გიორგი გახარია მიუნხენში მაღალი დონის ორმხრივ შეხვედრებს გამართავს

გიორგი გახარია მიუნხენში მაღალი დონის ორმხრივ შეხვედრებს გამართავს

access_time2020-02-14 10:11:10

საქართველოს დელეგაცია, პრემიერ-მინისტრ გიორგი გახარიას ხელმძღვანელობით, მიუნხენის უსაფრთხოების კონფერენციაში მიიღებს მონაწილეობას. სამუშაო ვიზიტის ფარგლებში, მთავრობის მეთაური მიუნხენის 56-ე უსაფრთხოების კონფერენციის გახსნით სესიას დაესწრება.


საქართველოს პრემიერ-მინისტრის პრესსამსახურის ცნობით, გიორგი გახარია კონფერენციის ფარგლებში მაღალი დონის ორმხრივ შეხვედრებს გამართავს.


მიუნხენი უსაფრთხოების 56-ე, ყოველწლიურ კონფერენციას 14-დან 16 თებერვლის ჩათვლით უმასპინძლებს. მიუნხენში 500-ზე მეტ მაღალი დონის საერთაშორისო გადაწყვეტილების მიმღებ პირს ელოდებიან.


პოლიტიკური, ბიზნესის, აკადემიური წრეებისა და სამოქალაქო საზოგადოების წარმომადგენლები არსებულ კრიზისებსა და მომავალ უსაფრთხოების გამოწვევებზე იმსჯელებენ.


განხილვების ერთ-ერთი თემა იქნება, თუ რა არის დასავლეთის ცნება, რას ნიშნავს დასავლეთის პასუხისმგებლობა.



მიუნხენის 2020 წლის უსაფრთხოების კონფერენციის ფარგლებში, ღონისძიების მონაწილეები ეცდებიან, პასუხი და გამოსავალი იპოვონ მსოფლიო დღის წესრიგში არსებულ ფუნდამენტურ საკითხებზე, მათ შორის ევროპული პროექტების განხორციელება, ლიბერალური საერთაშორისო წესრიგი, თავდაცვის კუთხით თანამშრომლობა, კლიმატური ცვლილებები, საერთაშორისო ვაჭრობა და ტექნოლოგიური პროგრესი საერთაშორისო უსაფრთხოებასთან მიმართებით.


ბავარიის დედაქალაქში საფრანგეთის პრეზიდენტ ემანუელ მაკრონსა და კონფერენციაზე პირველად, კანადის პრემიერ-მინისტრ ჯასტინ ტრიუდოს ელოდებიან. ღონისძიებას გახსნის გერმანიის პრეზიდენტი ფრანკ-ვალტერ შტაინმაიერი. აზიის როლის ზრდა იქნება დისკუსიების ერთ-ერთი თემა და სამდღიან მსჯელობებში მონაწილეობას მიიღებენ ინდოეთის, ჩინეთისა და იაპონიის დელეგაციები.


კორონავირუსის აფეთქებასა და ჯანდაცვის კუთხით ამ ახალ გამოწვევაზე დისკუსიაში მონაწილეობას მიიღებს მსოფლიო ჯანდაცვის ორგანიზაციის პრეზიდენტი, სხვა საერთაშორისო ორგანიზაციების წამყვან ხელმძღვანელებთან ერთად.


ბავარიაში ელოდებიან 35 სახელმწიფოს ხელმძღვანელ პირებს, მათ შორის არიან ამერიკის სახელმწიფო მდივანი მაიკ პომპეო, აზერბაიჯანის პრეზიდენტი ილჰამ ალიევი, ლიეტუვის პრეზიდენტი გიტანას ნაუსედა, ასევე ავღანეთის პრეზიდენტი აშრაფ ღანი.


მიუნხენის უსაფრთხოების კონფერენციის ორგანიზატორთა ინფორმაციით, სამდღიან განხილვებს დაესწრება 100-მდე საგარეო თუ თავდაცვის უწყების ხელმძღვანელი. მათ შორის იქნებიან ამერიკის თავდაცვის მდივანი მარკ ესპერი, თურქეთის თავდაცვის მინისტრი ჰულუსი აკარი, რუსეთის საგარეო საქმეთა მინისტრი სერგეი ლავროვი, გერმანიის საგარეო უწყების ხელმძღვანელი ჰეიკო მაასი, ირანის საგარეო უწყების ხელმძღვანელი მუჰამედ ჯავად ზარიფი.


1tv.ge




გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს

გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს
access_time2020-07-10 12:30:27
პრემიერ-მინისტრი გიორგი გახარია არ გამორიცხავს, რომ 2020 წლის საარჩევნო სიაში „ქართული ოცნების“ თავმჯდომარე ბიძინა ივანიშვილი იყოს. ამის შესახებ გიორგი გახარიამ ჟურნალისტებს განუცხადა, რითაც უპასუხა შეკითხვას, შესაძლებელია თუ არა, რომ საარჩევნო სიაში ბიძინა ივანიშვილიც ვიხილოთ. „რა თქმა უნდა, ბიძინა ივანიშვილი არის „ქართული ოცნების“ დამფუძნებელი და მისი თავმჯდომარე. რა თქმა უნდა...“, - განაცხადა გიორგი გახარიამ. ipn.ge

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა
access_time2020-07-10 10:50:20
„ახალგაზრდა ადვოკატებმა“ „ლიდერფუდის“ საქმეზე განხორციელებული სამართლებრივი დასკვნა და მონიტორინგი საქმის განმხილველ ყველა მოსამართლეს უკვე მიაწოდა, რათა გაცნობილ ყოფილიყო საქმის ირგვლივ ალტერნატიული დასკვნები და შეხედულებები. ამის შესახებ ორგანიზაციის ხელმძღვანელმა არჩილ კაიკაციშვილმა „კომერსანტთან“ საუბრისას აღნიშნა. მისი ინფორმაციით, მონიტორინგის შედეგები, ასევე მიეწოდა უზენაეს სასამართლოში ამავე საქმეზე დანიშნულ მოსამართლეს, მირანდა ერემაძეს, რომელმაც საქმის წარმოებაში...

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ
access_time2020-07-10 10:00:28
საერთაშორისო ფარმაცევტული კომპანიები საქართველოში წარმომადგენლობებს ხურავენ. ამის შესახებ „კომერსანტს“ ფარმაცევტული კომპანიების წარმომადგენელთა ასოციაციის აღმასრულებელმა დირექტორმა, ირაკლი მარგველაშვილმა განუცხადა. მისი თქმით, ბოლო პერიოდში საქართველოს ფარმაცევტული ბაზარზე პირდაპირი წარმომადგენლობა დახურა ისეთმა უმსხვილესმა საერთაშორისო კომპანიებმა როგორიცაა Glaxo, Sandoz, astellas pharma. ირაკლი მარგველაშვილი აცხადებს, რომ ფარმაცევტული...

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

ყველაზე გაურკვეველ მდგომარეობაში ვართ - შემოსავლის გარეშე დარჩენილი ხელოვანები მთავრობისგან დახმარებას ითხოვენ

ყველაზე გაურკვეველ მდგომარეობაში ვართ - შემოსავლის გარეშე დარჩენილი ხელოვანები მთავრობისგან დახმარებას ითხოვენ
access_time2020-07-10 11:30:36
პანდემია თითქმის ყველა სფეროს წარმომადგენელებზე უარყოფითად აისახა, თუმცა, ერთ-ერთ ყველაზე მძიმე მდგომარეობაში ხელოვანები და კულტურის სფეროს წარმომადგენლები აღმოჩნდნენ. დისტანციურ რეჟიმში მუშაობა და რეკომენდაციების დაცვა ანსამბლების და სტუდიების უმრავლესობისთვის რთული აღმოჩნდა. ანსამბლ „თორდას“ ხელმძღვანელი თამუნა ალადაშვილი „კომერსანტთან“ საუბრისას აღნიშნავს, რომ ბავშვთა სტუდიებისთვის არსებული რეგულაციების დაცვა ძალიან რთულია, გარდა ამისა, ბიზნესის კუთხითაც...


მსგავსი სიახლეები

up