომიკურ ცხოვრებაში და ბრუნვაში", - განაცხადა მთავრობის მეთაურმა.



პრემიერ-მინისტრმა, ასევე ისაუბრა სახელმწიფო პროგრამაზე „აწარმოე საქართველოში".



ძალიან მნიშვნელოვანია გვესმოდეს, რომ საქართველოს მთავრობის ისეთი წარმატებული პროექტები, რომლებიც წლებია ხორციელდება, მაგალითად „აწარმოე საქართველოში", რომელიც საჭიროებას შემდგომ განვითარებას, შემდგომ მოდერნიზებას, 2020 წლისთვის უნდა მივიდეს თითქმის თითოეულ ქართულ ოჯახში, ის გაიშლება რეგიონებში. სოფლის მეურნეობის სამინისტროს პროგრამები, მეწარმეობის დახმარების, ისევე როგორც ეკონომიკის სამინისტროს პროგრამები იქნება ერთი ფანჯრის პრინციპით გაშლილი რეგიონში და თითოეულ ჩვენს მოქალაქეს, რომელსაც აქვს სურვილი აიღოს პასუხისმგებლობა თავის თავზე, გახდეს მეწარმე, იქნება ის ახალგაზრდა, რომლებისთვისაც განსაკუთრებული პროგრამები იქნება, ჩვენ მივესალმებით და ყველა მხრივ დავუჭერთ მხარს იმისთვის, რომ მივცეთ საშუალება, ადამიანებმა იზრუნონ პირველ რიგში, თავიანთ კეთილდღეობაზე და ყველაზე წარმატებულებმა შეძლონ შემდგომში შექმნან დამატებითი სამუშაო ადგილები", - განაცხადა მთავრობის მეთაურმა.








მართლმსაჯულება ქართულად - ყოფილი სამხედროს ბრძოლა სახელმწიფო ინსტიტუტებთან

მართლმსაჯულება ქართულად - ყოფილი სამხედროს ბრძოლა სახელმწიფო ინსტიტუტებთან
access_time2020-10-01 10:00:49
საქართველოს მართლმსაჯულების სისტემაში არაერთი სერიოზული პრობლემა, რომ არსებობს, ეს ყველამ კარგად იცის. ყველა საუბრობს იმის შესახებ, რომ ხელისუფლებას სასამართლოზე გავლენა აქვს, რომ სასამართლო პოლიტიკურად მოტივირებულ გადაწყვეტილებებს იღებს, მიკერძოებულია და ხდება სამართლის შერჩევითად გამოყენება. რომ სასამართლო საქართველოში ყველა მოქალაქეს ერთნაირად არ ეპყრობა, თუმცა დღეს „კომერსანტი“ მოგიყვებათ რადიკალურად განსხვავებულ ამბავს, ამბავს თუ როგორ აღმოჩნდა ყოფილი სამხედრო სახელმწიფო ინსტიტუტებთან...

სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ

სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ
access_time2020-09-30 18:55:13
ბოლო პერიოდში, სილქნეტის აბონენტთა მომსახურების მიმართულების ყოფილთანამშრომელთა მცირე ჯგუფის მიერ ხდება სხვადასხვა არხებით მცდარი ინფორმაციის გავრცელება კომპანიასთან დაკავშირებით, თითქოს კომპანიაში მიმდინარეობს გაფიცვა, სამუშაო პირობების გაუმჯობესების მოთხოვნით. ეს ინფორმაცია სინამდვილეს არ შეესაბამება და შეცდომაში შეჰყავს მედია საშუალებები და საზოგადოება. კომპანიის აბონენტთა მომსახურების მიმართულება გამართულად მუშაობს და სრული დატვირთვით...

30 სექტემბერი - რეგიონში მხოლოდ ქართული ლარი გამყარდა

30 სექტემბერი - რეგიონში მხოლოდ ქართული ლარი გამყარდა
access_time2020-09-30 18:05:31
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 30 სექტემბრის ვაჭრობის შედეგად, ქართული ლარის კურსი 8 თეთრით გამყარდა და ერთი აშშ...

ჩვენ უკეთესი სატარიფო შეთავაზებები გვაქვს - ელექტროსკუტერების ბაზარზე მაღალი კონკურენციაა

ჩვენ უკეთესი სატარიფო შეთავაზებები გვაქვს - ელექტროსკუტერების ბაზარზე მაღალი კონკურენციაა
access_time2020-10-01 12:00:17
„რაც  უფრო მეტი კონკურენტი გამოჩნდება ეს ჩვენთვისაც და ქალაქისთვისაც უფრო  კარგი იქნება , რადგან ქალაქს ველობილიკებიც ემატება და შედეგად ეკოლოგიური მდგომარეობაც გაუმჯობესდება“ - ასე  გამოეხმაურა ელექტროსკუტერების გაზიარების სერვისის „სქროლის“ ბიზნესგანვითარების მიმართულების ხელმძღვანელი დანიელ დოინიცინი  ბაზარზე  ორი კონკურენტის kicky-ს და „ტრენდის“ გამოჩენას. ელექტროსკუტერების გაზიარების სისტემა „სქროლი“, დედაქალაქში კორონავირუსის...

საქართველოში მზის პირველ ელექტროსადგურს ახალი ინვესტორი ააშენებს

საქართველოში მზის პირველ ელექტროსადგურს ახალი ინვესტორი ააშენებს
access_time2020-09-30 16:00:57
საქართველოში მზის პირველ ელექტროსადგურს ახალი ინვესტორი ააშენებს. "უდაბნოს მზის ელექტროსადგურის“ პროექტისთვის ინვესტორის შერჩევა წლის ბოლომდე დაიწყება. თითქმის, 1 მლნ დოლარით შემცირდა პროექტის საინვესტიციო ღირებულება და 5 მგვტ-იანი ელექტროსადგურის აშენებას ინვესტორი 3,5-4 მლნ დოლარად შეძლებს. "უდაბნოს მზის ელექტროსადგური“ საგარეჯოში, სოფელ უდაბნოს მიმდებარე ტერიტორიაზე აშენდება და მისი წლიური გამომუშავება დაახლოებით, 7 მლნ კვტ/სთ...


მსგავსი სიახლეები

up